MERĦBA FIL-PAĠNA TAS-CNI

KAMPANJA ĦELSIEN NAZZJONALI

Kienet, għadha u tibqa' favur il-ħaddiema Maltin

u kontra s-sħubija ta' Malta fl-Unjoni Ewropea

NAĦILFU LI NEĦILSU LIL MALTA MILL-JASAR, IL-KOLONJALIŻMU U L-ĦAKMA DITTATORJALI ILLEGALI TA' L-UNJONI EWROPEA

GĦID LID-DEPUTAT PARLAMENTARI TIEGĦEK LI TRID LI MALTA TIKSEB LURA L-INDIPENDENZA U L-ĦELSIEN!

Vroma tal-Gvern dwar il-karozzi tal-mejtin

Il-propagandisti ta’ l-Unjoni Ewropea qegħdin jiftaħru bil-vroma li l-Prim Ministru u l-Ministru tat-Trasport għamlu bil-liberalizzazzjoni tal-karozzi tal-mejtin. 

Il-Kampanja għall-Ħelsien Nazzjonali (CNI) ssostni iżda li minflok baxxew in-noll għall-ġarr tal-mejtin, il-Gvern obda lill-Unjoni Ewropea u żied in-numru ta’ karozzi tal-mejtin biex il-kompetizzjoni bejnithom tbaxxi n-noll.
Skond is-CNI, meta l-Gvern żied in-numru ta’ karozzi tal-mejtin, għamel ħsara lill-pajjiż, kif se jiġi hawn muri.

Jekk wieħed iqis li f’pajjiżna jsiru 3,000 funerali f’sena, u kien hawn għaxar karozzi tal-mejtin u kull karozza inxtrat Lm40,000, intefaq kapital ta’ Lm400,000 li ħareġ mill-pajjiż. 

Kienu jitħallsu għaxar liċenzji tal-karozzi u għaxar poloz tas-sigurtà u jaħdmu għaxar sidien jew xufiera biex jingħata servizz ta’ 3,000 funeral f’sena.

Fil-ħruġ ta’ għaxar liċenzji ġodda għall-karozzi tal-mejtin, in-nefqa kapitali tal-karozzi għall-ġarr ta’ l-istess numru ta’ mejtin, 3,000 fis-sena, titla’ għal Lm800,000, kolllha flejjes li joħorġu barra l-pajjiż. 

Jitħallsu 20 liċenzja u 20 polza tas-sigurtà u jaħdmu 20 sid jew xufier biex jagħtu l-istess ammont ta’ servizz ta’ 3,000 funeral f’sena.

L-ispiża kapitali u l-ispejjeż kurrenti għal 20 karozza tal-mejtin huma d-doppju ta’ l-ispiża kapitali u l-ispejjeż kurrenti għal għaxar karozzi tal-mejtin, fil-waqt li l-ammont ta’ servizz huwa l-istess ta’ 3,000 funeral. 

Ħaġa li kummerċjalment ma treġġix.

Kieku n-noll jibqa’ l-istess wara ż-żieda fin-numru tal-karozzi tal-mejtin, kull sid ta’ l-20 karozza jibda jdaħħal, ras għal ras, nofs kemm kien idaħħal sid meta n-numru ta’ karozzi tal-mejtin kien in-nofs.

Jekk meta jirdoppja n-numru ta’ karozzi tal-mejtin, is-sidien idaħħlu n-nofs ta’ dak li kienu jdaħħlu meta n-numru tal-karozzi kien in-nofs u n-nol jibqa’ l-istess, kif tista’ tippretendi li s-sidien se jbaxxu n-noll u jdaħħlu anqas min-nofs ta’ kemm kienu jdaħħlu qabel?

Is-CNI hija tal-fehma li jekk il-Gvern jifhem li huwa ġust li sid karozza tal-mejtin għandu jdaħħal nofs dak li kien idaħħal meta n-numru ta’ karozzi tal-mejtin kien in-nofs (10 flok 20), kull ma kellu jagħmel il-Gvern kien li jbaxxi n-noll bin-nofs. 

Kienu jiġu ffrankati n-nefqa kapitali ta’ għaxar karozzi tal-mejtin (Lm400,000) u l-ħlas ta’ għaxar liċenzji ġodda u għaxar poloz tas-siġurtà u d-dħul ta’ għaxar sidien jew xufiera.

Is-CNI tgħid li sfortunatament għall-poplu tagħna, dawk li huma għomja wara l-Unjoni Ewropea tilfu d-dehen li jiflu sew jekk il-politika tagħha, f’dan il-każ, il-politika tal-liberalizzazzjoni, mhix addattata jew le għaċ-ċirkostanzi partikolari ta’ pajjiżna.

Fil-każ tal-karozzi tal-mejtin, il-politika ta’ l-Unjoni Ewropea hi ekonomikment ħażina għal pajjiżna u soċjalment inġusta għas-sidien tal-karozzi tal-mejtin. 

Il-poplu mhux se jgawdi xejn aktar milli kien igawdi kieku mxejna kif hu l-aħjar għal pajjiżna u aktar ġust għas-sidien tal-karozzi tal-mejtin, jiġifieri, jitbaxxa n-nol kemm huwa xieraq li jitbaxxa.

Biex jikkonvinċi lill-pubbliku bil-vroma kbira li għamel, il-Gvern ħallas mit-taxxi tal-poplu kumpens ta’ €230,000 lis-sidien tal-karozzi tal-mejtin ta’ qabel ma ħarġu l-liċenzji ġodda.

U biex ikompli jgħaxxaqha, il-Gvern ftaħar li jistenna li jkun hawn bejn 30 u 40 karozza tal-mejtin. 

Dan ifisser li jekk f’pajjiżna ma jsirux aktar minn tmien funerali kuljum (2,920 fis-sena), jekk ikun hawn 30 karozza tal-mejtin, kuljum 22 minnhom joqogħdu jħarsu jaraw lil tmienja minn sħabhom jaħdmu u jekk ikun hawn 40 karozza tal-mejtin, kuljum 32 minnhom jibqgħu weqfin iħarsu. 

Waqt li n-nefqa kapitali li toħroġ mill-pajjiż għal 20 karozza ġdida (ma’ l-għaxra li kien hawn), titla’ għal Lm800,000 u jekk għal 30 karozza ġdida, titla’ għal miljun u mitejn elf lira Maltija (Lm1,200,000), li jitħallsu lid-ditti barranin tal-karozzi.

Skond is-CNI dan huwa ħela kriminali tar-riżorsi ta’ pajjiżna li għalih huma ħatjin l-Unjoni Ewropea u l-Gvern kapriċċuż tagħna, kelb fidil tagħha.

It-Tlieta, 29 ta’ Lulju, 2008

IRRIDU L'INDIPENDENZA MILL-UNJONI EWROPEA

e-mail: cnimalta at yahoo.co.uk 

Inroddulek ħajr li żort il-paġna tagħna

Appoġġ fil-ġlieda għall-Indipendenza u l-Ħelsien

Trid tgħin biex niksbu mill-ġdid l-Indipendenza u l-Ħelsien? 

Jekk iva, għin lis-CNI fil-ħidma tagħha biex il-maġġoranza tal-poplu tkun trid li neħilsu mill-ħakma ta' l-Unjoni Ewropea.

Issieħeb fis-CNI billi tibgħat €5 flimkien ma' din il-formola lis-

Segretarju Finanzjarju  CNI,

60A, Triq id-Dejqa,

Valletta

Isem .......................................................

Indirizz ...................................................

ID Numru ...............................................

Inroddulek ħajr ta’ l-għajnuna tiegħek

Malta ħielsa u newtrali fl-aħħar tirbaħ