MERĦBA FIL-PAĠNA TAS-CNI

KAMPANJA ĦELSIEN NAZZJONALI

Kienet, għadha u tibqa' favur il-ħaddiema Maltin

u kontra s-sħubija ta' Malta fl-Unjoni Ewropea

NAĦILFU LI NEĦILSU LIL MALTA MILL-JASAR, IL-KOLONJALIŻMU U L-ĦAKMA DITTATORJALI ILLEGALI TA' L-UNJONI EWROPEA

Skont ma jsostnu r-rappreżentanti tal-ħaddiema tat-Tarzna,

* kien hemm min ried jeqridha,

* u għalhekk tħalliet tagħmel telf fl-aħħar snin,

* ħalli jkun hemm skuża biex tingħalaq.

Il-kontijiet awditjati,

* li skont il-liġi għandhom isiru kull sena,

* ma sarux, mis-sena 2002 ’l hawn.

Qatt ma ngħatat raġuni għal dan in-nuqqas

* minkejja li r-rappreżentanti tal-ħaddiema

* kemm-il darba nsistew li jingħataw l-opportunità jifluhom

* ħalli jinstab fejn it-Tarzna kienet sejra ħażin.

Sallum il-kontijiet għadhom mhux ippubblikati.

Il-Public Accounts Committee tal-Parlament qatt ma talabhom,

* minkejja li hemm fin-nofs miljuni kbar ta’ flus il-poplu.

Għaliex dan is-silenzju?

Għalxejn intalbu li jsiru investigazzjonijiet

* għaliex xogħlijiet li kellhom jinħaddmu mill-ħaddiema tat-Tarzna,

* ingħataw lill-kuntratturi.

Għalxejn saru ilment

* li aġenti magħrufin

* għal ħafna xogħol li kienu jġibu lit-Tarzna,

* telquhom

* u b‘hekk intilef dħul tajjeb.

Ma baqax jinġieb xogħol li jħalli ħafna qligħ,

* bħal dak tas-super tankers,

* cruise liners,

* oil rigs

* u konverżjonijiet,

* u minfloku nġieb xogħol li jirrendi ftit.

Minkejja l-protesti tar-rappreżentanti tal-ħaddiema,

* kienu kontinwament jitqabdu ħaddiema barranin

* bi spejjeż iżjed milli kieku x-xogħol tħalla jsir mill-ħaddiema Maltin.

Kien magħruf li l-Maniġment Eżekuttiv ma kienx effiċjenti,

* u xorta waħda tħalla hemm qisu ma kien qed jiġri xejn ħażin,

* u minflok,

* it-tort tal-ineffiċjenza ingħatat lill-ħaddiema.

Ħafna mir-responsabbiltà ta’ dak li ġara fit-Tarzna taqa’ fuq il-Ministru responsabbli tagħha.

Dmiru kien li jaħtar diretturi kapaċi u tal-lant,

* kif ukoll li japprova l-ħatriet tal-uffiċjali eżekuttivi ta’ ħila biex imexxu t-Tarzna.

Xogħlu kien li jissorvelja kif kienet qiegħda titmexxa,

* u li jittieħdu l-passi xierqa ħalli jissewwa dak li kien qed isir ħażin.

Iżda passi ma ttieħdux.

Kull m’għamel il-Ministru kien li minn żmien għal ieħor imaqdar lill-ħaddiema u jbaxxilhom il-moral.

Sar magħruf li xi żmien ilu kumpanija kbira ħafna fil-qasam tat-tiswija tal-vapuri riedet tixtri t-Tarzna.

Il-Gvern ma aċċettax l-offerta għax qal li kien għaddej il-pjan ta’ ristrutturar li l-UE fasslet għat-Tarzna għas-seba’ snin bejn l-2002 u t-2008.

Meta ż-żmien tal-pjan wasal biex jagħlaq,

* il-Gvern bla ħadd ma stenna,

* ħabbar li se jipprivatizzaha,

* mhux bħala intrapriża sħiħa,

* iżda f’erba’ biċċiet.

Il-ħaddiema ġew ingannati, għax sena qabel kienu żgurati li kellhom jibqgħu fl-impieg.

Minflok sabu li kellhom jirtiraw volontarjament,

* inkella kienu jipperikolaw li jitkeċċew mill-impieg   

* għax l-UE riedet li t-Tarzna tkun iddikjarata falluta.

L-Unjoni Ewropea hija ukoll responsabbli għal dak li ġara fit-Tarzna.

Għax il-pjan ta’ ristrutturar li l-Unjoni mponiet fuq it-Tarzna,

* dgħajjifha aktar minflok saħħaħha.

Ir-restrizzjonijiet li l-Unjoni għamlet

* dwar l-għadd ta’ ħaddiema fit-Tarzna

* u dwar il-volum tax-xogħol li t-Tarzna setgħet tagħmel,

* kienu ta’ xkiel kbir biex it-Tarzna ssir vijabbli u ma titlifx.

Iżda l-Unjoni kienet taf x‘kien qed jiġri fit-Tarzna,

* għax skont il-pjan ta’ ristrutturar,

* l-Unjoni setgħet tikkontrolla x-xogħlijiet

* li t-Tarzna kienet qiegħda tagħmel,

* tissorvelja l-kuntratti li t-Tarzna kienet qiegħda tagħmel,

* u l-Unjoni kellha d-dritt ukoll li ikollha rapporti regolari mit-Tarzna

* dwar il-‘performance’ tagħha.

Madankollu,

* l-Unjoni baqgħet ma għamlet xejn

* biex tirranġa dak li kien qiegħed isir ħażin fit-tmexxija tat-Tarzna,

* u kienet kuntenta

* li wara l-għeluq tas-seba’ snin tal-pjan ta’ ristrutturar

* it-Tarzna ma setgħetx titħalla topera

* u l-ħaddiema kellhom jispiċċaw mill-impieg.

L-iskuża tal-Unjoni għal dan hija li ażjenda kummerċjali ma għandhiex tingħata għajnuna mill-istat għax tkun qiegħda tingħata vantaġġ fuq ażjendi kompetituri tagħha.

Il-ħaddiema tat-Tarzna għandhom raġun iħossuhom ittraduti

* għaliex li ġara fit-Tarzna fl-aħħar snin

* kien kollu tort tat-tmexxija ineffiċjenti

* u tal-abbużi li saru bil-barka

* ta’ min dmiru kien li jiżgura tmexxija effiċjenti u jitrażżnu l-abbużi,

* u bil-kuntentizza tal-UE li kienet taf il-ħin kollu x’kien qed jiġri fit-Tarzna.

Għalhekk ħafna jsostnu li kien hemm kumplott ħalli t-Tarzna tingħalaq u jinqerdu l-impiegi tal-ħaddiema tat-Tarzna.

Xejn ma għen biex din l-akkuża tal-kumplott jintesa,

* il-fatt li ma ġietx aċċettata t-talba tar-rappreżentanti tal-ħaddiema

* ħalli ssir inkjesta pubblika indipendenti

* biex tfittex x’kien il-kaġun tat-telf kbir li sar fl-aħħar sentejn u tlieta,

* u partikolarment min kien jaħti għall-kuntratt diżastruż

* tal-konverżjoni tal-bastimenti tal-Fairmount,

* li swew miljuni kbar ta’ telf lill-poplu Malti.

Min ma aċċettax li jsir inkjesta indipendenti, beża’ minnha.

Il-ħaddiema rieduha għax ma kellhomx x’jibżgħu minnha.

Il-poplu għandu dritt li jkun jaf il-verità dwar it-Tarzna,

* kemm għaliex hemm fin-nofs miljuni kbar mit-taxxi li huwa ħallas,

* kif ukoll għaliex, it-Tarzna kienet l-akbar u l-eqdem industrija ta’ pajjiżna,

* u rawmet l-aqwa nies tas-snajja’ li pajjiżna kellu.

Il-poplu għandu jkun mgħarraf x’parti kellha l-Unjoni Ewropea fil-qerda tat-Tarzna

* u fit-telfien ta’ mijiet ta’ impiegi għall-ħaddiema tagħna,

* kif ukoll fit-telf tad-dħul ta’ munita barranija

* li pajjiżna ġarrab

* meta twaqqaf ix-xogħol tat-tiswija

* u l-bini tal-vapuri lill-barranin.

Waqt li lil-poplu qegħdin jagħtuh x’jifhem li l-UE se tieħu passi ħalli ttaffilna l-piż tal-eluf ta’ immigranti illegali li tħallew jidħlu u jibqgħu f’pajjiżna,

* il-kriżi qiegħda taggrava ruħha

* bil-miġja ta’ aktar immigranti,

* iżda bid-deċiżjoni li għadd ta’ immigranti

* għandhom jitilqu miċ-ċentri miftuħin ta’ detenzjoni,

* mingħajr m’għandhom fejn imorru joqogħdu.

Deċiżjoni li tfisser

* li se jkollna mijiet ta’ immigranti

* jiġġerrew fit-toroq,

* jorqdu fejn isibu,

* mingħajr xogħol,

* u jdabbru rashom kif kif jistgħu.

Nistgħu nistennew li ħafna minnhom

* jispiċċaw ‘squatters’ fi djar abbandunati,

* u li oħrajn jikkommettu serq ‘l hawn u ‘l hinn

* ħalli jkollhom biex jgħixu.

Dan se jkabbar il-kriżi tal-immigranti

* għax se jkun kaġun ta’ aktar inkwiet soċjali

* u ta’ allarm akbar għall-poplu tagħna.

L-immigranti illegali ma jridux jibqgħu f’pajjiżna.

Iridu jmorru fil-pajjiżi kbar tal-Ewropa.

Aħna qegħdin inżommuhom hawn bilfors

* u ma nħalluhomx jitilqu minn pajjiżna.

Qegħdin nagħmlu dan għax l-UE ma tridx tħallina nħallu immigranti illegali jitilqu.

Għalhekk, m’aħniex noħorġulhom ‘travel document’ li bih jistgħu jsiefru, u qegħdi nnitfgħuhom il-ħabs, jekk naqbduhom jippruvaw joħorġu minn pajjiżna.

Dan kollu qiegħed iseħħ

* għax l-UE trid hekk,

* mhux għax jaqbel lilna hekk.

L-UE ġabitna f’din il-qagħda kerha.

L-ewwel ġiegħlitna niftħu l-bibien ta’ pajjiżna għall-immigranti illegali

* billi biex isseħibna fl-Unjoni,

* sfurzatna nċedu r-riservi kollha li l-Gvern Malti kien għamel

* għall-Konvenzjoni tar-Refuġjati.

Imbagħad ma tippermettilniex inħalluhom imorru fejn iridu jmorru fl-Ewropa,

* u lanqas tħallina nżommuhom maqfulin f’ċentri ta’ detenzjoni

* għal aktar minn sitt xhur.

Dan ifisser li tridna nintegrawhom mal-poplu tagħna ħalli joqogħdu hawn,

* jieħdu x-xogħol tagħna,

* id-djar tagħna

* u jgawdu mis-servizzi soċjali

* li l-poplu tagħna jħallas għalihom it-taxxi.

Kull tant żmien issir xi laqgħa tal-UE fejn jitkellmu dwar il-qagħda kritika tal-immigranti illegali f’Malta, u jintqal li jixraq li tingħatalna għajnuna speċjali.

Ħafna diskors u fatti xejn.

Issa semmew li se jagħmlu “proġett pilota” għal Malta li permezz tiegħu pajjiżi tal-UE li jivvolontarjaw jieħdulna mill-immigranti li hawn, jingħataw fondi mill-Unjoni talli jagħmlu dan.

Dan il-proġett pilota mhuwiex soluzzjoni għall-problema tal-immigrazzjoni illegali f’pajjiżna,

* għax jekk ma nerġgħux nagħlqu l-bibien ta’ pajjiżna għall-immigranti,

* numru akbar ta’ immigranti jibdew jiġu hawn,

* bit-tama li jintbagħtu fil-pajjiżi kbar tal-UE,

* bis-saħħa,

* proprju,

* ta’ dan il-proġett.

Dan hu difett tal-proposta tal-‘burden sharing’,

* għax mhux jiskoraġġixxi,

* iżda jinkoraġġixxi l-immigranti

* li jkunu jafu li se jsibu ruħhom f’xi pajjiż tal-Ewropa,

* wara li jagħmlu ftit taż-żmien f’pajjiżna.

Hija ħaġa xokkanti li l-Parlament Malti

* ma jiddiskutix waħda mill-problemi ewlenin li għandna,

* li hija l-immigrazzjoni illegali

* u n-numru ta’ immigranti jiġġerrew fit-toroq tagħna,

* mingħajr akkomodazzjoni

* u mingħajr xogħol.

Aktar u aktar meta l-poplu mhux qed jingħata t-tagħrif korret dwar il-problema.

Min-naħa waħda jintqal li n-numru tal-immigranti f’pajjiżna qiegħed jonqos

* u fl-istess waqt,

* jingħad li hemm bżonn li immigranti

* li ilhom fiċ-ċentri miftuħin

* jitilqu biex jagħmlu wisgħa għal oħrajn

* li se jinħarġu miċ-ċentru magħluqin,

* għax ilhom aktar minn sitt xhur hemmhekk.

Issa, jekk in-numru ta’ immigranti mhux qed jiżdied,

* partijiet miċ-ċentri magħluqin jistgħu jsiru ċentri miftuħin,

* biex fihom jibqgħu l-immigranti li ilhom sitt xhur f’dawk magħluqin.

Hija ħaġa tal-għaġeb

* li qatt ma jingħataw l-istess ċifri

* tal-immigranti illegali li ġew Malta,

* li telqu,

* u li għadhom hawn.

Lanqas ta’ kemm jaħarbu miċ-ċentri magħluqin.

Mhux ta’ b’xejn li ħafna nies lanqas huma konvinti li bħalissa mhux ġejjin immigranti illegali f’pajjiżna.

Xi wħud isostnu li qegħdin jiġu immigranti, iżda l-fatt qed jibqa’ moħbi.

Jidher iżda, li huwa fatt li wara li l-Italja bdiet treġġa’ lura l-immigranti lejn il-Libja, in-numru tagħhom naqas sew.

Huwa fatt ukoll li l-Forzi Armati ta’ Malta qegħdin jagħtu għajnuna lid-dgħajes bl-immigranti biex ikunu jistgħu jaslu qawwijin u sħaħ sax-xtut ta’ Sqalija.

Huwa biss meta l-FAM ma jiżgurawx li d-dgħajjes bl-immigranti illegali se jaslu Sqallija, li jġibuhom Malta.

Din l-imġieba żgur għenet biex jonqos in-numru tal-immigranti illegali f’dawn l-ewwel xhur ta’ din is-sena.

Xorta waħda l-qagħda tal-immigranti illegali f’pajjiżna hija gravi, u dan mhux biss minħabba l-kundizzjonijiet ħżiena ħafna taċ-ċentri ta’ detenzjoni.

Hija gravi għax il-problemi soċjali

* li l-immigranti qegħdin joħolqulna huma serji,

* u biż-żmien se jiżdiedu mhux jonqsu.

* u dwar dak tas-sigurtà tal-pajjiż.

Għalhekk, jeħtieġ li l-Parlament Malti jiddeċiedi dwar azzjoni konkreta

* ħalli tittrażżan din il-problema.

Ma nistgħux nistennew li l-UE se ssolvihielna hi.

Hija ħolqitielna u hija qiegħda żżomna lura milli nrażżnuha.

L-interess nazzjonali jitlob dan mill-Parlament tagħna,

* għax hemm il-ġejjini ta’ uliedna fin-nofs:

* pajjiżhom        

* u xogħolhom.

* ċaħħad lil Malta mid-dritt

* li tkompli tgawdi mill-prezz orħos minn dak tas-suq

* għaż-żejt li pajjiżna jimporta.

Konna nixtru ż-żejt mil-Libja bis-saħħa ta’ ftehim li konna għamilna mal-Libjani.

L-Unjoni Ewropea ġagħlitna nħassru dak il-ftehim,

* inkella l-Unjoni ma kinitx taċċetta li nissieħbu fl-Unjoni.

Għalhekk

* parti mit-tort tal-prezzijiet ogħla tal-prodotti taż-żejt

* u taż-żieda fenomenali fit-tariffi

* tad-dawl u tal-ilma

* hija tal-Unjoni Ewropea.

L-Unjoni taħti ukoll

* li fuq il-prodotti taż-żejt

* ikollna nħallsu dazji u ‘levies’

* li l-Unjoni mponiet

* bl-iskuża tal-ħarsien tal-klima.

Dan kollu jgħolli l-ħajja,

* iżid l-ispejjeż tal-produzzjoni f’pajjiżna,

* u jagħmlna anqas kompetittivi.

Inqas kompetittivi tfisser li nesportaw inqas,

* u nesportaw inqas ifisser li jaħdmu nies inqas.

Ifisser ukoll li btala f’pajjiżna tqum aktar

* u dan ifisser inqas turisti li jiġu Malta.

Inqas turisti jfissru impjiegi inqas fl-industrija tat-turiżmu

* u dħul inqas ta’ flus għal pajjiżna.

Dawn huma kollha konsegwenzi tal-politika ħażina tal-Unjoni Ewropea

* li pajjiżna jkollu jsegwi minħabba s-sħubija fl-Unjoni Ewropea.

Is-sħubija fl-Unjoni Ewropea għamlitilna ħsara fil-qasam tax-xogħol,

* kemm għaliex għamlitna anqas kompetittivi,

* kif ukoll għaliex ikkawżatilna l-għeluq ta’ ħafna fabbriki

* u sensji lill-ħaddiema,

* u għax l-Unjoni ġiegħlet lill-Gvern Malti jipprivatizza kollox,

* bil-konsegwenza li tnaqqsu l-impjiegi

* u ntilef dħul għall-Kaxxa tal-Gvern.

L-iżbilanċ tal-Gvern baqa’ jogħla mhux jonqos,

* għax il-Gvern ħass li għandu jħallas il-miljuni

* biex il-ħaddiema jirtiraw mill-impjieg,

* mhux ħareġ il-miljuni

* biex joħloq l-impjiegi għall-ħaddiema.

U l-Unjoni Ewropea approvat

* li l-Gvern iħallas il-miljuni

* biex il-ħaddiema jieqfu mix-xogħol,

* u ma approvatx li l-Gvern

* ikompli jagħti għajnuna lit-Tarzna

* biex jinżammu fl-impjieg 1,700 ħaddiema tas-sengħa.

Il-qagħda mwegħra tal-impjiegi fil-pajjiżi tal-Unjoni Ewropea,

* fejn il-qgħad reġa’ żdied għal madwar 20 miljun,

* hija l-akbar ċertifikat tal-politika żbaljata tal-Unjoni fil-qasam tax-xogħol.

Għalhekk m’għandniex għax niskantaw li jiżdied il-qgħad f’pajjiżna,

* la darba pajjiżna jimxi fuq il-politika żbaljata tal-Unjoni.

Jekk inwarrbu din il-politika żbalta tal-UE,

* inkunu f’qagħda ħafna aħjar

* biex inħaddmu politika li toħloq ix-xogħol

* u żżid l-impjiegi f’pajjiżna.

Inkunu ukoll nistgħu niżguraw

* li x-xogħol f’pajjiżna jieħdu l-ħaddiem Malti,

* mhux kif qiegħed jiġri li wara s-sħubija,

* eluf ta’ ħaddiema mill-pajjiżi tal-UE

* qegħdin jieħdu x-xogħol tal-ħaddiema Maltin.

Il-Ħamis, 25 ta’ Ġunju, 2009

e-mail: cnimalta at yahoo.co.uk 

Inroddulek ħajr li żort il-paġna tagħna

Appoġġ fil-ġlieda għall-Indipendenza u l-Ħelsien

Trid tgħin biex niksbu mill-ġdid l-Indipendenza u l-Ħelsien? 

Jekk iva, għin lis-CNI fil-ħidma tagħha biex il-maġġoranza tal-poplu tkun trid li neħilsu mill-ħakma ta' l-Unjoni Ewropea.

Issieħeb fis-CNI billi tibgħat €5 flimkien ma' din il-formola lis-

Segretarju Finanzjarju  CNI,

60A, Triq id-Dejqa,

Valletta

Isem .......................................................

Indirizz ...................................................

ID Numru ...............................................

Inroddulek ħajr ta’ l-għajnuna tiegħek

Malta ħielsa u newtrali fl-aħħar tirbaħ