MERHBA FIL

NAHILFU LI NEHILSU LIL MALTA MILL-JASAR, IL-KOLONJALIZMU U L-HAKMA DITTATORJALI ILLEGALI TA' L-UNJONI EWROPEA

GĦID LID-DEPUTAT PARLAMENTARI TIEGĦEK LI TRID LI MALTA TIKSEB LURA L-INDIPENDENZA U L-ĦELSIEN!

L-Unjoni Ewropea ordnat li mis-sena 2010 il-Maltin u l-Għawdxin iħallsuha

€182,192 kuljum misruqa minn ħalq uliedek

Il-privatizzazzjoni saret alla falz

Bhalissa hawn Malta feġġew żewġ allat foloz – l-Unjoni Ewropea u l-privatizzazzjoni.

Il-partiti politiċi, it-trejd unjins, il-korpi kostitwiti, kollha saru jinxteħtu għarkubtejhom quddiem l-UE u quddiem il-privatizzazzjoni.

Din il-manija bdiet bl-Unjoni Ewropea.

Filli Malta kienet maqsuma f’żewġ nofsijiet kważi ndaqs – nofs favur l-UE u nofs kontra l-UE – u filli ż-żewġ nofsijiet imħatra bejniethom min hu l-iżjed Ewropew u favur dak kollu li ġej mill-UE!

Ma tistax tkun kontra l-UE.

Anke jekk Malta ċkejkna qed timtela’ bil-klandestini u ħadd mill-imseħbin fl-UE ma jindenja ruħu joħdilna ftit mijiet minnhom u jtaffilna l-problema!

Bqajna niddiskutu u niltaqgħu u nittamaw u nitolbu l-karità u ma jiġri xejn!

Meta konna kolonja Ingliża, konna nipprotestaw u nibagħtu delegazzjonijiet u norganizzaw laqgħat pubbliċi.

Jekk trid tgħid xi ħaġa kontra l-UE, għidha minn taħt l-ilsien jew fil-kurituri għax inkella jittimbrawk.

Sirna kolonja ta’ Brussels u ġejna agħar milli konna qabel l-indipendenza.

Imma hemm sinjal wieħed u ċar li min qed imexxina f’din it-triq qed jgħix ‘il bogħod mill-polz tal-popli tal-UE.

Kull darba li kellhom ċans juru x’inhuma jħossu f’xi referendum, il-popli ta’ l-UE għamluha ċara li qegħdin iħossuhom ferm differenti mill-mexxejja tal-korpi kostitwiti u l-partiti politiċi.

Meta l-popli ta’ Franza u ta’ l-Olanda u tad-Danimarka u ta’ l-Irlanda ngħataw ċans juru kif jaħsbuha, dejjem marru kontra l-fehmiet tal-mexxejja tagħhom!

Qed jidher ċar li fl-Ewropa żviluppat aristokrazija ġdida li qiegħda tgħix f’dinja għaliha u qiegħda titbiegħed mill-problemi li qegħdin jifnu l-kotra tal-popolazzjoni!

Privatizzazzjoni – alla falz ieħor

Kull m’għandu siewi l-istat jew is-soċjetà Maltija hemm bżonn jiġi privatizzat.

Qegħdin inbiegħu kollox u qegħdin ngħidu li kull għemil ta’ privatizzazzjoni qiegħed jirnexxi u l-pajjiż qiegħed jaqbillu.

U iżjed ma jkunu baqar smien, iżjed nieħdu gost nipprivatizzawhom.

Issa l-Gvern qala’ l-kwistjoni tat-Tarzna.

Kienu qegħdin jaħdmu bil-għaqal, ilestu x-xogħol fil-ħin miftiehem, ġieli anke qabel il-ħin.

Qabel l-elezzjoni qalulhom li għandhom iserrħu rashom mill-impjieg tagħhom.

Għaddiet l-elezzjoni u l-Gvern ħareġ jgħid li t-Tarzna ma tistax tibqa’ sejra kif inhi sejra, li wasal iż-żmien li ssir il-privatizzazzjoni tat-Tarzna, li dan se jkun ifisser li mal-elf ħaddiem, mill-1,700 ħaddiem li hemm bħalissa, m’humiex se jibqgħu mpjegati imma jintalbu jirtiraw mix-xogħol.

Il-ħaddiema tat-Tarzna ħadu qatgħa.

Ħasbu li din il-maltempata kienet effett it-tmexxija żbaljata ta’ min qed imexxi t-Tarzna bħalissa, tmexxija li ġiet tiswa lit-Tarzna t-telf ta’ 88 miljun Ewro fuq vapur wieħed biss, il-FAIRMOUNT.

Qal biss li fi żmien ftit xhur se jispiċċa s-sussidju, għax hekk ordnat l-UE u se jgħaddi għall-unika triq miftuħa għalih – il-privatizzazzjoni.

X’ġara wara din l-aħbar?

Kulħadd wera ruħu favur.

Il-partit fil-Gvern, il-partit fl-Oppożizzjoni, it-trejd unjins, il-korpi kostitwiti, l-opinjonisti fil-kotra kbira tagħhom.

Kulħadd qabel ma’ l-idea, mhux kulħadd qabel mal-kondizzjonijiet jew mal-mod kif se tasal biex isseħħ.

Allaħares teħodha kontra l-privatizzazzjoni!

Dan mhux minnu

U bħalma ġara fil-każ ta’ l-alla falz ta’ l-UE, anke din tal-privatizzazzjoni tat-Tarzna tista’ tkun tama fiergħa għal mijiet kbar ta’ ħaddiema u tal-familji tagħhom.

Xhieda ta’ dan hawn pajjiż li ħadd ma jista’ jsejjaħlu lura fil-qasam politiku u soċjali.

Qed ingħid għal New Zealand jew kif isejħulha l-Maori, Reteroa.

New Zealand kienet pijunier f’ħafna oqsma.

Fis-Snin Tmenin kien l-ewwel stat li ddikjara ruħu ħieles min-nukleari.

Fl-istess Snin Tmenin, gvern Soċjal-Demokratiku twebbel bis-suq ħieles u taha għall-privatizzazzjoni f’ħafna oqsma.

Din il-mewġa ta’ privatizzazzjoni ġabet ħafna konsegwenzi:

* żvilupp mhux indaqs.

Għoxrin sena wara tela, gvern ieħor Soċjal-Demokratiku u mexxa mill-ġdid l-arloġġ ‘il quddiem.

Ix-xahar li għadda l-Gvern ta’ Clark reġa’ ħa f’idejh il-ferroviji u l-laneċ ta’ l-istat, li kienu ġew ipprivatizzati fis-Snin Disgħin.

Il-kumpanija pubblika ssejħet Kiwi Rail u dak in-nhar li varaha, il-Ministru tal-Finanzi, Michael Cullen, stqarr li l-privatizzazzjoni kienet “tagħlima li weġġgħet lil New Zealand”.

Dan l-istess gvern ta’ Clark temm il-privatizzazzjoni ta’ Air New Zealand u waqqaf b’suċċess bank pubbliku, imsejjaħ Kiwi Bank.

Dawn il-passi anti-privatizzazzjoni qegħdin juru x’jista’ jsir f’diversi oqsma ta’ l-ekonomija bħala alternattiva moderna, ambjentalment sostenibbli u fl-istess ħin jiżgura x-xogħol u l-għajxien ta’ ħafna ħaddiema u tal-familji tagħhom.

Ma jistgħux il-mexxejja tal-partiti politiċi, tat-trejdunjins, tal-korpi kostitwiti Maltin jaslu wasla sa New Zealand u jaraw b’għajnejhom kif hemm triq aħjar minn dik tal-privatizzazzjoni?

Hekk jitlob is-sens komun progressiv!

L-esperjenza neo-liberali ta’ dawn l-aħħar għaxar snin qed tkun ta’ diżappunt għal ħafna nies li jaħsbu dwar il-ġejjieni ta’ l-ekonomija u tal-ħaddiema.

Stajt semmejt l-inizjattivi ta’ Chavez fil-Venezwela imma kont naf li għal x’uħud Chavez huwa fanatiku anti-Amerkan u pro-Castro ta’ Kuba.

Żgur li ħadd ma jista’ jgħid dan dwar il-gvern modern ta’ New Zealand immexxi minn Mrs Clark!

Jekk iva, għin lis-CNI fil-ħidma tagħha biex il-maġġoranza tal-poplu tkun trid li neħilsu mill-ħakma ta' l-Unjoni Ewropea.