MERĦBA FIL-PAĠNA TAS-CNI

KAMPANJA ĦELSIEN NAZZJONALI

Kienet, għadha u tibqa' favur il-ħaddiema Maltin

u kontra s-sħubija ta' Malta fl-Unjoni Ewropea

NAĦILFU LI NEĦILSU LIL MALTA MILL-JASAR, IL-KOLONJALIŻMU U L-ĦAKMA DITTATORJALI ILLEGALI TA' L-UNJONI EWROPEA

GĦID LID-DEPUTAT PARLAMENTARI TIEGĦEK LI TRID LI MALTA TIKSEB LURA L-INDIPENDENZA U L-ĦELSIEN!

Għaliex il-ħaddiema ma jiħdux “Manoel Island”?

Il-Kampanja għall-Ħelsien Nazzjonali (CNI) issostni li jekk il-Gvern jasal biex ibiegħ il-Manoel Island Yacht Yard għaliha u maqtugħa mill-bqija tat-Tarzna, il-ħaddiema stess għandhom jingħataw preferenza li joħduha huma, u mhux tingħata rigal lil xi bażużlu. 

Għax mid-dokumenti li l-Gvern stess poġġa fuq il-mejda tal-Parlament, jirriżulta li l-Manoel Island Yacht Yard h mhux biss kummerċjalment vijabbli, iżda tagħmel qligħ sostanzjali.

Il-kontijiet tal-Manoel Island Yacht Yard ta’ erba’ xhur juru li għamlet qliegħ nett ta’ Lm200,000, wara li nqatgħu l-ħlasijiet u l-ispejjeż kollha. 

Dan ifisser li kull ħaddiem tal-Yacht Yard tat-Tarzna ħalla lill-azjenda qligħ nett ta’ madwar Lm1,000 kull xahar, ras għar-ras.

Is-CNI temmen li 

* dan il-qligħ sar bis-saħħa tal-ħaddiema li, 

* fil-waqt li wrew ħila f'xogħolhom, 

* għamlu sagrifiċċji billi aċċettaw fil-Ftehim Kollettiv mill-2003 ’l hawn, 

* tibdil fil-kundizzjonijiet tax-xogħol tagħhom, 

* li flimkien ma’ tmexxija effiċjenti, 

* għamlulha possibbli għall-azjenda li tagħmel qligħ tajjeb.

Din hija r-riċetta li tiżgura vijabilità kummerċjali ta’ azjenda – ix-xogħol tajjeb tal-ħaddiema taħt tmexxija kompetenti. 

Għall-kuntrarju, tmexxija ineffiċjenti ġġib fix-xejn il-frott bnin tal-ħila li l-ħaddiema juru f'xogħolhom.

Li l-ħaddiema tat-Tarzna f'Manoel Island Yacht Yard huma kapaċi f’xogħolhom, jixhduh ir-riżultati tajbin ta’ l-azjenda. 

Il-Manoel Island Yacht Yard għandha fama tajba kemm lokalment, kif ukoll importanti ħafna, internazzjonalment fid-dinja tal-‘yachts’. 

Barra mit-tiswija u l-manutenzjoni tal-yachts, il-ħaddiema ta’ din il-‘Yacht Yard’ tat-Tarzna kapaċi jibnuhom, u fil-passat, bnew saħansitra ‘hydrofoils’.

L-industrija tal-‘yachts’ qiegħda dejjem tikber u n-numru tal-‘yachts’ li hawn f’pajjiżna u oħrajn li jiġu minn żmien għal żmien, qiegħed dejjem jiżdied. 

Għalhekk ix-xogħol fuq il-‘yachts’ f’pajjiżna hu assigurat u għandu jespandi fiż-żmien li ġej. 

Dan jagħti ħjiel tal-potenzjal li għandha l-Manoel Island Yacht Yard li diġà kapaċi tagħti madwar Lm50,000 fix-xahar qliegħ fit-Tarzna.

Is-CNI ssostni li jkun serq ta’ ġid il-poplu jekk azjenda li tista’ tirrendi tant, tingħata rigal lil xi ħabib privat, bl-iskuża tal-privatizzazzjoni. 

Jekk għandha tiġi privatizzata, żgur li l-ħaddiema għandhom dritt sagrosant qabel kulħadd li tingħata lilhom, għax hi frott tal-ħila u l-ħidma tagħhom.

Il-ħaddiema jagħmlu tajjeb jekk jaħsbu li jissieħbu f'koperattiva, ħalli din tieħu f'idejha u tmexxi l-‘Yacht Yard’, mhux biss f’Manoel Island, iżda wkoll fil-faċilitajiet siewja fil-Marsa, fejn kien hemm is-Shipbuilding.

It-Tlieta, 15 ta’ Lulju, 2008

IRRIDU L'INDIPENDENZA MILL-UNJONI EWROPEA

e-mail: cnimalta at yahoo.co.uk 

Inroddulek ħajr li żort il-paġna tagħna

Appoġġ fil-ġlieda għall-Indipendenza u l-Ħelsien

Trid tgħin biex niksbu mill-ġdid l-Indipendenza u l-Ħelsien? 

Jekk iva, għin lis-CNI fil-ħidma tagħha biex il-maġġoranza tal-poplu tkun trid li neħilsu mill-ħakma ta' l-Unjoni Ewropea.

Issieħeb fis-CNI billi tibgħat €5 flimkien ma' din il-formola lis-

Segretarju Finanzjarju  CNI,

Isem .......................................................

Indirizz ...................................................

ID Numru ...............................................

Inroddulek ħajr ta’ l-għajnuna tiegħek

Malta ħielsa u newtrali fl-aħħar tirbaħ