MERHBA FIL

NAĦILFU LI NEĦILSU LIL MALTA MILL-JASAR, IL-KOLONJALIŻMU U L-ĦAKMA DITTATORJALI ILLEGALI TA' L-UNJONI EWROPEA

GĦID LID-DEPUTAT PARLAMENTARI TIEGĦEK LI TRID LI MALTA TIKSEB LURA

L-INDIPENDENZA U L-ĦELSIEN!

L-Unjoni Ewropea ordnat li fis-sena 2011 il-Maltin u l-Għawdxin iħallsuha €68,000,000

€186,000 kuljum misruqa minn ħalq uliedek

minn Karmenu Mifsud Bonnici KAMPANJA ĦELSIEN NAZZJONALI CNI

L-ewro ma ssalvax pajjiż mill-kriżi

Pajjiżi li daħħlu l-ewro, bħall-Greċja, l-Irlanda u l-Portugall, waqgħu fi kriżi finanzjarja tant kerha li kellhom jingħataw ‘bail-outs’ ta’ biljuni ta’ ewro biex ma jfallux.

Dawn il-fatti juri li d-dħul tal-ewro ma jħarisx li pajjiż milli ma jmurx ħażin finanzjarjament, u lanqas jgħin biex pajjiż jegħleb waħdu d-diffikultajiet finanzjarji li jsib ruħu fihom.

Anzi ħafna jsostnu li d-dħul tal-ewro hu fattur li jikkontribwixxi biex il-qagħda finanzjarja ta’ pajjiż teħżien.

Dan għax jekk il-qagħda ekonomika ta’ pajjiż titlob li r-rata tal-imgħaxxijiet togħla jew titbaxxa, jew li l-valur tal-munita jiżdied jew jonqos biex tiġi stimulata l-attività ekonomika u tikber l-esportazzjoni, pajjiż li jkun daħħal l-ewro ma jistax jadotta ebda waħda minn dawn iż-żewġ miżuri monetarji.

Pajjiż li jdaħħal l-ewro, jorbot kullar ma’ għonqu u bħal kelb marbut minn għonqu, ma jibqax ħieles li jista’ jmur fejn irid.

Pajjiż li daħħal l-ewro u li jsib ruħu f’diffikulatjiet finanzjarji hu mġiegħel mill-Unjoni Ewropea li jisqi liċ-ċittadini tiegħu mistura b’togħma ħażina ħafna, jekk irid li jingħata għajnuna.

L-Unjoni Ewropea tisħaq li biex pajjiż jingħata ‘bail-out’ ta’ biljuni ta’ ewro,

Filwaqt li hu dubjuż hekk dawn il-miżuri ta’ awsterità jtejbu l-qagħda finanzjarja tal-pajjiż, hi ħaġa ċerta li jitfgħu lura l-qagħda ekonomika u soċjali tal-pajjiż li jdaħħalhom.

Pajjiż li jkun mgħobbi bid-dejn ma jkun jista’ qatt jaqta’ mid-dejn jekk jadotta miżuri ta’ awsterità li fil-waqt li jnaqqsu l-infiq, inaqqsu wkoll id-dħul tal-Gvern.

Biex Gvern idaħħal aktar, irid ikollu aktar nies li qegħdin jaħdmu biex iħallsu aktar taxxi u aktar kontribuzzjonijiet soċjali.

Politika ta’ Gvern li tħaddem aktar nies hi kontra l-politika tal-miżuri ta’ awsterità li l-Unjoni Ewropea qiegħda timponi fuq ħafna mill-pajjiżi li daħħlu l-ewro.

Iż-Żona tal-pajjiżi tal-Ewro saret waħda ta’ kriżi li ma taqta’ qatt, minflok żona ta’ prosperità li kienu jħabbrulna qabel daħħalna l-ewro.

Il-barranin f’Malta u l-Unjoni Ewropea

Il-Gvern inqabad kif tilef kull kontroll fuq il-barranin f’Malta minħabba l-Unjoni Ewropea.

Dan għax hemm il-moviment ħieles tal-persuni fejn kull persuna mill-Unjoni għandha dritt li tmur tgħix fejn trid f’kull pajjiż membru.

Imma aktar minn hekk, irridu niftakru kif l-Unjoni ordnat lill-Gvern biex ineħħi kull riserva li kien għamel għall-Konvenzjoni tar-Refuġjati u biex idaħħal il-Konvenzjoni ta’ Dublin II biex spiċċajna mimlijin bl-immigranti illegali.

Fil-fatt, il-Gvern u anke dawk l-organizzazzjonijiet li jiddefendu l-immigranti illegali u li jgħidu li hawn biss ftit mijiet inqabdu anke fil-gideb dwar kemm hawn immigranti illegali f’Malta wara mistoqsija Parlamentari li ġiet imwieġba mill-Prim Ministru.

Irriżulta li skont il-Mistoqsija Parlamentari 26450 tas-6 ta’ Ġunju, 2011 hawn aktar minn 18,648 barrani li għandhom Karta tal-Identità Maltija u li mhux ġejjin minn pajjiżi tal-UE.

Irriżulta wkoll li dawn huma minn 120 pajjiż madwar id-dinja u l-aktar huma minn dawn il-pajjiżi:

Dan ifisser li l-Gvern minħabba l-ordnijiet tal-UE tilef kull kontroll fuq min jitħalla jidħol u jibqa’ f’pajjiżna għax li jkollok dawk l-eluf ta’ barranin bil-Karta tal-Identità Maltija jfisser li inti m’għandekx tikkmanda f’pajjiżna imma qed tiġi kkmandat mill-UE.

Issa kulħadd jaf xi jfisser li tobdi lill-UE u tibqa’ żżomm lill-immigranti illegali f’Malta fejn hawn mill-inqas 6,346 Afrikan barra l-mijiet jekk mhux eluf oħrajn li daħlu baxx baxx u ħadd ma jaf bihom.

Dan jekk ma ngħoddux il-Libjani li huma wkoll mill-Afrika.

U nistgħux inkunu nafu x’qed jagħmlu hawn dawk il-mijiet ta’ Ċiniżi, Russi u Jugoslavi u minn kull pajjiż ieħor minn madwar id-dinja li biex inħarġitilhom il-Karta tal-Identità Maltija jfisser li jkunu ilhom hawn jew se jkunu hawn aktar minn sitt xhur?

Għandna wkoll eluf oħrajn li baqgħu hawn meta skaditilhom il-viża u l-Gvern ma qiegħed jagħmel xejn biex dawn jinqabdu u jintbagħtu lura lejn pajjiżhom.

Kulmin għadu għajnejh f’wiċċu jista’ jara lil dawn l-eluf ta’ barranin jaħdmu minflok il-ħaddiema Maltin.

Dawn mhux kollha qed jisirqu ħobż, xogħol u l-għajxien tal-ħaddiema Maltin u l-familji tagħhom?

Kif jista’ l-poplu Malti jkollu moħħu mistrieħ u jkun bla biża’ f’dahru meta hawn daqstant eluf ta’ barranin li ħafna minnhom ġew hawn illegalemnt jew baqgħu hawn illegalment u ma nafux x’ħobż jieklu?

Kif jista’ l-poplu jkun moħħu mistrieħ meta hawn tant eluf ta’ immigranti illegali li ħadd ma jaf min huma ġew għax qerdu l-karti kollha li juru min tassew huma?

Mata l-Gvern se jwaqqaf l-immigrazzjoni illegali u jibgħat lil kulħadd ’il barra?

Il-Kampanja Ħelsien Nazzjonali CNI kienet ġabret eluf kbar ta’ firem għall-petizzjoni biex il-Gvern iwaqqaf l-immigrazzjoni illegali.

Meta l-Whips tal-gruppi parlamentari se jsibu l-ħin biex tingħatalhom din il-petizzjoni?

L-Aġenzija dwar ir-Refuġjati tista’ tkun ta’ ħsara għal Malta

Il-Gvern Malti hu ferħan li l-Unjoni Ewropea aċċettat li l-uffiċċju tal-Aġenzija dwar l-Ażil għar-refuġjati jkun f’pajjiżna, u l-Kummissarju Ewropew responsabbli mir-refuġjati, Cecilia Malstrom, ġiet Malta għall-ftuħ uffiċjali tal-uffiċċju, li qiegħed fil-bini ta’ Transport Malta fil-Marsa.

Kieku kien għadu ħaj il-Prim Ministru Borg Olivier, kien jopponi bil-qawwa li l-Aġenzija tal-Unjoni Ewropea dwar ir-refuġjati jkollha l-uffiċċju tagħha f’Malta.

* għalhekk hu eskluda numru ta’ provvedimenti tal-konvenzjoni milli japplikaw għal Malta.

Bi tradiment tal-interessi nazzjonali, il-Gvern Malti, fin-negozjati għas-sħubija ta’ pajjiżna fl-Unjoni Ewropea, ċeda għar-rikatt tal-Unjoni Ewropea li qaltlu li jekk ma jwarrabx ir-riservi kollha li l-Gvern ta’ Borg Olivier kien għamel għall-Konvenzjoni dwar ir-Refuġjati, Malta ma kinitx titħalla tissieħeb fil-Unjoni Ewropea.

Dak it-tradiment fetaħ il-bibien ta’ pajjiżna għall-invażjoni ta’ eluf ta’ immigranti illegali u għall-mewġa ta’ applikazzjonijiet għall-għoti tal-istatus ta’ refuġjati u d-dritt tal-ażil.

Issa l-preżenza f’pajjiżna tal-Aġenzija dwar ir-Refuġjati ma tippermettix li pajjiżna joġġezzjona li jagħti ażilju lil dawk kollha li jikkwalifikaw li jingħataw l-istatus ta’ refuġjati u għalhekk il-ftuħ tal-uffiċċju tal-Aġenzija dwar ir-Refuġjati mhux okkażjoni ta’ ferħ, iżda ta’ tħassib serju għal kulmin għandu verament l-interessi tal-poplu tagħna għal qalbu.

Tista’ tgħid li l-maġġoranza kbira tal-immigranti illegali u l-klandestini li jsibu ruħhom f’Malta, riedu u għadhom iridu jmorru f’xi pajjiż kbir fl-Ewropa.

Iżda l-Unjoni Ewropea ma tippermettix lil Malta li tħallihom imorru fejn xtaqu u għadhom jixtiequ li jmorru fl-Ewropa.

L-Unjoni Ewropea tobbligana li nżommu lill-immigranti illegali u l-klandestini bilfors f’pajjiżna u jekk jittantaw jitilqu minn pajjiżna, jispiċċaw il-ħabs.

L-Unjoni Ewropea ma tagħmilx dan għal wiċċna u lanqas bi pjaċir lill-immigranti u l-klandestini, iżda ma tħallihomx imorru fl-Ewropa għax ma tridx li pajjiżi oħrajn membri jitgħabbew bil-piż tagħhom.

Jiġifieri, bir-regoli tagħha dwar l-immigranti illegali u l-klandestini l-Unjoni Ewropea qiegħda tħares l-interessi tal-pajjiżi l-oħrajn tal-Unjoni billi tmur kontra l-interessi ta’ pajjiżna.

L-akbar għajnuna li pajjiżna jista’ jagħti lill-immigranti illegali u lill-klandestini hi li nħalluhom liberament imorru fejn dejjem xtaqu jmorru fl-Ewropa, mingħajr m’għandna nagħtu kas tal-oppożizzjoni tal-Unjoni Ewropea, li ma tistax takkużana aktar li qegħdin nittrattaw ħażin lil dawn in-nies.

Il-Gvern ta’ Malta biex jobdi lill-Unjoni Ewropea wasal f’sitwazzjoni assurda li ma jagħtix permess biex Libjani li jiġu għal żjara f’Malta, iżda jaċċetta li jżomm f’pajjiżna Libjani li jiġi bħala immigranti illegali u billi hemm il-ġlied fil-Libja, il-Gvern ma jibgħathomx lura.

L-Aġenzija dwar ir-Refuġjati mhix se tgħin biex jonqsu l-immigranti illegali u l-klandestini f’pajjiżna.

Anzi probabbli se tkun kaġun li dawn jiżdiedu, u f’dak il-każ, se tkun ta’ ħsara u mhux ta’ ġid għalina.

Il-Parlament u l-ġlied fil-Libja

Quddiem il-massakru tal-popolazzjoni ċivili li n-NATO qiegħda twettaq fil-Libja, jista’ l-poplu Malti jibqa’ sieket?

* billi qiegħed jappoġġja l-gwerra li n-NATO qiegħda tagħmel kontra l-Libja.

Il-Prim Ministru jistaħba wara l-iskuża li l-intervent militari fil-Libja hu awtorizzat mill-Ġnus Magħquda.

Iżda jekk mhux baħnan, jaf li l-attakki tan-NATO mhux qegħdin isiru biex jipproteġu l-popolazzjoni ċivili Libjana, imma biex jgħinu lir-ribelli ta’ Benghazi fl-offensiva tagħhom kontra l-forzi governattivi u biex jitwarrab il-Gvern Libjan immexxi mill-Kulunell Gaddafi.

Il-Prim Ministru, jekk mhux falz meta jgħid li jrid jagħti kull għajnuna umanitarja lil-Libjani, jaf li l-aktar azzjoni umanitarja tkun dik li jitwaqqaf il-ġlied li qiegħed jikkaġuna tant tbatijiet umani, ferimenti u mwiet.

Iżda, biex jimxi kif l-Unjoni Ewropea tridu, qiegħed iwarrab din ir-responsabbiltà umanitarja u qiegħed isostni li biex ikun hemm waqfien mill-ġlied issa jridu jitilqu mill-Gvern Libjan kemm Gaddafi u anke l-familja tiegħu.

Gonzi hu għalhekk responsabbli flimkien ma’ Obama, Sarkozy u Cameron u r-ribelli ta’ Benghazi għal kull mewt u kull feriment li jiġru kuljum fil-Libja sakemm jibqgħu ma jaċċettawx waqfien mill-ġied.

Waqfien mill-ġlied, ‘ceasefire’ ma jfissirx it-tmiem tal-kriżi fil-Libja u lanqas ifisser ftehim bejn iż-żewġ naħat.

Wara l-waqfien mill-ġlied iridu jsiru negozjati bejn il-Gvern Libjan u l-Kunsill tar-Ribelli ta’ Benghazi dwar it-tibdil kollu li jixraq li jsir fit-tmexxija tal-Libja u dwar id-drittijiet u l-libertajiet fundamentali li l-poplu Libjan għandu jkollu.

Jekk il-Kulunell Gaddafi jibqax ikollu x’jaqsam fit-tmexxija tal-pajjiż, għandha tiġi deċiża mill-poplu kollu permezz ta’ votazzjoni ħielsa li l-Gvern Libjan diġà qal li lest jaċċetta li ssir taħt il-kontroll tal-Ġnus Magħquda u l-Unjoni Afrikana, bin-NATO jistgħu jibagħtu osservaturi.

Għalhekk m’hemmx ġustifikazzjoni biex il-Gvern Malti, u l-gvernijiet tal-pajjiżi li qegħdin jattakkaw lil-Libja kif ukoll ir-ribelli ta’ Benghazi, ikomplu joġġezzjonaw li jieqaf il-ġlied u jibdew in-negozjati.

Iżda Gonzi, Obama, Sarkozy u Cameron ma jridux jisimgħu u kuntenti jaraw aktar Libjani jinqatlu.

Jekk Gonzi biegħ ruħu lill-Unjoni Ewropea, il-poplu Malti jistenna li l-Parlament Malti jesprimi x-xewqa tal-Maltin li l-ġlied jieqaf fil-Libja u n-NATO jieqfu mill-attakki tagħhom.

Il-Parlament għandu jistieden lir-ribelli ta’ Benghazi u lill-Gvern Libjan biex jibagħtu r-rappreżentanti tagħhom u jiltaqgħu f’Malta biex jitkellmu u jiftehmu dwar waqfien mill-ġlied mingħjar aktar dewmien.

Il-Parlament Malti m’għandux jiddejjaq jekk il-Gvernijiet tal-pajjiżi li qegħdin jieħdu sehem fil-gwerra fil-Libja u l-mexxejja tal-Unjoni Ewropea ma jieħdux gost bl-inizjattiva Maltija.

L-aqwa li l-inzjattiva tkun ittieħdet biex iġġib il-paċi fil-pajjiżi ġirien tagħna u twaqqaf l-imwiet u l-ferimenti ta’ aktar Libjani.

Il-gvernijiet jistgħu jkunu kontra, iżda l-maġġornaza tal-popli tagħhom żgur bħall-Maltin jixtiequ li tieqaf il-gwerra fil-Libja.

Fittex li tiffirma l-petizzjoni popolari lill-Parlament Malti biex jgħaddi miżuri li jrażżnu l-immigrazzjoni illegali f’pajjiżna.

IRRIDU L'INDIPENDENZA MILL-UNJONI EWROPEA

Jekk iva, għin lis-CNI fil-ħidma tagħha biex il-maġġoranza tal-poplu tkun trid li neħilsu mill-ħakma ta' l-Unjoni Ewropea.