Kif kulħadd jaf, issa l-Unjoni Ewropea se terġa’ tressaq il-kostituzzjoni tagħha għall-approvazzjoni tal-pajjiżi membri wara li din kienet ġiet miċħuda mill-poplu Franċiż u mill-poplu Olandiż.

Din issa qed tissejjaħ bħala Trattat ta’ Riforma, imma kulħadd jaqbel li din hija l-istess kostituzzjoni li kienet ippreżentata qabel bi ftit tibdil kosmetiku.

Tant dan huwa minnu, li l-istess Giuliano Amato li kellu grupp li kien qiegħed jirrevedi l-Kostituzzjoni qal li din saret imħawwda apposta ħalli l-poplu ma jifimhiex u għalhekk ma jitlobx referendum.

Dan juri l-biża li għandhom il-mexxejja qarrieqa kolonjalisti dittatorjali ta’ l-Unjoni Ewropea li l-popli tal-pajjiżi membri jerġgħu ma jaċċettawhiex.

Infakkru li hawn Malta l-politiċi bla sinsla kienu njoraw lill-poplu Malti u ddeċidew li jiddeċiedu huma għax beżgħu li l-poplu Malti ma jaċċettax il-Kostituzzjoni ta’ l-Unjoni Ewropea.

Biex juri l-arroganza u l-lagħaqiżmu tagħhom lejn l-Unjoni Ewropea kienu qablu mal-kostituzzjoni ta’ l-Unjoni Ewropea huma fil-Parlament u njoraw lill-poplu Malti li għandu kull dritt li juri jekk jaqbilx jew le mal-kostituzzjoni ta’ l-Unjoni Ewropea.

Infakkru li dak li għamlu l-parlamentari Maltin sar wara li l-kostituzzjoni ta’ l-Unjoni Ewropea kienet diġa’ ġiet miċħuda mill-poplu Franċiż u mill-poplu Olandiż.

Issa li hemm proposta l-istess kostituzzjoni għalkemm b’xi tibdil imma li issa qed tissejjaħ Trattat ta’ Riforma, xorta waħda jrid jerġa’ jitressaq quddiem il-pajjiżi membri għall-approvazzjoni jew le tagħhom.

Għalhekk għandna nesiġu mill-politiċi tagħna li ma jerġgħux ikunu arroganti u japprovaw dan it-trattat huma, imma li dan it-trattat għandu jitressaq biex jiġi approvat jew miċħud mill-poplu Malti permezz ta’ referendum.

Biex nuru kemm dan it-Trattat ta’ Riforma ġie magħmul imħawwad apposta ħalli l-poplu komuni ma jifhmux, jekk tikklikkjaw fuq il-link aktar l-isfel għandkom recording tad-diskors li għamel Giuliano Amato fejn qal dan il-kliem.

Dan juri kemm il-mexxejja ta’ l-Unjoni Ewropea huma mexxejja qarrieqa u jridu jqarrqu bil-popli tal-pajjiżi membri ħalli bis-sewwa jew bid-dnewwa jaslu fejn ikunu jridu, anki jekk il-popli ma jkunux jaqblu magħhom.

Issa l-poplu Malti għandu l-provi u jista’ jisma b’widnejgħ il-qerq tal-mexxejja qarrieqa ta’ l-Unjoni Ewropea u tal-politiċi Maltin li daħħluh f’dan is-saram kollu u li issa ilu ftit iħoss il-piż tas-sħubija.

Aħna nibqgħu nsostnu dak li dejjem għedna li l-unika triq ta’ salvazzjoni għalina bħala poplu u bħala nazzjon huwa li nfittxu nitilqu mill-Unjoni Ewropea l-lejla qabel għada kif għandna kull dritt u setgħa li nagħmlu.

Għalhekk aħna ħlifna li neħilsu lil Malta mill-jasar, il-kolonjaliżmu u l-ħakma dittatorjali illegali ta’ l-Unjoni Ewropea.

e-mail: cnimalta at yahoo.co.uk 

Inroddulek ħajr li żort il-paġna tagħna

Appoġġ fil-ġlieda għall-Indipendenza u l-Ħelsien

Trid tgħin biex niksbu mill-ġdid l-Indipendenza u l-Ħelsien? 

Jekk iva, għin lis-CNI fil-ħidma tagħha biex il-maġġoranza tal-poplu tkun trid li neħilsu mill-ħakma ta' l-Unjoni Ewropea.

Issieħeb fis-CNI billi tibgħat €5 flimkien ma' din il-formola liċ-

Segretarju Finanzjarju  CNI,

Isem .......................................................

Indirizz ...................................................

ID Numru ...............................................

Inroddulek ħajr ta’ l-għajnuna tiegħek

Malta ħielsa u newtrali fl-aħħar tirbaħ