MERĦBA FIL-PAĠNA TAS-CNI

KAMPANJA ĦELSIEN NAZZJONALI

Kienet, għadha u tibqa' favur il-ħaddiema Maltin

u kontra s-sħubija ta' Malta fl-Unjoni Ewropea

NAĦILFU LI NEĦILSU LIL MALTA MILL-JASAR, IL-KOLONJALIŻMU U L-ĦAKMA DITTATORJALI ILLEGALI TA' L-UNJONI EWROPEA

GĦID LID-DEPUTAT PARLAMENTARI TIEGĦEK LI TRID LI MALTA TIKSEB LURA L-INDIPENDENZA U L-ĦELSIEN!

IL-ĦAKMA li l-Unjoni Ewropea għandha fuq il-Gvern ta’ Malta hija ħafna akbar milli l-poplu Malti jaf.

Għandna tagħrif li l-Gvern għarraf lill-UE bi proposta li jrid idaħħal fil-Baġit li jmiss,

* li jagħti lura 50% tal-ispiża fuq pannelli solari li jiġġeneraw l-elettriku,

* kif ukoll fuq apparat li jsaħħan l-ilma bix-xemx, jiġifieri

* ‘photovoltaic panels’,

* ‘solar water heaters’ u

* apparat bħalhom.

Il-Gvern ippropona lill-Unjoni Ewropea li fil-Baġit idaħħal il-miżura li min jinstalla l-pannelli,

* ikun jista’ ibigħ l-elettriku li ma jużax lill-Enemalta,

* bl-istess prezz li l-Enemalta tbigħ l-elettriku tagħha lill-konsumaturi.

B’hekk min kien jinstalla l-pannelli, kien ikompli jnaqqas mill-ispiża kbira li dawn jiswew, għax kien jitħallas ta’ l-elettriku żejjed li jiġġenera u jbigħ lill-Enemalta.

Imma l-Kummissjoni tal-Unjoni Ewropea ma approvatx il-miżuri li l-Gvern Malti ried idaħħal fil-Baġit.

Il-Kummissjoni ma jimportahiex mit-tbatija li l-poplu Malti se jġarrab biż-żieda fir-rati tad-dawl u l-ilma.

Lanqas ma jimportaha li bil-miżuri proposti mill-Gvern Malti, jitħares l-ambjent għax tonqos il-produzzjoni tal-elettriku miż-żejt.

Għalkemm il-miżuri proposti mill-Gvern ma kinux biżżejjed meta titqies l-ispiża ta’ eluf ta’ ewro għall-pannelli, kienu se jtaffu xi ftit għall-ispiża.

F’pajjiżi oħrajn,

* il-konsumaturi li jbigħu l-elettriku żejjed li jkollhom mill-pannelli tagħhom,

* jingħataw ħafna aktar minn dak li l-Gvern Malti ried jagħti.

Id-deċiżjoni tal-Kummissjoni tal-Unjoni Ewropea li ma tapprovax il-miżuri li l-Gvern Malti ppropona għall-Baġit,

* tfisser li l-poplu mhux se jirkupra parti mill-ispiża tal-apparat li jsaħħan l-ilma bix-xemx,

* filwaqt li se jkollu jħallas il-prezzijiet għoljin tas-servizzi essenzjali tad-dawl u l-ilma.

Dan il-fatt huwa eżempju tal-kolonjaliżmu ġdid li pajjiżna jinsab fih.

Hija wkoll umiljazzjoni li għandna Gvern imtella’ mill-poplu li suppost huwa sovran, li qiegħed jissottometti ruħu għall-Kummissjoni tal-Unjoni Ewropea, li mhix eletta mill-poplu Malti.

IT-TĦARBIT ta’ mijiet ta’ ħaddiema tas-sengħa li kienu jaħdmu fit-Tarzna huwa telf kbir ħafna għal pajjiżna.

Ħtija ta’ dan huwa l-Gvern ta’ Gonzi u l-Unjoni Ewropea.

Wara t-tkissir tal-iskejjel tas-snajja’, issa tkissret l-università tas-snajja’ li pajjiżna kellu.

It-Tarzna kienet l-akbar u l-eqdem fabbrika f’pajjiżna li tħarreġ l-akbar numru ta’ nies tas-sengħa, fl-akbar firxa tas-snajja’.

Minflok ikkoltivaha u żviluppaha bħala ċentru nazzjonali ta’ taħriġ tas-snajja’,

* il-Gvern li ma għandux kuxjenza nazzjonali u

* l-Kummissjoni Ewropea li temmen fil-kompetizzjoni kummerċjali u mhux fil-ġid soċjali,

* għamlu minn kollox biex iħarbtuha.

Il-Kummissjoni Ewropea seba’ snin ilu fasslitilna pjan għat-Tarzna, li sejħitlu pjan ta’ ristrutturar, iżda li kien pjan ta’ ‘demolition’ mhux ta’ ‘reconstruction’ tat-Tarzna.

Sadanittant il-Gvern Malti żgura li t-Tarzna titmexxa ħażin u tagħmel it-telf ħalli l-opinjoni pubblika tkun kontra l-ħaddiema tagħha.

Saħansitra ħallas il-miljuni kbar biex iġiegħel lill-ħaddiema jdabbru rashom u jitilqu mill-impjieg, billi heddidhom li jispiċċaw jitilfu l-impjieg jekk ma jirtirawx numru kbir minnhom volontarjament.

B’hekk ġie kkonsmat delitt nazzjonali li la se jinħafer u lanqas jintnesa.

Sa ftit snin ilu pajjiżna kien iħallas flejjes kbar biex iħarreġ liż-żgħażagħ tagħna fis-snajja’.

Illum pajjiżna qed jagħmel is-sagrifiċċji li jħallas il-miljuni ħalli nies tas-sengħa, jarmuha u jagħmlu xogħol li ma jitlob ebda sengħa.

Il-Kummissjoni tal-Unjoni Ewropea qiegħda tbierek dan l-aġir ta’ stmerrija biex ma ssirx għajnuna tal-istat Malti, kompetizzjoni lit-Tarznari tal-pajjiżi l-oħrajn tal-Unjoni.

Il-Kummissjoni Ewropea ma jimportahiex mill-ħsara li t-tħarbit tal-grupp tal-ħaddiema tas-sengħa tat-Tarzna se tagħmel lil pajjiżna.

Jimportaha biss li ma tingħatax għajnuna li biha t-Tarzna tagħna tieħu xogħol li jista’ jsir mit-Tarznari l-oħrajn tal-Unjoni Ewropea.

Li ġara mit-Tarzna tagħna għandu jservi ta’ tagħlima għall-poplu Malti.

Sakemm pajjiżna jibqa’ msieħeb fl-Unjoni Ewropea,

* l-interessi tal-UE jiġu qabel l-interessi nazzjonali tagħna,

* la darba l-politiċi tagħna jridu jservu lill-UE l-ewwel u mhux lil pajjiżna.

Biex Malta terġa’ tiġi l-ewwel u qabel kollox,

* irridu nerġgħu nkunu indipendenti u ħielsa u

* l-politiċi tagħna jridu ma jobdux l-ordnijiet u jwettqu l-politika tal-UE.

Iridu jkunu pattrijottiċi u mhux servili.

IL-KRIŻI fil-qasam tal-finanzi infirxet mill-Istati Uniti tal-Amerika għal ħafna mill-pajjiżi tal-Unjoni Ewropea.

Banek u istituzzjonijiet finanzjarji kbar u magħrufin sabu ruħhom f’diffikultà u xi uħud minnhom anke fallew.

Il-gvernijiet ħassew il-ħtieġa li jindaħlu ħalli ma jħallux aktar banek u isti-tuzzjonjiet finanzjarji jiġġarrfu u ħalli jserrħu moħħ in-nies li għandhom flushom depożitati, jew għandhom jirċievu l-pensjoni mill-istituzzjonijiet finanzjarji.

Din il-kriżi kixfet kemm hi mħassra s-sistema kapitalista li l-UE timponi fuq il-pajjiżi kollha mseħbin fl-UE.

L-unjoni ma tridx li l-istat jirregola l-qasam finanzjarju, għax issostni li dan jaf jirregola lilu nnifsu permezz tal-kompetizzjoni ħielsa.

Iżda l-kompetizzjoni ħielsa mhix imsejsa fuq il-prinċipji tal-koperazzjoni soċjali, iżda fuq it-taqbida kontinwa għal aktar profitt li jista’ jsir b’kull mezz ġust jew inġust, sakemm min hu l-aktar b‘saħħtu, joqtol lid-dgħajjef, jew kulħadd jitherra.

Biex is-sistema ma tiġġarrafx, il-gvernijiet ikollhom joħorġu flus il-poplu miġburin mit-taxxi, biex jagħmlu tajjeb għat-telf tal-banek u l-istituzzjonijiet finanzjarji.

Dan il-fatt qanqal sensiela ta’ protesti f’ħafna pajjiżi, għax ifisser li l-poplu, bit-taxxi tiegħu, fl-aħħar se jkollu jħallas għan-nuqqasijiet u l-iżbalji li l-mex-xejja tal-banek u tal-istituzz-jonjiet finanzjarji kkommettew.

Il-kriżi qiegħda tagħmel ħsara kbira lill-qasam tal-ekonomija.

It-tnaqqis fil-konsum qed iwassal għal tnaqqis fil-produzzjoni, li jġib tnaqqis fl-impiegi.

Dan ikompli jnaqqas il-konsum, l-infiq fit-turiżmu, l-esportazzjoni u t-tfaddil, u n-nuqqas fit-tfaddil inaqqas is-self li l-banek jagħmlu għall-investimenti ġodda.

F’dan iċ-ċirku ta’ gwaj jinsabu ħafna mill-pajjiżi tal-UE, fosthom il-Ġermanja, l-Ingilterra, Franza u l-Italja, tant li fl-aħħar il-Bank Ċentrali tal-UE kien kostrett inaqqas ir-rata tal-imgħax fuq is-self, biex jagħti injezzjoni ħalli titqajjem l-ekonomija tal-UE.

Il-popli ħadu tagħlima mill-kriżi finanzjarja.

Irid ikun l-istat li jagħmel tajjeb għan-nuqqasijiet tas-settur privat.

Minflok jipprivatizzaw il-banek, il-pajjiżi qegħdin jaraw li għandhom jinnazzjonalizzaw il-banek.

Il-popli qegħdin jaraw ukoll kemm huwa perikoluż li l-pensjonijiet jitħallew f’idejn l-istituzzjonijiet finanzjarji.

Irid ikun l-istat li jiggarantixxi li l-pensjonijiet jibqgħu jitħallsu.

Dawn iż-żewġ tagħlimiet imorru kontra t-twemmin u l-ideoloġija tal-UE, li timponi fuq il-pajjiżi membri li jipprivatizzaw il-banek u li jgħaddu l-pensjonijiet lill-istituzzjonijiet privati.

F’Malta wkoll blajna dawn l-iżbalji

* għax il-politiċi tagħna warrbu s-serjetà li mmexxejna biha fis-snin imgħoddijin meta bnejna l-banek tal-poplu u

* waqqafna l-pensjonijiet governattivi għal kulħadd, u

* minflok ixximottjajna lill-pajjiżi tal-UE li llum qegħdin juruna kemm huma dgħajfin finanzjarjament u

* kemm huma foloz soċjalment,

* tort tal-UE.

PAJJIŻNA mhux qed jagħmel xejn biex iwaqqaf l-invażjoni tal-immigranti illegali.

Lanqas l-Unjoni Ewropea mhi qiegħda tieħu passi biex trażżan l-immigrazzjoni illegali.

Għax l-aġenzija FRONTEX tal-UE mhix qiegħda żżomm milli immigranti illegali jitilqu mill-pajjiżi tal-Afrika għall-Ewropa.

U l-ftehim tal-Unjoni Ewropea dwar il-‘burden sharing’ mhux se jnaqqas li immigranti illegali jfittxu li jmorru fil-pajjiżi tal-Unjoni Ewropea.

Biex titwaqqaf l-immigrazzjoni illegali, jeħtieġu miżuri drastiċi oħrajn u mhux ir-rondi tal-FRONTEX u l-ftehim tal-‘burden sharing’.

Jekk verament nemmnu li pajjiżna ma jistax jaċċetta immigranti illegali, irridu niddeċiedu li ma nħalluhomx jibqgħu f’pajjiżna u lanqas inħalluhom jużaw lil pajjiżna biex imorru fil-pajjiżi l-oħrajn tal-UE.

Jekk għandek saqaf li qed jagħmel l-ilma, ma żżommux milli jagħmel dan jekk toqgħod tixxotta l-ilma li jinżel mis-saqaf jew toqgħod tbattal l-ilma, kull darba li jinżel.

Trid tkaħħal l-bejt biex ma jidħolx l-ilma minnu.

L-istess għandna nagħmlu jekk irridu nwaqqfu l-invażjoni tal-immigranti illegali.

Irridu ngħidu li għall-ebda raġuni u minħabba ebda skuża m’aħna se nżommu joqogħdu f’pajjiżna minn dawk li jiġu illegalment.

Min ikun f’pajjiżna illegalment, se jintbagħat lura f’pajjiżu.

U jekk ma jagħtix it-tagħrif meħtieġ biex dan ikun jista’ jsir, se jibqa’ maqful sakemm jagħti t-tagħrif kollu.

Ladarba jkun magħruf li Malta mhix se tħalli immigranti illegali, ħadd ma jissogra jiġi u jekk isib ruħu f’pajjiżna bla ma jrid, xorta jaf li se jkollu jmur lura.

Sakemm nibqgħu niflu r-raġunijiet ta’ dawk li jiġu f’pajjiżna illegalment, m"aħniex se niskoraġġixxu li jkomplu jiġu bit-tama li naċċettaw ir-raġunjijiet li jagħtuna.

Fl-istess waqt li naddottaw politika ta’ tolleranza żero fir-rigward ta’ kull min ikun f’pajjiżna illegalment, għandna wkoll inħaddmu politika li tgħin lill-pajjiżi fqar li minnhom ġejjin l-immigranti.

Għandna niddedikaw persentaġġ mid-Dħul Gross Nazzjonali tagħna għall-iżvilupp ta’ dawk il-pajjiżi u tal-popolazzjoni tagħhom.

Ma' din il-politika, għandna insegwu wkoll politika li tinkoraġġixxi lill-pajjiżi tal-Unjoni Ewropea li għandhom bżonn l-immigranti, li jħaddmu skemi regolari ta’ immigrazzjoni mill-pajjiżi li minnhom jitilqgħu l-immigranti illegali.

Meta nagħmlu dan kollu, fil-waqt li nkunu qegħdin inħarsu l-interessi tal-poplu tagħna, inkunu wkoll qegħdin neħduha kontra t-traffikar illegali tal-immigranti u nkunu qegħdin nagħtu kontribut għall-iżvilupp tal-pajjiżi fil-bżonn u għall-ħarsien tad-dinjità tal-eluf ta’ immigranti li jġarrbu tbatijiet kbar.

Il-Ħamis, 16 ta’ Ottubru, 2008

IRRIDU L'INDIPENDENZA MILL-UNJONI EWROPEA

e-mail: cnimalta at yahoo.co.uk 

Inroddulek ħajr li żort il-paġna tagħna

Appoġġ fil-ġlieda għall-Indipendenza u l-Ħelsien

Trid tgħin biex niksbu mill-ġdid l-Indipendenza u l-Ħelsien? 

Jekk iva, għin lis-CNI fil-ħidma tagħha biex il-maġġoranza tal-poplu tkun trid li neħilsu mill-ħakma ta' l-Unjoni Ewropea.

Issieħeb fis-CNI billi tibgħat €5 flimkien ma' din il-formola lis-

Segretarju Finanzjarju  CNI,

60A, Triq id-Dejqa,

Valletta

Isem .......................................................

Indirizz ...................................................

ID Numru ...............................................

Inroddulek ħajr ta’ l-għajnuna tiegħek

Malta ħielsa u newtrali fl-aħħar tirbaħ