MERĦBA FIL-PAĠNA TAS-CNI

KAMPANJA ĦELSIEN NAZZJONALI

Kienet, għadha u tibqa' favur il-ħaddiema Maltin

u kontra s-sħubija ta' Malta fl-Unjoni Ewropea

NAĦILFU LI NEĦILSU LIL MALTA MILL-JASAR, IL-KOLONJALIŻMU U L-ĦAKMA DITTATORJALI ILLEGALI TA' L-UNJONI EWROPEA

GĦID LID-DEPUTAT PARLAMENTARI TIEGĦEK LI TRID LI MALTA TIKSEB LURA L-INDIPENDENZA U L-ĦELSIEN!

Pajjiżna jieħu l-ewwel fost il-pajjiżi ta’ l-Unjoni Ewropea l-aktar iffollati, kif juri dan it-tagħrif.

Nies għal kull kilometru kwadru.

* Finlandja – 17;                 

* Svezja 22;                      

* Estonja – 30;                 

* Latvja – 53;                     

* Irlanda 58;                       

* Ċipru - 79;                       

* Bulgarija – 81;                

* Greċja – 84;                  

* Spanja – 85;                    

* Awstrija – 97;                 

* Rumanija - 98;                

* Slovenja – 98;                 

* Ungerija – 109;               

* Slovakkja – 110;             

* Franza – 113;                  

* Portugall – 114;              

* Polonja - 122;                  

* Danimarka – 125;         

* Repubblika Ċeka – 129; 

* Lussemburgu – 151;      

* Italja – 192;                      

* Ġermanja – 231;              

* Renju Unit – 245;            

* Belġju – 335;                   

* Olanda – 478;                  

* MALTA 1,333.

Meta pajjiżna għandu popolazzjoni tant kbira għad-daqs tiegħu, huwa delitt nazzjonali li naċċettaw eluf ta’ immigranti illegali fi gżiritna.

l-Italja qiegħda tieħu passi ħalli tibgħat lura lill-immigranti illegali. 

Malta hija sitt darbiet iktar iffollata mill-Italja, u l-politiċi tagħna ma għandhomx id-dehen u l-kuraġġ jeħduha kontra l-Unjoni Ewropea.

L-ivażjoni ta’ eluf ta’ immigranti illegali hija waħda mill-agħar konsegwenzi tas-sħubija ta’ Malta fl-Unjoni Ewropea.

L-Unjoni Ewropea tipproduċi muntanji ta’ karti kull sena, li l-Prim Ministru, il-Ministri u l-Membri Parlamentari tagħna lanqas qegħdin jaqrawhom.

Barra ħafna dokumenti oħrajn, l-Unjoni toħroġ kuljum, ġieli aktar minn ħarġa waħda, ġurnal uffiċjali ( bħall-Gazzetta tal-Gvern), li fl-ewwel parti tiegħu jkollu 

* r-Regolamenti, 

* Direttivi, 

* Deċiżjonijiet u 

* Ftehim li tagħmel l-Unjoni, 

* u fit-tieni parti, ikun hemm tagħrif 

* dwar l-Unjoni u 

* n-notifiki li toħroġ.

Xi wħud mill-ħarġiet tal-ġurnal uffiċjali ta’ l-Unjoni jkollhom fl-ewwel parti tagħhom, ħafna paġni;

* dik tal-15 ta’ Jannar ta’ din is-sena, kellu 678 paġna; 

* dak ta’ l-24 ta’ Jannar kellu 1,068 paġna; 

* u dak ta’ l-14 ta’ Marzu kellu 1,180 paġna.

F’xi ġranet jiġu ppubblikati aktar minn ħarġa waħda tal-ġurnal uffiċjali ta’ l-Unjoni. 

Fid-19 ta’ Marzu kien hemm ħames ħarġiet differenti ta’ l-ewwel parti tal-ġurnal, u fit-18 ta’ marzu kien hemm erba’ ħarġiet differenti tat-teni parti tal-ġurnal.

Barra l-muntanji ta’ karta tal-ġurnal uffiċjali ta’ l-Unjoni, kull pajjiż ta’ l-Unjoni jipproduċi muntanji ta’ katra oħrajn ħalli jwettqu dak li l-Unjoni tordna fil-ġurnal uffiċjali tagħha.

Fl-aħħar 13-il sena l-Awdituri ta’ l-Unjoni Ewropea rrifjutaw li japprovaw l-‘accounts’ ta’ l-Unjoni.

Għandhom problemi kbar dwar il-baġit tal-biedja u dwar il-fondi dtrutturali, li flimkien jagħmlu 80 fil-mija tal-baġit ta’ l-Unjoni.

Skond Hubert Weber, il-President ta’ l-awdituri, madwar ħamsa fil-mija ta’ dawn iż-żewġ baġits mhux magħruf fejn intefqu, jew ma ntefqux kif kellhom jintefqu. 

It-tort ta’ dawn in-nuqqasijiet enormi huma kemm l-inkompetenza, l-injoranza u anki l-frodi.

Fil-biedja, fi kwart ta’ każi li l-awdituri flew, sabu li l-bdiewa applikaw għas-sussidji dwar raba’ li ma kellhomx. 

Sabu wkoll li ngħataw sussidji lil min ma għandux x’jaqsam mal-biedja,

* bħall-klabbs tal-golf, 

* “riding schools”, u 

* kumpaniji tal-ferroviji, 

billi dawn ingħataw fondi mis-“set aside scheme” li twaqqfet biex tissussidja lis-sidien ta’ l-art biex ma jaħdmuhiex. 

F’pajjiżi ta’ l-ewropa t’isfel, l-awdituri sabu li ngħataw fondi għal siġar taż-żebbuġ li ma kinux jeżistu.

L-UE mhux teqred il-korruzzjoni, iżda tkabbarha.

Fl-Unjoni Ewropea jitkellmu 23 ilsien differenti.

L-ispejjeż għat-traduzzjoni fl-ilsna differenti tad-dokumenti ta’ l-Unjoni u għad-diskorsi li jsiru, ilaħħqu mat-€352,000,000 fis-sena.

Juhani Loonroth, id-Direttur Ġenerali tat-taqsima tas-servizz tat-traduzzjoni, stqarr li l-ispejjeż qegġdin jiżdiedu kull darba li jissieħeb pajjiż ġdid fl-Unjoni, u qegħdin “getting out of control”.

Hemm impjegati madwar 2,500 traduttur, u dawn jittraduċu madwar 2,000,000 paġna fis-sena, bi spiża ta’ madwar €1,00,000 kuljum.

L-ispiża tat-traduzzjoni qiegħda tiżdied b’rata ta’ ħamsa fil-mija fis-sena, u l-baġit għas-snin 2007 – 2013 jlħaq il-€1,000,000,000.

Dawn il-flus kollha l-Unjoni tiġborhom mill-kontribuzzjonijiet tal-pajjiżi membri. Malta qiegħda tħallas lill-Unjoni €5,000,000 fix-xahar. 

Il-kontribuzzjonijiet tal-pajjiżi lill-Unjoni kolha ġejjin mit-taxxi li ċ-ċittadini tal-pajjiżi membru jħallsu.

Kliem ta’ min jixtarru sewwa

* Lord Norman Lamont, l-eks-Chancellor of the Exchequer tar-Renju Unit, qal hekk: 

“Il-vantaġġi ta’ l-Unjoni Ewropea huma diffiċli biex tiddefinihom. Ma nistax insib vanyaġġ wieħed ekonomiku li minnu pajjiżna qiegġed igawdi fl-Unjoni Ewropea”.

Dan il-kliem jgħodd ukoll għal pajjiżna llum.

* Il-privatizzazzjoni saret alla falz”. 

Hekk kiteb tajjeb ħafna Dun Anġ Seychell fit-18 ta’ Awissu f’dan il-ġurnal.

Hija ħasra li f’pajjiżna jeżistu eluf kbar li jaqblu perfettament mal-kitba ta’ Dun Anġ, iżda ftit li xejn għandhom il-kuraġġ jesprimu dak li jemmnu fil-pubbliku.

* Il-kap ta’ l-Audio Visual Unit tal-Parlament Ewropew, Anne Margrete Wachtmeister, oġġezzjonat li l-‘crew’ tal-Unit jintużaw biex il-BBC tintervista membru ewroxettiku ta’ l-Unjoni Ewropea, għax sostniet li l-‘crew’ huma mpjegati tal-Parlament u għalhek ma għandhomx jintużaw biex tkun tista’ ssir kritika lill-Unjoni Ewropea. 

Hija heddedt lil ma tħallix lill-BBC jirraporta x-xogħol tal-Parlament Ewropew jekk ixandar l-intervista.

Il-BBC xorta waħda xandar l-intervista, minkejja t-theddida tal-Kap ta’ l-Audio Visual Unit tal-Parlament Ewropew.

La l-Privat jaf imexxi aħjar mill-Gvern, għaliex ma nipprivitazzawx il-Gvern ħalli l-pajjiż jitmexxa aħjar?

L-Unjoni Ewropea qiegħda tiġġarraf minn ġewwa. 

200 metru tas-saqaf tal-Parlament Ewropew fi Strasbourg, sfronda. 

Ħadd ma weġġa’

minn Eddy Privitera

F’Dawn l-aħħar jiem, l-Onor Chris Said, Segretarju Parlamentari responsabbli għall-Komunikazzjoni u l-Informazzjoni, ta rendikont ta’ kif u fuq hiex intefqu l-fondi li l-Unjoni Ewropea allokat għal Malta għas-snin 2004-2006. 

Huwa ammetta li dawn il-fondi għadhom ma waslux kollha, iżda qal li ż-żmien li fih jistgħu jaslu l-fondi ttawwal b’sentejn, sal-aħħar tal-2008.

Imkien ma ċaħad dak li qal il-Kap ta’ l-Oppożizzjoni, Dr Charles Mangion, li fl-aħħar sitt xhur kull ma l-Gvern irnexxielu jdaħħal mill-Unjoni Ewropea kienu biss 12,000,000 ewro.

Meta tqis li l-Gvern qiegħed iħallas madwar 5,000,000 ewro fix-xahar lill-Unjoni Ewropea, faċli tasal għall-konklużjoni kemm kienet ħolma l-wegħda ta’ Lm100,000,000 fis-sena.

Imma aktar importanti fil-konferenza stampa li ta l-Onor Chris Said, kien x’ma qalx. 

Aħna ilna nisfidaw lill-Gvern biex jagħti d-dettalji kollha ta’ kemm qiegħda tiswielna s-sħubija fl-Unjoni Ewropea, kemm bħala Gvern, u ferm aktar minn hekk, bħala poplu.

Għalhekk illum qegħdin nistiednu lill-Onor Chris Said jiġbor l-informazzjoni kollha dwar il-punti li se nsemmu, u jagħmel konferenza stampa oħra li fiha jagħti lill-midja t-tagħrif kollu li jkun ġabar dwar dawn il-punti:

1) Kemm inħallsu kull xahar lill-Unjoni Ewropea għall-baġit tagħha?

2) Kemm miljuni swiet lill-Gvern bejn l-1999 u l-2004 biex jipprepara u jwaqqaf l-istrutturi kollha biex Malta setgħet tidħol fl-Unjoni Ewropea? (Il-kalkoli kienu madwar Lm20,000,000 fis-sena).

3) Kemm qegħdin jiswew lill-Gvern il-mijiet ta’ ‘civil servants’, kemm f’Malta u kemm barra minn Malta, li xogħolhom hu konness mas-sħubija fl-Unjoni Ewopea? (Eżempju wieħed: kemm qed jiswew il-ħaddiema tad-Dwana li jiġbru l-Common External Tariff li tmur direttament għand l-Unjoni Ewropea, waqt li l-Gvern Malti jħallas il-pagi?)

4) Kemm konna qegħdin nirċievu miljuni ta’ liri Maltin mill-Protokoll ma’ l-Italja, li twaqqaf għax Malta ssieħbet fl-Unjoni Ewropea?

5) Kemm naqas il-qligħ tal-Bank Ċentrali ta’ Malta fl-aħħar disa’ snin, u kemm mistenni li jkun il-qligħ din is-sena, wara li daħħalna l-ewro?

Issa niġu għal kemm qiegħda tiswa s-sħubija fl-Unjoni Ewropea direttament lill-poplu Malti, mhux lill-Gvern.

Nistaqsu lill-Onor Said jiġbor din l-informazzjoni u jgħaddiha lill-midja wkoll:

1. Kemm miljuni ħallas il-poplu Malti sal-lum bħala taxxa tal-VAT, li kienet imposta fuq il-Gvern Malti biex Malta setgħet tidħol fl-Unjoni Ewropea?

2. Kemm ħallas ECO tax il-poplu Malti sal-lum – taxxa oħra mposta mill-Unjoni Ewropea?

3. Kemm miljuni tħallsu f‘taxxi fuq il-prodotti taż-żejt, bħad-diżil, petrol, pitrolju u prodotti oħrajn, minħabba t-taxxa minima fuq dawn il-prodotti, imposta fuqna mill-Unjoni Ewropea?

4. Kemm ħallas sal-lum taxxa tal-VAT il-poplu Malti fuq prodotti li nħaddmu Malta u qabel la konna nħallsu dazju fuqhom u lanqas VAT?

5. Kemm ħallas taxxa tal-VAT il-poplu Malti sal-lum fuq servizzi li qabel ma kienet titħallas ebda taxxa fuqhom?

Naħseb li għal-lum biżżejjed. Issa naraw jekk is-Segretarju Parlamentari responsabbli mill-propaganda tal-Gvern jaċċettax l-istedina tagħna, ħalli l-poplu jkun jista’ jiġġudika marx minn fuq jew minn taħt bis-sħubija fl-Unjoni Ewropea.

Il-Ħamis, 28 ta’ Awissu, 2008

IRRIDU L'INDIPENDENZA MILL-UNJONI EWROPEA

e-mail: cnimalta at yahoo.co.uk 

Inroddulek ħajr li żort il-paġna tagħna

Appoġġ fil-ġlieda għall-Indipendenza u l-Ħelsien

Trid tgħin biex niksbu mill-ġdid l-Indipendenza u l-Ħelsien? 

Jekk iva, għin lis-CNI fil-ħidma tagħha biex il-maġġoranza tal-poplu tkun trid li neħilsu mill-ħakma ta' l-Unjoni Ewropea.

Issieħeb fis-CNI billi tibgħat €5 flimkien ma' din il-formola lis-

Segretarju Finanzjarju  CNI,

60A, Triq id-Dejqa,

Valletta

Isem .......................................................

Indirizz ...................................................

ID Numru ...............................................

Inroddulek ħajr ta’ l-għajnuna tiegħek

Malta ħielsa u newtrali fl-aħħar tirbaħ