MERHBA FIL

NAĦILFU LI NEĦILSU LIL MALTA MILL-JASAR, IL-KOLONJALIŻMU U L-ĦAKMA DITTATORJALI ILLEGALI TA' L-UNJONI EWROPEA

L-UE ordnat li mis-sena 2009 il-Maltin u l-Għawdxin iħallsu lill-Unjoni Ewropea €153,400 kuljum

Petizzjoni popolari dwar l-immigrazzjoni illegali

Fil-Konferenza Pubblika li s-CNI għamlet f’lukanda f’Tas-Sliema, nhar il-Ġimgħa, 5 ta’ Diċembru, ġie deċiż li l-membri tal-Parlament Malti għandhom jiedu azzjoni konkreta kontra l-immigrazzjoni illegali f’Malta.

Għall-Konferenza kienu mistednin ir-rappreżentanti tal-partiti politiċi kollha.

Il-Mexxej tal-Azzjoni Nazzjonali, Dr Josie Muscat, tkellem fit-tul dwar il-konsegwenzi ħżiena li l-immigrazzjoni illegali qiegħda tikkaġuna lil poplu Malti u ressaq proposta li kienet tgħid:

“Aħna, ċittadini Maltin, nitolbu lill-Parlament Malti, biex mingħajr dewmien jieħu passi konkreti ħalli titwaqqaf l-immigrazzjoni illegali f’pajjiżna.”

Iċ-Ċermen tas-CNI, Dr Karmenu Mifsud Bonnici, qal li fix-xhur li ġejjin għandha ssir kampanja ħalli l-Maltin u l-Għawdxin jiffirmaw din il-petizzjoni lill-Parlament Malti.

L-ewwel jinġabru l-firem tal-abitanti tal-Marsa u ta’ Birżebbuġa u jekk it-tweġiba tkun inkoraġġanti, il-kampanja tinfirex mal-abitanti tal-ibliet u l-irħula ta’ Malta u Għawdex.

Il-kelliema fil-Konferenza fissru kif il-miżuri meħudin s’issa dwar l-immigrazzjoni illegali, fallew.

La t-twaqqif tal-aġenzija Frontex u lanqas il-ftehim dwar ‘burden sharing’ mhuma se jiskoraġġixxu lill-immigranti.

Il-proposti li l-Kummissjoni Ewropea għamlet fit-3 ta’ Diċembru, aktar se jħażżnu l-qagħda, għax iridu li l-immigranti illegali ma jinżammux f’ċentri ta’ detenzjoni u li jingħataw mill-ewwel, hekk kif jiġu f’pajjiżna, aċċess għax-xogħol.

Dr Josie Muscat saħaq li biex jinqatgħu l-abbużi u l-isfruttament tal-immigranti illegali, għal dawk li jingħataw permess jaħdmu, għandha titwaqqaf aġenzija li tirreġistrahom u li tikkontrolla x-xogħol li jingħataw, fejn jaħdmu u x’kundizzjonijiet tax-xogħol ikollhom.

Dr Karmenu Mifsud Bonnici saħaq li jekk irridu nsolvu din il-problema serjissima, il-pajjiż irid jiddikjara lil kulħadd li mhux se jaċċetta immigranti illegali, jiġu minn fejn jiġu, tkun xi tkun ir-raġuni u li kull immigrant li jiġi Malta se jintbagħat lura lejn pajjiżu.

Għandu jkun magħruf ma’ kulħadd li l-immigranti illegali li ma jagħtux tagħrif minn liema pajjiż ġejjin, jinżammu l-ħabs sakemm jagħtu t-tagħrif meħtieġ.

La jkun magħruf minn kulħadd li Malta mhix qiegħda taċċetta immigranti illegali, dawn ma jissograwx ibaħħru għalxejn.

Dr Mifsud Bonnici saħaq li fil-waqt li ma naċċettawx immigranti illegali, għandna bħala poplu nuru s-solidarjetà tagħna ma’ min hu agħar minna.

Għandna nagħmlu dan billi l-pajjiż jalloka kull sena persentaġġ mid-Dħul Gross Nazzjonali (GNI) lil pajjiżi fil-bżonn li minnhom qegħdin jitilqu l-immigranti.

B’dan il-mod, la ma nistgħux nagħtuhom kenn lill-immigranti, nagħtuhom għajnuna f’pajjiżhom – kif nistgħu, minkejja l-faqar tagħna.

Il-kelliemi qal ukoll li sakemm pajjiżna jkun membru tal-UE, ir-rappreżentanti tagħna għandhom jagħfsu lill-UE ħalli torganizza u tiffinanzja skemi regolari ta’ immigranti għal dawk il-pajjiżi tal-UE li għandhom bżonnhom, biex b’hekk l-immigrazzjoni regolari tieħu post dik illegali.

Dawk kollha li ħadu sehem fid-diskussjoni mqanqla, qablu maż-żewġ kelliema u mal-pjan tal-Petizzjoni Popolari lill-Membri tal-Parlament.

Fl-għeluq tal-laqgħa, ġew ringrazzjati s-Sur Joe Baldacchino tas-Smash TV, li ffilmja u rrekordja l-Konferenza u s-Sur Anġlu Xuereb, li ġentilment aċċetta li l-Konferenza ssir fis-sala tal-Lukanda Victoria.

Il-Gvern m’għandux jittradixxi l-interessi nazzjonali

Minflok tgħinna biex inrażżnu l-problema tal-immigrazzjoni illegali f’Malta, l-Unjoni Ewropea, anki jekk ma tridx, qiegħda tkabbrilna l-problema, billi b’dak li tiddeċiedi, tinkoraġġixxi aktar immigranti jbaħħru lejn l-Ewropa.

Id-deċiżjoni li l-Kummissjoni tal-Unjoni Ewropea ħadet fil-laqgħa tagħha tat-3 ta’ Diċembru, se tkompli tħażżilna l-qagħda tal-immigranti illegali.

Għax fit-3 ta’ Diċembru l-Kummissjoni pproponat li jemendaw id-Direttiva tal-Unjoni Ewropea dwar il-Kundizzjonijiet ta’ Akkoljenza tal-immigranti illegali li japplikaw għal ażil, jiġifieri, biex jitqiesu refuġjati.

Fi kliem l-istqarrija uffiċċjali li r-rappreżentanza f’Malta tal-Kummissjoni Ewropea ħarġet, il-proposta tal-Kummissjoni Ewropea, timmira b’mod partikolari biex

“ikun żgurat li d-detenzjoni tintuża biss f’każi eċċezzjonali u tipprovdi għal salvagwardji legali biex ikun żgurat li d-detenzjoni ma tkunx arbitrarja”.

Dawn il-kliem ifissru li ma immigranti illegali jiġu Malta u jitolbu li jitqiesu bħala refuġjati, m’għandhomx bħala regola jinżammu f’ċentri ta’ detenzjoni, ħlief f’każi eċċezzjonali u meta jkun hemm raġuni għal dan.

Il-proposta tal-Kummissjoni Ewropea tgħid ukoll li għandu

“jiġi aġjevolat l-aċċess tagħhom fis-suq tax-xogħol u jiġi assigurat li r-restrizzjonijiet imħaddmin mill-Istati Membri ma jxekkluhomx milli jkollhom aċċess għal impjieg”.

Sal-lum aħna f’Malta inżommu lill-immigranti illegali f’ċentri magħluqin ta’ detenzjoni għal 18-il xahar u wara, jinħarġu f’Ċentri miftuħin u l-immigranti jistgħu joħorġu kemm iridu, imorru fejn iridu u jaħdmu kemm iridu.

Il-proposta tal-Kunsill tal-Ministri ma tħalliniex inkomplu nagħmlu dan u jkollna nħallu l-immigranti illegali mill-ewwel ħielsa li jmorru fejn iridu.

Il-proposta tal-Ministri tridna ukoll li mill-ewwel lill-immigranti illegali ngħinuhom biex jaqbdu jaħdmu u li nneħħu kull restrizzjoni li hawn dwar l-impieg tagħhom.

Fi ftit kliem, din il-proposta tal-Kummissjoni Ewropea tfisser li l-eluf ta’ immigranti illegali li jiġu Malta, inħalluhom mal-ewwel ħielsa joqogħdu fejn iridu u jaħdmu fejn isibu.

Jiġifieri ma jkunu illegali xejn, iżda jitqiesu bħala barranin li għandhom dritt joqogħdu u jaħdmu f’Malta.

Jekk il-mexxejja tal-gvernijiet tal-pajjiżi membri tal-UE (fosthom il-Prim Ministru Malti) japprovaw il-proposta tal-Kummissjoni Ewropea, nistgħu niżguraw lill-Maltin u l-Għawdxin li l-immigranti illegali jiġu hawn mhux bil-mijiet, iżda bl-eluf u mhux “invażjoni” jkollna, iżda tsunami ta’ immigranti illegali.

Din hija theddida enormi għal pajjiżna u nistennew li l-Prim Ministru ta’ Malta ma jittradixxix lill-poplu Malti billi jaċċetta din il-proposta tal-Unjoni Ewropea.

Diġà l-poplu Malti kien ittradut, meta l-Gvern Malti, biex isieħeb lil pajjiżna fl-UE, ċeda għall-pressjoni tal-Unjoni u rrinunzja għar-riżervi kollha li l-Gvern Malti kien għamel fl-1971 għall-Konvenzjoni tan-Nazzjonijiet Uniti dwar ir-Refuġjati.

Il-konsegwenzi ta’ dak it-tradiment tal-interessi nazzjonali huma l-eluf ta’ immigranti illegali li jinsabu f’pajjiżna.

Fis-17 ta’ Jannar, 2002, mingħajr ma qalu lil poplu, ċedew 13 mir-riżervi li l-Gvern Malti kien għamel fil-1971 meta ffirma l-Konvenzjoni dwar ir-Refuġjati.

U fl-24 ta Frar, 2004, 11-il xahar wara r-referendum dwar is-sħubija fl-Unjoni, mingħajr ma qalu lill-poplu, irtiraw l-aħħar tliet riżervi li kien għad hemm għall-Konvenzjoni dwar ir-Refuġjati.

Ħafna pajjiżi kbar imseħbin fl-Unjoni Ewropea żammew ir-riżervi li għamlu għall-Konvenzjoni dwar ir-Refuġjati, iżda l-UE ma riditx issieħeb lil Malta jekk il-Gvern Malti ma jċedix u jirtira r-riżervi kollha li l-Gvern Malti kien għamel fl-interess nazzjoni fl-1971 għall-Konvenzjoni tan-Nazzjonijiet Uniti dwar ir-Refuġjati.

L-Unjoni tkabbrilna l-kriżi tal-klandestini

Ninsabu fl-eqqel tax-xitwa u minkejja l-baħar qawwi u l-maltemp, diġà ġew mijiet ta’ immigranti illegali f’pajjiżna fl-ewwel ġimgħat tas-sena.

* kif se nikkontrollawhom.

Fl-aħħar ġimgħat għadd ta’ immigranti illegali fiċ-ċentri magħluqin ta’ detenzjoni,

Kellhom jissejħu għadd kbir ta’ pulizija u suldati ħalli jrażżnuhom.

Fix-xhur li ġejjin nistennew aktar storbju u protesti mill-immigranti ladarba l-għadd tagħhom jiżdied u l-iffollar fiċ-ċentri jħażżen aktar il-kundizzjonijiet li fihom jinżammu.

* l-inkwiet se jikber għall-pulizija u s-suldati li jieħdu ħsieb l-immigranti,

* kif ukoll jiżdiedu l-każi ta’ immigranti li jkunu mdaħħlin f’aċċidenti serji ma’ pajżani Maltin.

Mhux qagħda ta’ serħan il-moħħ għall-poplu tagħna meta l-għadd ta’ immigranti illegali f’pajjiżna huwa aktar minn tliet darbiet l-għadd totali flimkien ta’ pulizija u suldati li għandna f’pajjiżna.

* li jixluna bi trattament inuman u bi ksur tad-drittijiet umani.

Dan rajnieh wara ż-żjara ta’ uffiċjali tal-Ġnus Magħquda l-ġimgħa l-oħra, fejn ikkundannawna bl-aħrax għall-mod kif nittrattaw lill-immigranti illegali.

Jisgħobbina ngħidu li m’aħniex nagħmlu dak li jeħtiġilna nagħmlu biex insolvu din il-kriżi tal-immigranti illegali f’pajjiżna.

Pajjiżna ma jiflaħx jaċċetta immigranti, jiġu minn fejn jiġu.

M’għandniex noqogħdu għal dak li trid minnha l-Unjoni Ewropea fir-rigward tal-immigranti illegali.

Ma tridniex nibgħatuhom lura f’pajjiżhom u lanqas tridna nħalluhom imorru fil-pajjiżi tagħha fejn iridu jmorru.

Tridna nżommuhom f’pajjiżna u nintegrawhom magħna u qiegħda tagħtina l-fondi biex nagħmlu dan.

* biex iwarrab ir-riservi kollha li l-Gvern Malti kien għamel meta ffirma l-Konvenzjoni dwar ir-Refuġjati fl-1971.

Il-Gvern Malti kien għamel dawk ir-riservi ħalli l-immigranti illegali ma jkollhomx id-dritt jiġu f’pajjiżna u jitolbu li nżommuhom jew bħala refuġjati, jew nagħtuhom protezzjoni umanitarja u xorta jibqgħu f’pajjiżna.

* ċeda biex jittratta l-immigranti illegali kif trid l-Unjoni Ewropea.

Jekk il-poplu tagħna irid bis-serjetà iwaqqaf l-immigranti illegali milli jibqgħu f’pajjiżna,

* jaddotta politika deċiża li ma tippermettix immigranti illegali jibqgħu f’pajjiżna.

Nemmnu li l-maġġoranza l-kbira tal-poplu hija favur din il-politika li tassew tħares l-interessi nazzjonali.

Dawn li taraw hawn isfel huma ftit ritratti minn fuq il-website tal-World Health Organization (WHO) ta' kif jittrattaw il-mard fl-Afrika waqt li iktar l-isfel għandkom links għall-website tal-WHO ħalli taraw b'għajnejkom dwar il-periklu tal-mard li jġibu magħhom l-immigranti illegali.

U hawn Malta kulħadd qisu mhux hu bl-immigranti illegali jiġġerrew kemm iridu fostna.

Ftakru li biex tmorru f'dawn il-pajjiżi jagħmluk għarbiel bl-injezzjonijiet li jtuk u dawn ġejjin bla ebda kontroll.