MERHBA FIL

NAĦILFU LI NEĦILSU LIL MALTA MILL-JASAR, IL-KOLONJALIŻMU U L-ĦAKMA DITTATORJALI ILLEGALI TA' L-UNJONI EWROPEA

GĦID LID-DEPUTAT PARLAMENTARI TIEGĦEK LI TRID LI MALTA TIKSEB LURA

L-INDIPENDENZA U L-ĦELSIEN!

L-Unjoni Ewropea ordnat li fis-sena 2011 il-Maltin u l-Għawdxin iħallsuha €68,000,000

€186,000 kuljum misruqa minn ħalq uliedek

L-emendi maqbula għall-Kostituzzjoni Ewropea:
Il-Parlament u l-poplu Malti ma kinux informati
– Dr Karmenu Mifsud Bonnici

Iċ-Chairman tal-Kampanja Ħelsien Nazzjonali (CNI), Dr. Karmenu Mifsud Bonnici, enfasizza li l-Parlament Malti u anki l-poplu Malti ma kinux informati mill-Gvern, dwar x’kienu l-emendi li kienu se jiġu diskussi fis-summit ta’ Brussels li sar ftit tal-jiem ilu u lanqas kienu nformati x’pożizzjoni ħa il-Gvern Malti fuq diversi kwistjonijiet importanti.

Dr. Karmenu Mifsud Bonnici, waqt konferenza li għamel fil-bini tas-CNI fil-Mosta, wera lill-ġurnalisti ċerti emendi li ġew diskussi u kif dawn jaffettwaw lil Malta.

Hu enfasizza li la l-Parlament u lanqas il-poplu ma kienu nformati dwar x’ġie miftiehem.

Dr. Mifsud Bonnici żvela wkoll li l-Ministeru ta’ l-Affarijiet Barranin għandu studju kritiku ta’ din il-Kostituzzjoni Ewropea, liema studju, juri nuqqasijiet u difetti.

Dr. Mifsud Bonnici qal li kieku l-gvern Malti għamel użu minn dan l-istudji, Malta kienet tagħmel figura ferm aħjar.

Dr. Mifsud Bonnici, meta mistoqsi minn l-orizzont dwar min għamel l-istudju qal li

“m’iniex awtorizzat ngħid min għamel l-istudju, iżda dan sar minn avukat privat, li kien imqabbad mill-Gvern biex jagħmel dan l-istudju.”

Dr. Mifsud Bonnici qal li

Dan hu fatt importanti u hu xiehda tad-diffikultajiet li l-Unjoni Ewropea dieħla fihom aktar ma tikber u ssieħeb pajjiżi magħha.

L-ewwel osservazzjoni li nagħmel hi li dak li ġara fis-summit juri ħjiel ta’ problemi li l-pajjiżi membri se jiffaċċjaw.

Juri wkoll li l-Unjoni Ewropea qiegħda ssir diffiċli biex tiġi mmexxija u mmaniġġjata.”

“t-tieni osservazzjoni li nagħmel hi dwar ir-reazzjoni tal-Prim Ministru għall-falliment tas-summit.

Hu qal li jittama li Malta jkollha s-sitt siġġu, li jkollna Kummissarju bid-dritt tal-vot, kif ukoll li tinżamm l-unanimità fil-votazzjoni fejn tidħol it-tassazzjoni, id-difiża u l-politika soċjali.

F’summit fejn kien hemm kwistjoni kbar x’jiġu diskussi, konna nippretendu li l-Prim Ministru jgħid x’inhi l-linja li se jieħu l-Gvern Malti fuq il-kwistjonijiet li kienu se jiġu diskussi, fosthom il-kwistjoni tas-saħħa li se jkollhom il-pajjiżi ż-żgħar fil-Kunsill tal-Ministri.

Il-proposta li ġiet diskussa kienet tgħid li d-deċiżjonijiet iridu jittieħdu bil-maġġoranza tal-pajjiżi u 60 fil-mija tal-popolazzjoni totali.

Din il-proposta se tagħti aktar saħħa lill-pajjiżi l-kbar, biex huma jikkontrollaw kollox għas-skapitu tal-pajjiżi zgħar.”

Dr. Mifsud Bonnici żied jgħid li

“f’din il-kwistjoni konna nistennew li jekk Malta ma tkunx qabel Spanja u l-Polonja, għall-inqas tkun wara Spanja u l-Polonja u tappoġġjahom fuq il-kwistjoni tal-voti.

Ma hemm ebda ħjiel li Malta ħadet il-linja ta’ Spanja u l-Polonja, li opponew il-proposta ta’ deċiżjonijiet bil-maġġoranza u li jirrappreżentaw 60 fil-mija tal-popolazzjoni ta’ l-Unjoni Ewropea.

It-tielet osservazzjoni li nagħmel hi ta’ x’ġie diskuss u maqbul f’dan is-summit.

Nistaqsi kif il-Gvern Malti qabel ma’ l-emendi meta l-Parlament Malti ma kienx informat bil-kontenut ta’ l-emendi u l-pożizzjoni tal-Gvern Malti”.

Dr. Mifsud Bonnici, wera lill-gurnalisti preżenti ghadd ta’ emendi u qal li waħda mill-emendi tikkonċerna stati żgħar u din tgħid li pajjiż jista’ jkollu relazzjoni speċjali flok sħubija.

Semma wkoll li s-settur tat-turiżmu daħal fil-kompetenza ta’ l-UE u qal li din żgur li se jkollha effett fuq it-turiżmu Malti, għax Malta jkollha tapplika liġijiet li jiġu adottati.

“din tgħid li kull pajjiż ikun obbligat li jagħti għajnuna lil pajjiż ieħor membru li jkun aggredit.

Qal li din hi alleanza militari ta’ difiża, u għalhekk Malta daħlet fl-obbligu li tiddefendi pajjiż ieħor ta’ l-Unjoni Ewropea.

Dan sar skond il-Kostituzzjoni, suppost li ma nidħlu fl-ebda alleanza.”

Ic-Chairman tal-Kampanja Ħelsien Nazzjonali qal li

“l-poplu Malti mhux qiegħed ikun rispettat, fejn lanqas il-media ma kienu nformati bl-emendi li kienu se jiġu diskussi.

Issa se jkun hemm aktar żmien biex l-emendi li ma kienx hemm qbil fuqhom ikunu studjati u nittamaw li f’pajjiżna il-Parlament jieħu l-opportunità biex jistudja dawn l-emendi.”

IRRIDU L'INDIPENDENZA MILL-UNJONI EWROPEA

Jekk iva, għin lis-CNI fil-ħidma tagħha biex il-maġġoranza tal-poplu tkun trid li neħilsu mill-ħakma ta' l-Unjoni Ewropea.