MERĦBA FIL-PAĠNA TAS-CNI

KAMPANJA ĦELSIEN NAZZJONALI

Kienet, għadha u tibqa' favur il-ħaddiema Maltin

u kontra s-sħubija ta' Malta fl-Unjoni Ewropea

NAĦILFU LI NEĦILSU LIL MALTA MILL-JASAR, IL-KOLONJALIŻMU U L-ĦAKMA DITTATORJALI ILLEGALI TA' L-UNJONI EWROPEA

Il-PJAGA tar-razziżmu f’pajjiżna qiegħda tikber

* minħabba l-invażjoni ta’ eluf ta’ immigranti illegali

* u l-UE taħti għall-kriżi li ħakmitna tal-immigrazzjoni.

Hi l-ewwel ġiegħlitna nneħħu l-ilqugħ li pajjiżna kellu kontra l-immigranti illegali,

* billi sforzat lill-Gvern Malti jwarrab ir-riservi kollha li pajjiżna kien għamel għall-Konvenzjoni tar-refuġjati,

* imbagħad wara li ftaħna beraħ il-bibien ta’ pajjiżna għall-immigranti,

* ġiegħlitna nagħlqu l-bibien warajhom biex ma nħalluhomx jitilqu minn pajjiżna lejn l-Ewropa.

Jiġifieri l-UE tridna ndaħħluhom u nżommuhom hawn f’pajjiżna.

B’hekk trid li Malta sservi ta’ nassa li fiha jinqabdu l-immigranti illegali li jkunu fi triqthom lejn l-Unjoni, jew niġbruhom mill-baħar jew bi żball jinżlu f’artna.

Nagħmlu żball jekk naħsbu li l-Parlament Ewropew jew il-Kummissjoni Ewropea se ssolvilna l-krizi tal-imigranti illegali.

Jista’ jsolviha biss il-Parlament Malti bili jaqta’ li ma jitħallewx aktar immigranti jiġu u jibqgħu f’Malta u ma jżommux aktar lill-immigranti milli jitilqu minn pajjiżna biex jippruvaw jidħlu fil-pajjiżi l-orħrajn tal-UE.

Il-Parlament Malti għandu jifhem li l-immigranti illegali li jridu li nħalluhom imorru l-Ewropa u mhux jispiċċaw ma jistgħux imorru lejn il-pajjiżi l-oħrajn għax inqisuhom bħala refuġjati jew inqisu li għandhom jingħataw protezzjoni umanitarja.

Fil-kwistjoni tal-immigranti illegali hemm fin-nofs ħafna interessi moħbijin.

Numru ta’ sidien f’pajjiżna qegħdin iħaddmu l-immigranti illegali bi ħlas baxx u mhux skond il-kundizzjonijiet tax-xogħol li tgħid il-liġi.

L-awtoritajiet jafu lid an qed iseħħ u għalkemm bil-fomm jikkundannawh, mhuma qed jagħmlu xejn biex iwaqqfuh.

Is-sidien jaqilgħu aktar għax iħallsu inqas u fl-istess ħin dan jgħin biex il-pagi tal-ħaddiema Maltin ma jogħlewx.

Hu magħruf li hawn min qed igawdi bil-presenza ta’ eluf ta’ immigranti illegali.

Jagħmlu negozju tajjeb minn fuqhom.

Jingħataw kuntratti ta’ eluf ta’ ewro għall-provvisti lill-immmigranti, spiss bla sejħa għall-offerti.

Qed isir kummerċ kbir mal-ħafna immigranti fiċ-ċentri miftuħin, dawk fiċ-ċentri ta’ detenzjoni u ma ħafna oħrajn li qegħdin jgħixu l-hawn u l-hemm f’kirjiet għal rashom.

Min jaqla’ l-flus minn fuq l-immigranti ma jimpurtaha mill-ħsara li l-immimgrazzjoni illegali qiegħda tagħmel lil pajjiżna.

Lanqas l-awtoritajiet tal-pajjiż ma jidhru li jimpurtahom minn dan.

Iżda m’hemmx dubju li l-kotra l-kbira tal-poplu ma taqbilx ma’ dak li qed jitħalla jseħħ f’Malta.

Il-kotra trid li l-immigrazzjoni illegali titrażżan.

Dan ma jfissirx li l-kotra tal-poplu trid li l-immigranti jinħaqru.

Żgur li topponi li jissawtu.

Taqbel li jingħaatw l-ikel, il-bżonnijiet l-oħrajn, u l-kura medika, u li jinżammu f’ambjent diċenti mhux kif għandhom illum.

Iżda l-kotra tal-poplu temmen ukoll li l-immigranti illegali mhux f’lokhom f’pajjiżna.

Pajjiżna hu żgħir wisq.

Il-popolazzjoni hi kbira wisq.

M’hawnx xogħol għall-Maltin u l-Għawdxin kollha.

Għalhekk mhux fl-interess tal-poplu li nħallu immigranti illegali jiġu joqogħdu u jaħdmu hawn.

L-immigranti illegal ilanqas iridu joqogħdu f’Malta.

Kemm dawk li nsalvaw mill-baħar.

Kif ukoll dawk li jinżlu l-art waħedhom, kollha jkunu fi triqthom sejrin lejn l-Ewropa.

Mhux huma jridu joqogħdu hawn u meta nżommuhom hawn mhux qegħdin nagħmlulhom xi pjaċir.

Anzi qegħdin nagħmlulhom il-ħsara.

Jekk tassew irridu nagħmlu ġid lill-immigranti illegali, għandna ma nostakolawhomx milli jilħqu l-għan tagħhom li jmorru fl-Ewropa.

Fil-kwistjoni tal-immigrazzjoni illegali l-UE daħqet bina u għadha tgħaddina biż-żmien.

Trid tissokta tagħmel dan billi tridna nagħtu l-vot lill-imigranti bl-iskuża li b’hekk, wara ftit tas-snin, ikunu jistgħu jmorru fejn iridu fl-UE.

Meta l-immigranti jingħataw il-vot ikunu għamlu pass ieħor biex jintegraw ruħhom mal-Maltin.

Dak li trid l-UE bl-iskuża tad-dritt tal-moviment ħieles.

Lill-UE għandna ngħidula li jekk lesta taċċetta immigranti minn Malta li kisbu l-vot, għaliex mhix lesta taċċettahom anki jekk m’ghandhomx id-dritt tal-vot?

X’differenza jagħmle il-vot?

Wara kollox aktar minn nofs iċ-ċittadini tal-UE li għandhom il-vot lanqas jimportahom għax ma jivvotawx fl-Elezzjonijiet tal-Parlament Ewropew!

Fl-interess tal-poplu tagħna u għall-ġid tal-immigranti illegali għandna mill-aktar fis ninfatmu mill-politika u r-regolamenti tal-UE dwar l-immigrazxzjoni illegali.

L-UNJONI EWROPEA

* hija moralment marida

* bil-ġdim tal-korruzzjoni,

* serq,

* frodi

u ħela ta’ miljuni kbar ta’ ewro kull sena.

Minħabba dan, l-awdituri ma jiffirmawx il-kontijiet tagħha, b’għajb kbir għaliha.

Il-fondi tal-UE ġejjin mit-taxxi

* li l-popli tal-pajjiżi membri jħallsu lilha

* u għalhekk fl-aħħar mill-aħħar

* huma ċ-ċittadini Ewropej li qegħdin jinstelħu,

mhux l-Unjoni u l-mexxejja tagħha.

Il-każi ta’ korruzzjoni fl-UE u ħela ta’ fondi huma biżibilju u jwerrċuk.

Każ minnhom huwa ta’ erba’ intrapriżi kummerċjali f’Cosenza, l-Italja, li flimkien redgħu €80 miljun mill-UE biex iwaqqfu negozju għall-bini ta’ pannelli tax-xemx (‘solar panels’) u spiċċaw biex m’għamlu xejn wara li ħadu dik l-għajnuna.

Każ ieħor seħħ fil-belt ta’ Charleroi, fil-Belġju,

* li ngħatat €12-il miljun

* li minflok intefqu għall-iskopijiet li ngħataw,

* intużaw fi ħlas tal-ispejjeż ta’ ikliet,

* riċevimenti,

* vjaġġi

* u safar

* ta’ uffiċjali

u nies prominenti tal-belt.

It-tielet każ seħħ ukoll fin-Nofsinhar tal-Italja.

L-UE ħallset madwar €50 miljun lil numru ta’ bdiewa għas-siġar taċ-ċitru, skond il-Poiltika Agrikola Komuni (CAP).

Iżda wara xi żmien instab li la l-bdiewa u lanqas is-siġar taċ-ċitru ma kienu jeżistu.

Ir-raba’ każ huma mdaħħlin fih żewġ negozjanti Bulgari

* li ħadu €9.6 miljun mill-Fond għall-Iżvilupp Agrikolu u Rurali,

* bil-għan li jinxtara mpjant ġdid għall-ipproċessar u l-ippakkjar tal-laħam.

Minflok huma akkwistaw impjant qadim billi ffalsifikaw id-dokumenti.

Il-każi ta’ korruzzjoni ma seħħewx biss fil-pajjiżi membri tal-UE, iżda saħansitra fl-ogħla istituzzjonijiet tagħha.

F’wieħed mir-rapporti tal-awdituri nterni tal-Parlament Ewropew jingħad li fondi li jammontaw għal €98.4 miljun tħallsu f’’allowances’ lill-membri tal-Parlament, minflok intefqu għall-iskopijiet li kienu ngħataw.

Ir-rapport baqa’ mistur mill-pubbliku.

Skond nota ta’ Diana Wallis,

* li kienet waħda mill-Viċi Presidenti tal-Parlament Ewropew,

* madwar 60 membru tal-parlament

* iffirmaw li attendew sessjonijiet Parlamentari li saru fil-ġurnata tal-Ġimgħa.

* Meta nhar ta’ Ġimgħa l-Parlament Ewropew ma jżommx laqgħat.

B’dan il-qerq tħallsu f’sena waħda madwar €820,000 lill-membru.

Dwar il-Kumitat tar-Reġjuni tal-UE,

* Paul van Buitenen,

* li kien l-awditur fid-Direttorat tal-Finanzi,

* jgħid lill-Uffiċċju kontra l-Frodi tal-UE

* li skond investigazzjonijiet li għamel hu stess

* kien hemm korruzzjoni mifruxa li kienet ilha tkarkar għal bosta snin.

Minbarra li saru magħrufin ħafna każi oħrajn ta’ korruzzjoni fl-UE

* ixxandru wkoll ħafna każi ta’ ħela

* u sparpaljar bl-addoċċ ta’ fondi Ewropej.

L-UE tat €1,280,000

* għal programm ta’ taħriġ ta’ tfajliet

* f’kant,

* żfin

* u reċtar

 fi spettakli tat-televiżjoni f’Napli, “Quiziotto”;

tat €105,996 lil-Estonja

* biex tiżviluppa t-teatru tal-pupazzi

* għal refuġjati u għal nies żvantaġġjati.

L-UE tat ukoll fondi għall-bini ta’ ‘shipping lift’ fil-Port ta’ Strepy-Thieu fil-Belġju.

* Il-‘lift’ qam €647 miljun biex inbena minflok €170 miljun kif ippjanat.

* Dam 20 sena biex tlesta u wara erba’ snin jaħdem, kellu l-ħsara u ma baqax jiffunzjoni.

L-UE tat fondi ta’ €800 miljun lill-Italja biex timmodernizza l-ferrovija tagħha fin-Nofsinhar tal-pajjiż.

* Wara li l-fondi ntużaw,

* instab li 50% tal-ferroviji qegħdin jitħaddmu bl-elettriku,

* meta qabel ingħataw il-fondi

* ftit inqas minn nofshom diġa’ kienu jaħdmu bl-elettriku

* u 75% tal-ferroviji għadhom jiffunzjonaw fuq linja waħda,

* minflok tnejn.

Parti kbira mill-fondi għosfru.

Xi linji tal-ajru u tal-‘cruise liners’ qegħdin jirċievu sussidji mill-Politika Agrikola Komuni tal-UE għall-ikel li jservu lill-passiġġieri.

Il-kumpanija tal-ajru Ġermaniża Lufthansa rċeviet €2.5 miljun bħala parti minn dawn is-sussidji.

Fondi li jlaħħqu miljuni kbar ta’ ewro

* ngħataw lill-Polonja

* għal proġett ta’ bini ta’ triq

* li kellha tgħaqqad il-belt ta’ Wroclaw fin-Nofsinhar

* ma’ Bialystok fit-Tramuntana.

* Iżda meta ntemm il-proġett,

* it-triq li bidet tinbena minn Wroclaw

* spiċċat ħames mili ‘l bogħod

* minn fejn spiċċat it-triq

* li bidet tinbena minn Bialystok.

Il-fabbrika tal-British Sugar f’York, l-Ingliterra, ingħatat kumpens ta’ €93 million bi ħlas għat-tnaqqis fil-kwota taz-zokkor prodott fir-Renju Unit.

Il-fabbrika kienet għalqet fil-bida tas-sena 2007, iżda fetħet u ħadmet għal ġimgħatejn biss fl-aħħar ta’ Diċembru ta’ dik is-sena, ħalli tikkwalifika għall-kumpens.

L-Unjoni tonfoq madwar €140 miljun fis-sena għall-Kumitat tar-Reġjuni tal-UE.

Isiru ħafna laqgħat tar-rappreżentanti tar-reġjuni u jitħejjew ħafna studji, iżda m’għandhom l-ebda siwi.

L-UE għamlet skema magħrufa bħala Single Farm Payment Scheme.

Instab li minnha qegħdin igawdu ħafna li mhumiex bdiewa.

Qegħdin jitħallsu minnha

* klabbs tal-‘horse riding’,

* tal-golf

* u kunsilli lokali,

* minbarra kumpaniji kbar multi-nazzjonali,

* bħal Nestle,

* Coca Cola

* u Heineken.

Il-kumpanija Tate & Lyle Europe rċeviet £37,956,391 mill-iskema.

Iżda forsi l-akbar ħela skandaluża tal-fondi tal-UE hija dik li għandha x’taqsam mal-għotjiet u pensjonijiet lill-Kumissarji Ewropej.

Hu stmat li l-“golden handshakes” mogħtija lill-Kummissarji li temmew il-karigi tagħhom jammontaw għal €11-il miljun.

Baroness Ashton,

* il-Kummissarju Ngliża,

* se tingħata €250,000 għal-“transition payments”

* waqt li l-Kummissarju Svediża Margot Walstrom

* se tingħata “golden handshake” ta’ €433,000.

Ashton,

* li tkun damet biss sena kummissarju,

* se tingħata pensjoni ta’ £8,000 fis-sena

* u Walstrom se tieħu pensjoni ta’ €110,000 fis-sena.

Dawn huma ftit mill-ħafna fatti li jixxokkjaw liċ-ċittadini tal-Unjoni Ewropea.

Mhux għalxejn ħafna jistħu li huma mseħbin f’din ix-xorta ta’ unjoni.

Il-Ħamis, 23 ta’ Lulju, 2009

e-mail: cnimalta at yahoo.co.uk 

Inroddulek ħajr li żort il-paġna tagħna

Appoġġ fil-ġlieda għall-Indipendenza u l-Ħelsien

Trid tgħin biex niksbu mill-ġdid l-Indipendenza u l-Ħelsien? 

Jekk iva, għin lis-CNI fil-ħidma tagħha biex il-maġġoranza tal-poplu tkun trid li neħilsu mill-ħakma ta' l-Unjoni Ewropea.

Issieħeb fis-CNI billi tibgħat €5 flimkien ma' din il-formola lis-

Segretarju Finanzjarju  CNI,

60A, Triq id-Dejqa,

Valletta

Isem .......................................................

Indirizz ...................................................

ID Numru ...............................................

Inroddulek ħajr ta’ l-għajnuna tiegħek

Malta ħielsa u newtrali fl-aħħar tirbaħ