MERHBA FIL

NAĦILFU LI NEĦILSU LIL MALTA MILL-JASAR, IL-KOLONJALIŻMU U L-ĦAKMA DITTATORJALI ILLEGALI TA' L-UNJONI EWROPEA

GĦID LILL-KANDIDAT PARLAMENTARI TIEGĦEK LI TRID LI MALTA TIKSEB LURA L-INDIPENDENZA U L-ĦELSIEN!

L-Unjoni Ewropea ordnat li fis-sena 2011 il-Maltin u l-Għawdxin iħallsuha €68,000,000

€186,000 kuljum misruqa minn ħalq uliedek

Taghrif allarmanti dwar it-Tarzna li s-CNI irnexxielha tikseb, għandu jħasseb lill-pubbliku u jsaħħaħ is-sejħa tal-ħaddiema għal investigazzjoni serja u imparzjali dwar kif din l-azjenda nazzjonali qiegħda titmexxa.

L-ewwel tagħrif inkwetanti huwa li t-Tarzna ingaġġat barrani, John Martin, bħala Training Manager, b'salarju ta' £300 kuljum.

Ħadd ma jaf dan x'inhu jagħmel, ħlief li jitħallas salarju favoluż, u lil min qiegħed iħarreġ jew jgħallem.

Min għaġġel ħariġlu l-permess biex it-Tarzna setgħet tingaġġah?

M'għandux il-pubbliku Malti, li jħallas it-taxxi, ikun jaf xi kwalifiki speċjali dan il-maniġer barrani għandu, li ma jinstabux f'maniġers Maltin magħrufin għall-ħila u l-esperjenza tagħhom?

Tagħrif ieħor preokkupanti huwa dwar il-kuntratt li t-Tarzna tagħti għall-‘iscaffolding’.

Qabel, l-armar meħtieġ biex ikun jista' jsir ix-xogħol, kienu jagħmluh ħaddiema tat-Tarzna stess.

Minn xi żmien ’l hawn, it-Tarzna bdiet tagħti x-xogħol ta' l-‘iscaffolding’ b'kuntratt u għalih jitqabbdu ħaddiema ‘casual’ barranin.

Għaliex qegħdin jinħarġu permessi għal 'casuals' barranin, meta jistgħu jagħmlu dan ix-xogħol ħaddiema 'casuals' Maltin, bi spejjeż inqas għat-Tarzna?

Huwa magħruf li kemm il-GWU, kif ukoll il-maniġers Maltin huma tal-fehma li t-Tarzna jaqblilha tqabbad 'casuals' Maltin li jkunu flessibbli u jistgħu jagħmlu xogħol ieħor barra dak ta' l-‘iscaffolding’.

Hawn il-mistoqsija f'waqtha hija, għaliex il-Ministru tat-Tarzna, Dr Austin Gatt, qiegħed jippermetti jew jawtorizza li ssir din id-diskriminazzjoni kontra ħaddiema Maltin, b’żieda fl-ispiża għat-Tarzna?

Għaliex il-Gvern qiegħed jgħaġġel joħroġ il-permessi lill-barranin, minflok jawtorizza li jitħaddmu Maltin?

Minbarra dan, il-GWU ilha tisħaq li jekk dan ix-xogħol jingħata b'kuntratt, it-Tarzna jaqblilha li l-ħlas miftiehem fil-kuntratt ikun fuq bażi ta' ‘lump sum’ u mhux fuq bażi ta’ 'time rate'.

Il-GWU qiegħda ssostni wkoll li t-Tarzna toħroġ sejħa internazzjonali għal offerti għax-xogħol u mhux l-‘executives’ tat-Tarzna jagħtu huma l-kuntratt lil min jogħġobhom.

Il-kuntratt ta’ l-‘iscaffolding’ għalaq f'Ottubru tas-sena l-oħra u għalhekk għadda żmien biżżejjed ħalli s-sistema titjieb.

Dawn m'humiex fatturi iżolati li qegħdin itaqqlu t-tmexxija tat-Tarzna.

Is-CNI fil-ġimgħat li għaddew xandret il-fatt li l-Executive Management tat-Tarzna ħallas bil-quddiem lil kuntrattur li spiċċa ħarab minn Malta.

Jidher li fin-nofs hemm is-somma ta' £2,000,000 li t-Tarzna rmiet b'mod irresponsabbli, u li aħna li nħallsu t-taxxi se jkollna nbatu.

Ħaġa ta' l-għaġeb kif quddiem dawn l-allegazzjonijiet gravi, il-Ministru Gatt baqa’ sal-lum sieket u frisk bħal ħassa.

Meta tkellimt fuq Smash TV il-Ħamis, 5 ta' Ġunju, kont tajt il-provi kif mhux biss aħna tas-CNI m'aħniex waħedna f'Malta għax hawn eluf ta' Maltin jaqblu magħna – iżda urejt kif hemm miljuni kbar jaħsbuha bħalna f'pajjiżi oħrajn ta’ l-Unjoni Ewropea.

U kkwotajt stħarriġ li sar fir-Renju Unit mill-kumpanija ICM Research fit-23 u l-24 ta' Jannar 2008.

F'dan l-istħarriġ irriżulta li 74% tal-poplu Ingliż ma jridx li r-Renju Unit jibqa’ marbut ma’ l-UE bit-trattati li jeżistu llum.

Waqt li 50% iridu li r-Renju Unit ikollu ftehim ma' l-UE b’inqas irbit minn dak tal-lum u jkun ibbażat fuq kummerċ u koperazzjoni u jkun allura forma ta' ’partnership agreement’, kif ried il-Partit Laburista qabel ir-referendum.

Il-Ħamis tal-ġimgħa l-oħra, it-12 ta' Ġunju, tkellimt dwar ir-referendum li kien qiegħed isir dak in-nhar stess fl-Irlanda.

Għedt kif l-UE flimkien mal-Gvern Irlandiż u kważi l-partiti l-oħra kollha ħlief wieħed – is-Sinn Fein – kienu jwerwru lill-Irlandiżi biex jivvotaw iva għax inkella l-Irlanda tista’ tispiċċa iżolata – kif kienu qalu li se jiġrilha Malta kieku l-poplu ma vvotax iva.

Minkejja dan it-twerwir kollu, il-maġġoranza tal-poplu Irlandiż – 53.4% – ivvota le, bħal ma kienu għamlu l-popli ta' Franza u ta' l-Olanda dwar il-Kostituzzjoni ta' l-UE, li issa libbsuha libsa oħra u semmewha “Trattat ta' Lisbona”.

Dan il-vot le ta' l-Irlandiżi reġa’ wera biċ-ċar li meta l-poplu jitħallew jesprimu l-opinjoni tagħhom – kif suppost titlob id-demokrazija – ħafna mill-popli ta' l-Ewropa jgħidu le għall-proġett tal-burokratiċi Ewropej biex joħolqu stat wieħed federali.

Il-popli ta’ l-Ewropa ma jridux dan. Iriduh biss il-politiċi u l-burokratiċi li jgħoxew iħossuhom li qegħdin jiggvernaw madwar 500 miljun ruħ flok il-ftit miljuni ta' pajjiżhom. Fil-każ tagħna, jiggvernaw biss 400,000 ruħ.

L-aktar argument viljakk li qed jintuża minn dawn il-burokratiċi rigward il-vot “le” tal-poplu Irlandiż hu, li qedgħin jgħidu:

“Mhux sewwa li tliet miljun Irlandiż iwaqqaf il-mixja ta' 450 miljun ruħ, la l-gvernijiet l-oħrajn kollha jkunu rratifikaw it-Trattat ta' Lisbona.”

Jekk id-deċiżjoni ta' tliet miljun ruħ mhux sewwa li twaqqaf il-mixja ta' 450 miljun ruħ, mela kemm hi aktar ta' mistħija li ftit eluf ta’ deputati Parlamentari (fil-każ tagħna 65 deputati biss) fil-Parlamenti kollha ta’ l-UE jaqbdu u jiddeċiedu l-futur ta’ 450 miljun ruħ bla ma jagħtuna ċans ngħidu naqblux jew le ma’ dak li jkunu se jiddeċiedu d-deputati Parlamentari?

Kif qal osservatur politiku fuq il-BBC, l-UE qiegħda aktar tidher li tibża’ mid-demokrazija.

Nispera li ħadd aktar ma jċempilli u jgħidli:

“Imma mhux intom biss qegħdin waħedkom titkellmu kontra l-Unjoni Ewropea?”

Aktar qed jirriżulta li huma l-politiċi u l-partiti li qegħdin jispiċċaw waħedhom jilagħqu lill-allat ta’ Brussels!

Protesti kbar kontra l-UE

Mijiet ta' sajjieda qegħdin jipprotestaw bl-aħrax kontra l-politika ta' l-Unjoni Ewropea li qiegħda tħarbathom.

Qegħdin jipprotestaw minħabba t-taxxi li l-Unjoni timponi fuq il-fjuwil, li jkomplu jgħollu ħafna l-prezz tiegħu u l-ispejjeż tas-sajjieda.

F'dawn il-ġranet mijiet ta' sajjieda Ewropej ġew Malta jipprotestaw li l-Unjoni għalqitilhom l-istaġun tas-sajd tat-tonn ħmistax qabel it-tmiem tiegħu.

L-Unjoni Ewropea qiegħda turi kemm il-politika tagħha hija żbaljata u ta’ dannu għall-industrija tas-sajd.

Minghajr ma ddiskuta mar-rappreżentanti tal-ħaddiema u mingħajr ma kkonsulta ma’ l-Oppożizzjoni, il-Gvern jidher li ftiehem ma’ l-Unjoni Ewropea dwar il-ġejjieni tat-Tarzna.

(3) li parti mit-Tarzna jagħti għal żvilupp kummerċjali.

Fl-aħħar sentejn, tlieta, it-Tarzna tmexxiet b'mod mill-aktar irresponsabbli u inkompetenti.

Jidher li se tiħrax il-kampanja biex it-tort jingħata lill-ħaddiema bl-iskuża ta' produttività baxxa u xogħol ta' kwalità ħażina.

Mentri t-tort huwa tat-tmexxija tat-Tarzna u tal-Gvern li appoġġjaha.

Il-Gvern ma laqax l-isfida tal-ħaddiema biex issir inkjesta pubblika u imparzjali, bis-sehem tat-‘taxpayers’ Maltin.

Le għall-prepotenza ta’ l-Unjoni Ewropea

L-Irlandizi ġabu fix-xejn l-arroganza tal-politiċi u l-prepotenza ta' l-Unjoni Ewropea li pprovaw iqarrqu billi biddlu l-isem tat-Trattat dwar il-Kostituzzjoni Ewropea bit-titlu ta' Trattat ta' Riforma ta’ Lisbona.

Il-vot “le” tal-poplu Irlandiż wera li l-fehma popolari fuq l-UE hija kontra dik tal-politiċi.

Kollox juri li l-oppożizzjoni popolari għat-tmexxija u l-politika ta' l-Unjoni hija mifruxa mal-maġġoranza tal-pajjiżi membri tagħha, mhux lanqas, f'Malta.

Huma ħafna r-raġunijiet għall-vot “le” għat-Trattat ta’ Lisbona tal-maġġoranza ta’ l-Irlandiżi, fosthom

* ż-żieda fid-deċiżjonijiet li l-Unjoni tieħu bil-maġġoranza u mhux aktar bil-kunsens ta’ kull pajjiż membru.

Dawn ir-raġunijiet huma mħaddnin minn ħafna mill-popli tal-pajjiżi ta’ l-Unjoni, fosthom minna l-Maltin li nemmnu fil-politika ta' newtralità u fid-diżarm, li ma rridux li l-Parlament Malti jitneżża’ minn aktar setgħat li jingħataw lill-Unjoni, u li ma naqblux li pajjiżna jkun marbut b'deċiżjonijiet meħudin mill-maġġoranza tal-pajjiżi membri ta' l-Unjoni meta ma jkunux ta’ ġid għall-poplu tagħna.

Il-poplu Irlandiż ma setax jonqos li jistmerr il-politika ta’ l-Unjoni li ma tnaqqas it-taxxi fuq il-fjuwil u l-prodotti l-oħrajn taż-żejt, minkejja l-prezzijiet għoljin tagħhom fis-suq, li qegħdin ikollhom effett ħażin fuq ħafna industriji.

Ma setgħux lanqas l-Irlandiżi ma jiddiżapprovawx il-politika żbaljata ta' l-Unjoni li tħeġġeġ li aktar raba’ tinħadem għall-produzzjoni tal-biofjuwil minflok għat-tkabbir ta' l-ikel, u l-politika kiefra ta' l-Unjoni li tħallas sussidji lis-sidien li ma jaħdmux l-art tagħhom.

M'hemmx dubju li dawn iż-żewġ miżuri ta' l-Unjoni Ewropea għenu biex tikber il-kriżi li hawn tan-nuqqas ta' l-ikel u tal-prezz għoli taċ-ċereali.

Il-vot “le” ta' l-Irlandiżi jagħti daqqa ta' ħarta lill-politiċi kollha li biegħu ruħ-hom lill-Unjoni Ewropea.

Hu jikxef aktar l-ipokresija ta' l-Unjoni li tiftaħar li hi demokratika, meta tipprova tagħmel minn kollox biex ma tħallix lill-poplu juri bil-vot tiegħu kif jaħsibha dwar id-deċiżjonijiet ta' l-Unjoni, għax taf li jkun kontrihom.

Mhux biss l-UE ħadet skoss bil-vot le ta’ l-Irlandiżi.

Għandu jħossu jistħi l-Parlament Malti li għaġġel jivvota unani-mament favur it-Trattat ta’ Lisbona, mingħajr biss ma flieh u qies il-konsegwenzi ħżiena tiegħu għall-poplu Malti.

Jekk iva, għin lis-CNI fil-ħidma tagħha biex il-maġġoranza tal-poplu tkun trid li neħilsu mill-ħakma ta' l-Unjoni Ewropea.