MERĦBA FIL-PAĠNA TAS-CNI

KAMPANJA ĦELSIEN NAZZJONALI

Kienet, għadha u tibqa' favur il-ħaddiema Maltin

u kontra s-sħubija ta' Malta fl-Unjoni Ewropea

NAĦILFU LI NEĦILSU LIL MALTA MILL-JASAR, IL-KOLONJALIŻMU U L-ĦAKMA DITTATORJALI ILLEGALI TA' L-UNJONI EWROPEA

Mhux minnu li ma nistgħux noħorġu mill-Unjoni Ewropea.

Araw dan il-video tal-Parlament Ewropew kif nistgħu noħorġu

Il-prim Ministru ta’ Malta llum għandu jiltaqa’ mal-mexxejja tal-pajjiżi l-oħrjn tal-Unjoni Ewropea biex jaraw kif se jsaħħu r-rabtiet mal-alleanza militari tan-NATO.

Meta qiegħed jagħmel dan, il-Prim Ministru jaf li qiegħed jikser il-ġurament li ħa li jħares il-Kostituzzjoni ta’ Malta li torbot lil pajjiżna biex ma jieħux sehem f’ebda alleanza militari.

L-UE u l-alleanza militari tan-NATO ilhom jippjanaw kif jaħdmu flimkien fil-qasam tas-sigurtà militari mhux biss fl-Ewropa, iżda mad-dinja kollha.

Anke l-Istati Uniti tal-Amerika ilhom jinsistu li l-UE tikkopera man-NATO fil-qasam tas-sigurtà militari.

It-Trattat ta’ Lisbona jagħmel din il-koperazzjoni aktar possibbli għax jaħseb biex l-UE “timmilitarizza” ruħha aktar.

Malta, li skont il-Kostituzzjoni Maltija hija pajjiż newtrali li ma jistax jissieħeb f’ebda alleanza militari, meta approvat it-Trattat ta’ Lisbona, aċċettat il-“militarizzazzjoni” tal-UE, u għalhekk ukoll ta’ pajjiżna bħala parti mill-UE.

B’hekk pajjiżna qed jilgħab man-nar għax qed jitbiegħed mit-triq tal-paċi u qiegħed iqarreb lejn inizjattivi militari li l-Unjoni Ewropea jkollha sehem fihom, li fl-aħħar iwasslu għal gwerra.

L-UE qiegħda tiżviluppa politika komuni ta’ sigurtà u difiża u politika barranija li jsostnuha.

La darba din il-politika tal-UE tapplika wkoll għal Malta,

* pajjiżna jitqies mill-pajjiżi kollha tad-dinja

* li qed iħaddan il-politika barranija ta’ sigurtà u difiża mfassla mill-UE,

* u mhux aktar iħaddan politika ta’ newtralità

* u non-allineament li trid il-Kostituzzjoni ta’ Malta.

Il-Membri tal-Parlament Malti

* mhux qed jinteressaw ruħhom

* dwar il-politika barranija ta’ pajjiżna

* u ma jimpurtahomx li qiegħda tinbidel

* bi ħsara għall-interessi tal-poplu Malti,

* għax kieku ma kinux jibqgħu siktin

* u ma jiddiskutu qatt il-qasam

* tar-relazzjonijiet barranin ta’ Malta,

* minkejja li jafu li l-poplu Malti jista’ jgħix fis-sliem biss

* kemm-il darba ma jmissx ma’ gwerer.

Mingħajr ma jafu l-Membri Parlamentari,

* il-Gvern diġà qabel mal-ftehim milħuq

* mir-rappreżentnti tal-pajjiżi tal-UE,

* dwar ir-rabtiet li l-Unjoni Ewropea

* għandu jkollha mal-alleanza militari tan-NATO,

* u dan il-ftehim se jitressaq lill-mexxejja tal-pajjiżi tal-UE

* (inkluż il-Prim Ministru ta’ Malta)

*biex japprovawh fil-laqgħa għolja tas-16 ta’ Settembru.

Meta l-mexxejja japprovaw il-ftehim dwar ir-rabtiet bejn l-UE u n-NATO,

* mingħajr ma tkun taf,

* issib ruħha maqbuda fix-xibka ta’ intrigi militari

* miftehmin segretament bejn il-mexxejja tan-NATO,

* tal-UE

* u Amerika.

F’dan kollu, il-Parlament Malti hu injorat għal kollox u l-interessi veri tal-Maltin huma minsijin.

Kemm in-NATO kif ukoll l-Amerika huma ħerqanin li l-UE tissieħeb fl-avventuri militari tagħhom.

Il-ġimgħa li għaddiet is-Segretarju Ġenerali tan-NATO, Anders Fogh Rasmussen, f’diskors li għamel f’Madrid, appella biex l-UE u n-NATO jagħtu appoġġ lil xulxin fil-qasam tal-ħarsien tas-sigurtà, u dan għandu jseħħ billi jagħmlu pjani u jieħdu azzjoni flimkien meta jkun jaqbel li jsir dan.

Xi trid l-Amerika mill-UE qalitu ċar is-Segretarja tal-Affarijiet Barranin Amerikana, Hilary Clinton, f’diskors li għamlet f’Jannar li għadda f’Pariġi lill-Akkademja Militari Franċiża.

Hija sostniet li fid-dinja mħawda tal-lum ikun ta’ siwi kemm għan-NATO u kemm għall-UE li ma jaħdmux għal rashom, għax illum il-qasam tas-sigurtà mhux dak li kien meta twaqqfu n-NATO u l-UE, u lanqas jista’ jingħad li l-Unjoni Ewropea m’għandhiex x’taqsam mal-ħarsien tas-sigurtà, jew ma tindaħalx fi kwistjonijiet li jheddu s-sigurtà.

Għalhekk l-Istati Uniti qegħdin jagħfsu lill-UE u lin-NATO biex jaħdmu u jikkoperaw flimkien, qalet Clinton.

Iżda la l-fatt li l-UE taħdem id f’id fil-qasam militari mal-alleanza tan-NATO, u lanqas il-fatt li l-UE tkabbar il-forzi militari tagħha, ma jiswew biex iseħħ il-ħarsien tas-sigurtà tal-poplu Malti.

Is-sigurtà tiegħu tissaħħaħ aktar ma Malta titbiegħed mill-alleanza militari tan-NATO u aktar ma tiħux sehem fil-“militarizzazzjoni” tal-Unjoni Ewropea.

Għax sakemm pajjiżna jibqa’ jitqies minn dawk li jistgħu jkunu għedewwa potenzjali tan-NATO u tal-UE militarizzata, bħala pajjiż newtrali u mhux allineat, u li jaħdem attivament għall-paċi fost il-ġnus u ma jieħux sehem f’alleanza militari, il-poplu Malti jibqa’ jitħalla jgħix fis-sliem u jkun miżmum bħala poplu ħabib u mhux għadu.

Il-Gvern li qiegħed iħaddan il-politika komuni tal-UE kemm fil-qasam tal-affarijiet barranin, kif ukoll fl-oqsma tas-sigurtà u difiża, qiegħed jhedded is-sliem u s-sigurtà tal-poplu Malti.

Il-Membri tal-Parlament li bis-silenzju tagħhom iħallu l-Gvern jagħmel dan,

ikunu kompliċi miegħu fit-tradiment tal-interessi nazzjonali.

Wara li nħasdet bir-riżultat tal-istħarriġ li l-UE għamlet tal-opinjoni pubblika,

* li wera li lanqas nofs il-poplu tal-pajjiżi membri ma jemmnu li hija tajba,

* l-UE għażlet li tonfoq aktar miljuni ta’ ewro milli diġà qiegħda toħroġ,

* fi propaganda dwar il-President tal-Kummissjoni Ewropea, Josè Manuel Barroso.

Il-Kummissarju Ewropew responsabbli mill-politika

* dwar il-komunikazzjoni soċjali,

* Vivien Reding,

* ipproponiet li grupp ta’ operaturi

* ta’ fotografi u tat-televiżjoni

* jakkumpanjaw lil Barroso

* fix-xogħol tiegħu tul il-jum kollu,

*  u li l-UE għandha tħallas sehem mill-ispejjeż tagħhom

* meta jmorru miegħu f’pajjiżi oħrajn.

Il-Kummissarju Reding qiegħda tinsisti wkoll li Barroso,

* bħala President tal-Kummissjoni Ewropea,

* għandu jingħata aktar importanza,

* u li huwa għandu jagħmel l-istqarrijiet pubbliċi kollha tal-Kummissjoni,

* minflok kif sar s’issa,

* li kull Kummissarju Ewropew jagħmel hu l-istqarrijiet

* dwar il-qasam li tiegħu hu responsabbli.

Bħala parti minn dan il-pjan ta’ propaganda, fis-7 ta’ Settembru, Barroso għamel diskors fil-Parlament Ewropew, li għalih il-Membri tal-Parlament intalbu jattendu.

Kien hemm il-biża’ li ħafna membri ma kinux se jattendu, tant li sa lejliet il-laqgħa, il-ħsieb kien li sfratta fl-aħħar mument, li min ma jattendix, ikun immultat.

Id-deċiżjoni li membri li ma jattendux għad-diskors ta’ Barroso jkunu mmultati, qanqlet kritika ħarxa u kixfet in-nuqqas ta’ interess tal-Membri Parlamentari fil-ħidma tal-President tal-KE, kif ukoll in-nuqqas ta’ siwi fid-diskorsi tiegħu.

Saret ukoll kritika ħarxa dwar iż-żieda fl-infiq għall-propaganda tal-President tal-KE.

Il-korrispondent tas-Sunday Telegraph, Stan Herbert, qal li nfiq akbar biex tidher itjeb id-dehra ta’ Barroso, huwa l-aħħar minn sensiela ta’ proġetti ta’ vanità li l-UE qiegħda tħallas mit-taxxi tal-popli tal-pajjiżi membri.

Minflok tonfoq il-fondi fuq ritratti u vidjows ta’ President mhux elett mill-poplu, l-UE għandha ttejjeb ħafna d-dehra tagħha billi tisma’ x’jgħidu ċ-ċittadini tal-UE, u billi ma tkomplix taħli t-taxxi mħallsin minnhom.

Eżempju ta’ kif l-UE taħli l-fondi tagħha,

* ingħata mill-Organizzazzjoni “Open Europe”

* li kixfet li s-sena l-oħra l-UE nefqet €8 miljun

* għal “entertaining, training and ‘informing’ journalists”,

* u li €351,800 minnhom intefqu għall-ġurnalisti Irlandiżi

* qabel ir-referendum dwar it-Trattat ta’ Lisbona,

* u €7,000 tħallsu għal żewġ “cocktail parties” għall-ġurnalisti.

Lejliet id-diskors ta’ Barroso fil-Parlament Ewropew, tħassret id-deċiżjoni li jkunu mmultati l-Membri tal-Parlament li ma jattendux.

Ħafna kummentaturi kkunsidraw din id-deċiżjoni insolenti, anti-demokratika, u mhux skont id-dinjità u l-indipendenza tal-Membri tal-Parlament Ewropew eletti mill-poplu, u tixraq lit-tfal li jmorru l-iskola.

Membru Parlamentari Olandiż, Peter van Balen, xebbaħ id-deċiżjoni ma’ dawk li kienu jittieħdu fl-imgħoddi, fl-Unjoni Sovjetika.

Skont Membru Parlamentari Ingliża, Sarah Ladford, id-deċiżjoni kienet tagħmel għajb lill-Parlament Ewropew li deher li jkollu jħallas lill-membri biex joqogħdu jisimgħu lil Barroso jitkellem.

Għalkemm l-UE pprovat tonfoħ id-diskors ta’ Barroso bħala messaġġ “State of the Union”, ma jidhirx li kellu xi interess u importanza, tant li l-ġurnali tal-għada ma tawh ebda prominenza u ma qanqal ebda diskussjoni jew dibattitu.

F’pajjiżna, il-ġurnali lanqas irrapportawh u l-poplu Malti ma jafx x’qal Barroso, ħlief li appella għal azzjoni kollettiva tal-pajjiżi tal-UE biex tingħeleb il-kriżi li għaddejjin minnha, u wera l-ħsieb li jitwettqu r-riformi tat-Trattat ta’ Lisbona u li jintlaħqu l-miri tal-viżjoni tal-2020 tal-UE.

L-infiq ta’ aktar miljuni fil-propaganda mhux se jagħtu riżultati li jissodisfaw lill-popli tal-pajjiżi tal-UE.

Dawn aktar qegħdin jitħawdu

* meta jaraw in-numru ta’ mexxejja li jitkellmu f’isem l-UE,

* għax barra mill-President tal-KE,

* hemm il-President tal-UE,

* il-Belġjan Rompey,

* u kull sitt xhur,

* ikun il-Prim Ministru ta’ wieħed mill-pajjiżi membri

* li jservi ta’ President fil-laqgħat tal-Kunsill tal-Ministri tal-UE,

* u hemm ukoll il-President tal-Parlament Ewropew,

* u issa,

* hemm il-Ministru tal-Affarijiet Barranin tal-UE,

* l-Ingliża Ashton,

* li fil-laqgħat internazzjonali,

* titkellem f’isem il-pajjiżi kollha tal-UE.

 B‘dawn il-kaptani kollha ma tistax ma tinħoloqx konfużjoni kbira fl-imħuħ taċ-ċittadini komuni li jaraw lill-UE bħala t-Torri ta’ Babel b’ħafna ilsna.

Għalhekk l-appoġġ popolari għall-UE qiegħed dejjem imajna.

Għalkemm il-front “Maltin Inqumu” jittama li l-Maltin jerġgħu jqumu, jiena ma nemminx li Malta issa tista’ terġa’ tqum la darba wara l-inkwiet tas-sajf tas-sena 1998 u l-waqgħa tal-Gvern Laburista, l-Unjoni Ewropea għaġġlet biex taħtafha u tikkolonizzaha.

L-Unjoni Ewropea fehmet x’kien il-valur strateġiku ta’ Malta, bħalma ġenerali kbar ta’ armati kemm-il darba stqarrew li pajjiżna, f’nofs il-Mediterran, kellu siwi strateġiku kbir.

Għad-difiża tal-Unjoni Ewropea, Malta msieħba fl-Unjoni u għalhekk tħaddan il-politika komuni ta’ difiża u sigurtà tal-Unjoni, kienet tkun ferm aktar ta’ siwi minn Malta indipendenti, newtrali u mhux allineata.

Malta indipendenti nqatlet meta ssieħbet fl-Unjoni Ewropea fis-sena 2004.

L-UE se tagħmel minn kollox biex Malta ma terġax tqum bħala stat indipendenti u newtrali, u f’dan se jkollha l-għajnuna tal-Istati Uniti tal-Amerika.

Għax l-Istati Uniti jridu li f’każ ta’ gwerra, ikollhom l-UE tiġġieled magħhom, u jkunu jridu li l-pajjiżi kollha tal-UE, inkluża Malta, jappoġġjawhom.

Jekk Malta tkun indipendenti u newtrali ma tagħtix appoġġ lill-Istati Uniti fil-gwerer li jidħlu fihom u li jdaħħlu lill-UE fihom, jew iġegħluha tagħtihom daqqa t’id.

Iżda jekk Malta tkun mejta midfuna fl-UE u mhux indipendenti, kull appoġġ mogħti mill-UE lill-Istati Uniti, jinkludi appoġġ minn Malta.

Il-Gvern Malti ma għadux imexxi kif jaqbel lill-poplu Malti, iżda jkollu jmexxi kif l-UE tgħidlu li għandu jagħmel.

Għalhekk Malta reġgħet saret kolonja u m’għadhiex indipendenti.

Kieku l-Gvern Malti jista’ jmexxi kif jaqbel lill-poplu Malti, kieku ma jżommx eluf ta’ immigranti illegali li hawn f’Malta bla ma jħallihom imorru fil-pajjiżi kbar tal-UE fejn huma jridu jmorru.

Il-Gvern ma jħallihomx imorru minn Malta għax l-UE ordnatlu li ma jħallihomx jagħmlu dan.

Ma għandniex għax niskantaw li l-UE tagħti l-ordnijiet lill-Gvern tagħna, għax il-pajjiżi l-kbar tal-UE għandhom fid-demm li jikkolonizzaw pajjiżi oħrajn.

Infatti,

* l-Ingilterra,

* Franza,

* il-Ġermanja,

* Spanja,

* il-Portugall,

* l-Italja,

* kollha għal ħafna snin kellhom ħafna kolonji tagħhom.

Issa li l-froġa tas-sħubija fl-Unjoni Ewropea saret, ngħid jien, kif tista’ Malta terġa’ tqum?

Għal xi setturi tal-poplu, bħall-professjonisti, is-sħubija fl-UE kien pass tajjeb.

L-istess qablilhom bis-sħubija dawk il-ftit li qegħdin igawdu personalment minnha.

Dawk li kienu jgħidu li qegħdin jiġġieldu “Għalina u għal uliedna”, kellhom raġun, għax bl-UE sejrin tajjeb huma u t-tribù tagħhom ta’ avukati.

Imma l-klassi tal-ħaddiema qiegħda tissawwat bis-sħubija fl-UE.

Barra l-għeluq tal-fabbriki u tat-Tarzna minħabba l-politika tal-UE, il-preżenza sforzata mill-UE ta’ eluf ta’ immigranti illegali qiegħda tkisser is-saħħa tal-ħaddiema billi twaqqa’ l-pagi u l-kundizzjonjiet tax-xogħol.

Dak li jridu l-kapitalisti tal-UE, li huma d-dixxendenti tal-kapitalisti li dwarhom inkiteb id-“Das Kapital” ta’ Karl Marx.

Il-Ħamis 16 ta’ Settembru 2010

e-mail: cnimalta at yahoo.co.uk 

Inroddulek ħajr li żort il-paġna tagħna

Appoġġ fil-ġlieda għall-Indipendenza u l-Ħelsien

Trid tgħin biex niksbu mill-ġdid l-Indipendenza u l-Ħelsien? 

Jekk iva, għin lis-CNI fil-ħidma tagħha biex il-maġġoranza tal-poplu tkun trid li neħilsu mill-ħakma ta' l-Unjoni Ewropea.

Issieħeb fis-CNI billi tibgħat €5 flimkien ma' din il-formola lis-

Segretarju Finanzjarju  CNI,

60A, Triq id-Dejqa,

Valletta

Isem .......................................................

Indirizz ...................................................

ID Numru ...............................................

Inroddulek ħajr ta’ l-għajnuna tiegħek

Malta ħielsa u newtrali fl-aħħar tirbaħ