MERĦBA FIL-PAĠNA TAS-CNI

KAMPANJA ĦELSIEN NAZZJONALI

Kienet, għadha u tibqa' favur il-ħaddiema Maltin

u kontra s-sħubija ta' Malta fl-Unjoni Ewropea

NAĦILFU LI NEĦILSU LIL MALTA MILL-JASAR, IL-KOLONJALIŻMU U L-ĦAKMA DITTATORJALI ILLEGALI TA' L-UNJONI EWROPEA

Kienu jiżgurawna li jekk nissieħbu fl-Unjoni Ewropea nkunu ferm aħjar iżda l-fatti juru l-kuntrarju.

Morna ħafna agħar, kif naraw mill-piżijiet li qegħdin inġorru kaġun tas-sħubija.

L-ewwel piż huwa l-miżata li qegħdin inħallsu kull sena għax aħna membri tal-Unjoni.

Din is-sena l-poplu se jkollu jħallas lill-Unjoni €182,192 kuljum biex matul is-sena l-poplu Malti jkun ħallas is-somma ta’ €66,500,00, skont l-istess estimi tal-Gvern.

F’seba’ snin ta’ sħubija, il-poplu Malti se jkun ħallas lill-Unjoni l-ammont totali ta’ €376 miljun.

Piż kbir ieħor ordnat mill-Unjoni, huwa dak tal-taxxa tal-VAT.

Il-VAT,

* barra li tgħolli ħajja

* għax iżżid il-prezzijiet tal-oġġetti

* u s-servizzi bi 18%,

* hi soċjalment inġusta

* għax min għandu dħul baxx,

* ikollu jħallasha daqs dak li jista’ jħallas.

Kemm hu kbir il-piż ta’ €478,000,000 oħrajn

* li l-Gvern jistma li se jiġbor mill-eko-kontribuzzjoni,

* taxxa oħra ordnata mill-Unjoni.

Każ ieħor ta’ piż fuq il-poplu għal wiċċ l-Unjoni huwa dak tal-‘levies’ jew dazji fuq oġġetti importanti f’pajjiżna minn pajjiżi li mhumiex fl-Unjoni.

Dwar dawn il-prodotti,

* l-Unjoni imponiet il-Common External Tariff

* jew ‘levies’ partikolari

* fuq prodotti ġejjin minn ċerti pajjiżi,

* bħal żraben miċ-Ċina u l-Vjetnam.

Dawn id-dazji u ‘levies’ huma kefrin ħafna,

* kemm minħabba l-fatt li filwaqt

* li l-ammont li jidħol minnhom imur kollu għand l-Unjoni,

* l-ispiża tal-ħlas tal-uffiċjali tad-Dwana

* biex jinġabru d-dazji u l-‘levies’

* jitħallsu mill-Gvern Malti

* u f’ħafna każijiet ta’ prodotti li ma jinħadmux f’pajjiżna,

* il-poplu tagħna qed iħallas dawn id-dazji u l-‘levies’

* biex jipproteġi mhux l-industrija lokali

* iżda l-industriji tal-pajjiżi tal-Unjoni Ewropea,

* fejn jipproduċu prodotti bħal dawk importati minn pajjiżi barra l-Unjoni.

Bħall-kaġun tad-dritt tal-moviment ħieles

* taċ-ċittadini tal-Unjoni,

* il-poplu tagħna twikka

* bil-piż ta’ eluf ta’ ħaddiema

* mill-pajjiżi tal-Unjoni

* li qegħdin jaħdmu bi dritt f’pajjiżna

* u qegħdin jieħdu x-xogħol tal-Maltin u l-Għawdxin.

In-numru tagħhom hu ferm akbar

* min-numru ta’ Maltin u Għawdxin

* li marru jaħdmu fil-pajjiżi l-oħrajn tal-Unjoni

* wara li sseħibna,

* għalkemm il-propogandisti tal-Unjoni

* kienu jiżgurawna li bis-sħubija,

* ma jiġux barranin jieħdu l-ħobż tal-Maltin

* iżda aħna mmorru nieħdu fil-pajjiżi l-oħrajn tal-Unjoni.

Il-poplu tagħna spiċċa tgħabba b’piż ieħor

* kaġun tas-sħubija fl-Unjoni

* li jikkonsisti fil-fatt

* li n-numru taċ-ċittadini tal-pajjiżi l-oħrajn tal-Unjoni

* li qegħdin joqogħdu hawn,

* huwa akbar min-numru ta’ Maltin

* li marru joqogħdu fil-pajjiżi l-oħrajn tal-Unjoni

* u billi għandna aktar servizzi soċjali b’xejn

* milli hemm fil-pajjiżi l-oħrajn tal-Unjoni.

Għalhekk in-nefqa tagħna

* ta’ dawn is-servizzi soċjali

* u tas-saħħa

* fuq iċ-ċittadini tal-pajjiżi l-oħrajn tal-Unjoni,

* hija akbar min-nefqa

* li l-pajjiżi l-oħrajn qegħdin jagħmlu fuq il-Maltin

* li jmorru f’dawk il-pajjiżi l-oħrajn tal-Unjoni.

Piż ieħor tassew kbir li l-Unjoni Ewropea waddbet fuqna huwa dak tal-eluf ta’ immigranti illegali li l-Unjoni ġegħlitna niftħulhom beraħ il-bibien ta’ pajjiżna.

L-Unjoni ġiegħlet lill-Gvern Malti

* biex iċedi l-ostakli li konna għamilna sa mill-1971

* għall-għoti tal-ażil lir-refuġjati,

* inkella l-Unjoni ma taċċettax li ssieħeb lil pajjiżna,

* u l-Gvern bil-moħbi tal-poplu

* neħħa dawk l-ostakoli

* li kienu qegħdin iżommu l-immigranti illegali

* joħolqu fost il-poplu tagħna,

* huma wkoll piż finanzjarju kbir

* u ħela ta’ riżorsi umani

* u mhuma jagħmlu ebda ġid lil pajjiżna,

* anzi ħsara li sena wara l-oħra

* tikber u bil-periklu ta’ xi rewwixta minn ħin għal ieħor.

Fost il-piżijiet li l-politika tal-Unjoni ġabet fuq il-poplu tagħna, insibu dak ikkaġunat mit-telfien ta’ eluf ta’ impjiegi.

Huwa l-ewwel nett piż enormi għall-ħaddiema

* li tilfu x-xogħol għax fabbriki kellhom jagħlqu,

* jew bħala konsegwenza tal-privatizzazzjoni

* jew minħabba l-qtugħ ordnat mill-Unjoni

* tal-għajnuna mill-istat,

* bħalma seħħ fil-każ tat-Tarzna

* jew bl-iskuża ta’ riformi mitlubin mill-Unjoni,

* bħal fir-rigward tas-sidien tax-xarabanks.

Barra mill-ħaddiema milqutin,

* il-qgħad ikkaġunat mit-telfien tal-impjiegi

* jfisser piż akbar fuq il-poplu kollu

* għax mit-taxxi li l-poplu jħallas

* iridu jitħallsu l-benefiċċji soċjali,

* fosthom dawk tal-qgħad ta’ eluf ta’ ħaddiema

* u tal-pensjonijiet li jitħallsu lill-eluf oħrajn

* li jinġiegħlu jirtiraw mix-xogħol

* qabel jagħlqu l-età normali tal-pensjoni.

Żdiedu wkoll piżijiet ġodda fuq il-poplu

* minħabba l-politika tal-Unjoni

* li trid li l-poplu jħallas direttament

* l-ispiża kollha tas-servizzi essenzjali

* li l-istat jipprovdi,

* bħalma huma s-servizzi tal-ilma,

* tad-dawl

* u tad-drenaġġ.

L-Unjoni mhix kuntenta li l-istat iħallas mit-taxxi li jiġbor mingħand il-poplu parti mill-ispiża ta’ dawn is-servizzi.

Trid li l-poplu jħallas direttament l-ispiża kollha tagħhom permezz ta’ tariffi għoljin li jkopru l-ispiża kollha.

L-ideoloġija kapitalista lanqas tħalli lill-Unjoni tifhem li meta l-istat jissussidja dawn is-servizzi essenzjali, ikun fil-fatt il-poplu li qed jagħmel tajjeb għas-sussidji bit-taxxi li l-istat jiġbor minn fuq il-poplu.

L-istat ma jħallasx minn tiegħu iżda kulma jħallas ikun li ġab mingħand il-poplu.

Waqt li l-ammont ta’ sussidju li l-istat jiffranka li jħallas, jitħallas direttament mill-poplu, l-istat qatt ma jnaqqas minn fuq il-poplu l-piż tat-taxxi bl-ammont ta’ sussidju li l-istat jiffranka li jħallas.

Biżżejjed jingħad li filwaqt li s-sena l-oħra l-Gvern estima li se jiġbor €804,700,000 mit-Taxxa tad-dħul, f’din is-sena qiegħed jistma li se jiġbor €856,700,000, jiġifieri €52 milun aktar, u mit-taxxi fuq il-bejgħ tal-prodotti taż-żejt il-Gvern qed jistma li se jdaħħal €96, 000,000.

Dawn il-piżijiet kollha jagħtuna ħjiel kemm il-poplu tagħna mar ħażin bis-sħubija fl-Unjoni Ewropea, fl-istess ħin li d-dejn nazzjonali sploda għal aktar minn €4 biljun.

Hija ta’ stmerrija l-istqarrija tal-Ministru tal-Affarijiet Barranin

* li l-Gvern Malti jkun lest li jilqa’ talba

* mill-Istat Uniti tal-Amerika

* biex Maltin jintbagħtu fl-Afghanistan

* biex jgħinu fl-amministrazzjoni tal-pajjiż.

L-ewwel nett

* ghax inkunu qeghdin nesponuhom

* għall-periklu li jinqatlu,

* bħalma fl-aħħar tmient ijiem

* għadhom kif tilfu ħajjithom

* tmien pajżani Amerikani

* f’attakk suwiċida.

Fit-tieni lok, l-Amerikani mhux biss qegħdin fl-Afghanistan mingħajr ma jriduhom ħafna mill-Afghani, iżda qisu dak il-pajjiż huwa tagħhom u huma għandhom dritt jgħidu lil min iridu hemm jgħinhom jikontrollaw lill-poplu tal-pajjiż.

Jekk jeħtieġ għajnuna, għandu jkun il-Gvern Afghani li jitlobha, mhux l-Amerikani.

Hemm raġuni importanti oħra għall-oġġezzjoni tal-istqarrija tal-Ministru Malti.

Fl-Afghanistan,

* l-Istati Uniti

* u l-allejanza militari tan-NATO

* qegħdin jiġġieldu gwerra.

Jekk Malta tilqa’ t-talba

* li tgħin fit-tmexxija tal-Afghanistan,

* Malta tkun qed tissieħeb

* mal-Istati Uniti

* u n-NATO fil-gwerra.

Dan il-pass jikser in-newtralita’ ta’ Malta,

* u l-Gvern Malti ma għandux raġun

* li jġib l-iskuża li s-sehem tal-Malti

* se jkun fil-qasam ċivili u mhux militari.

F’għajnejn id-dinja

* li hi kontra l-indħil Amerikan fl-Afghanistan,

* Malta tkun qiegħda wkoll tieħu sehem fil-gwerra

* li dawn qegħdin jagħmlu.

Diġa` biżżejjed li Malta qiegħda toħroġ sehemha għall-għajnuna finanzjarja li l-Unjoni Ewropea qiegħda tagħti lil dak il-pajjiż, mingħajr ebda diskussjoni u approvazzjoni tal-Parlament Malti.

Huwa għajb li l-poplu jsir jaf b’dan issa

* minn kelma li żelqet lill-Ministru tal-Affarijiet Barranin

* meta tqanżaħ biex jiġġustifika d-deċiżjoni tal-Gvern Malti

* li jilqa’ talba ta’ għajnuna fl-Afghanistan mill-Gvern Amerikan.

Jiena inkwetat ħafna minħabba l-eluf ta’ klandestini li hawn f’pajjiżna,

* u naf li bħali,

* ħafna huma mħassbin dwar it-theddida

* li l-klandestini huma għall-ordni pubbliku

* u għas-saħħa pubblika,

* u dwar il-fatt li huma piż finanzjarju żejjed fuq il-pajjiż

* u kaġun ta’ tensjoni soċjali għall-poplu tagħna.

F’Settembru 2006,

* jiena kont attendejt għal laqgħa pubblika

* li l-Prim Ministru għamel fil-Berġa ta’ Kastilja,

* u għamiltlu mistoqsijiet ħfief

* dwar il-klandestini f’pajjiżna,

* u tlabtu jagħtini tweġibiet ċari u qosra.

Izda l-Prim Ministru għamel omelija twila li ħadet madwar 20 minuta.

Beda mill-miġja ta’ San Pawl fi gżiritna

* madwar 2000 sena ilu,

* u tkellem fit-tul

* fuq l-għarqa tal-bastiment

* li kien qiegħed jieħu lill-priġunier ta’ Tarsus Ruma,

* u dwar il-mod tajjeb li bih missierijietna

* kienu laqgħu l-Appostlu tal-Ġnus.

Minkejja d-diskors żejjed u l-kliem vojt li qal, il-Prim Ministru baqa’ ma weġibhomx il-mistoqsijiet tiegħi.

Dawn kienu it-tliet mistoqsijiet żgħar li kont għamiltlu:                                    

(1) Kemm hawn klandestini f’pajjiżna?                                                               

(2) X’inhi l-ispiża li trid titħallas kull sena biex il-klandestini jinżammu hawn?

(3) Kemm se jdumu f’pajjiżna qabel ma jkunu rimpatrijati?                              

Kienu mistoqsijiet li wieħed għandu jwieġeb fi ftit minuti.

Iżda l-Prim Ministru qagħad idur mal-lewża, qal storja sħiħa, u baqa’ ma weġibhomx.

Jiena tal-fehema li l-mistoqsijiet għadhom jiswew illum.

Anzi jiswew aktar,

* għax il-problema tal-klandestini

* baqgħet dejjem tikber kull sena

* u n-numru tagħhom baqa’ dejjem jizdied.

Għalhekk qiegħed nerġa’ nagħmilhom

* u nitlob lill-Prim Ministru jweġibhom

* għax il-poplu Malti jixraqlu

* li jkollu tagħrif sħiħ

* dwar il-problema tal-klandestini

* li qiegħda tkiddu bħalma qiegħda tkidd lili.

Aktar u aktar il-poplu qiegħed iżid l-inkwiet u tħassib meta jisma l-aħbarijiet tal-inkwiet u r-rewwixti li l-klandestini qegħdin ta’ spiss jaqilgħu f’pajjiżi oħrajn fl-Ewropa.

Għax ma nafux jekk għandniex kriminali fost l-eluf ta’ klandestini li hawn f’pajjiżna.

Nafu żgur li mhumiex kuntenti

* bil-kundizzjonijiet li għandhom

* fiċ-ċentri ta’ detenzjoni fejn qegħdin,

* kif ukoll huma mdejqin

* għax ma tantx għandhom

* opportunitajiet ta’ xogħol f’pajjiżna,

* u jridu li jitħallew imorru

* fil-pajjiżi l-oħrajn tal-Ewropa,

* iżda aħna ma nħalluhomx.

Għalhekk aħna qegħdin nistiednu xi inkwiet ikraħ

* jew rewwixta kbira min-naħa tagħhom,

* li fin-numru jagħmlu aktar

* milli għandna suldati u pulizija kollha flimkien.

Jiena u hawn ħafna bħali inkwetati b’din il-qagħda mwiegħra, nistennew li l-Prim Ministru din id-darba jwieġeb il-mistoqsijiet li qegħdin isirulu.

Il-Ħamis, 21 ta’ Jannar, 2010.

e-mail: cnimalta at yahoo.co.uk 

Inroddulek ħajr li żort il-paġna tagħna

Appoġġ fil-ġlieda għall-Indipendenza u l-Ħelsien

Trid tgħin biex niksbu mill-ġdid l-Indipendenza u l-Ħelsien? 

Jekk iva, għin lis-CNI fil-ħidma tagħha biex il-maġġoranza tal-poplu tkun trid li neħilsu mill-ħakma ta' l-Unjoni Ewropea.

Issieħeb fis-CNI billi tibgħat €5 flimkien ma' din il-formola lis-

Segretarju Finanzjarju  CNI,

60A, Triq id-Dejqa,

Valletta

Isem .......................................................

Indirizz ...................................................

ID Numru ...............................................

Inroddulek ħajr ta’ l-għajnuna tiegħek

Malta ħielsa u newtrali fl-aħħar tirbaħ