MERĦBA FIL-PAĠNA TAS-CNI
KAMPANJA ĦELSIEN NAZZJONALI
Kienet, għadha u tibqa' favur il-ħaddiema Maltin
u kontra s-sħubija ta' Malta fl-Unjoni Ewropea
GĦID LID-DEPUTAT PARLAMENTARI TIEGĦEK LI TRID LI MALTA TIKSEB LURA L-INDIPENDENZA U L-ĦELSIEN!
Fis-seba’ snin 2007 – 2013 il-Maltin u l-Għawdxin se jkunu ħallsu lill-Unjoni Ewropea €420,000,000
Bob
Geldof, Michael Frendo, Josè Herrera u l-klandestini
Diskorsi
u kitbiet li smajna u qrajna dan l-aħħar qegħdin jagħtuna raġun
u jqawwulna qalbna, għax is-CNI
Dan l-aħħar qrajna x’qal fil-Parlament id-Deputat Laburista Josè
Herrera dwar din il-kwistjoni.
“L-Unjoni
Ewropea qiegħda timxi ma’ Malta bil-mentalità ta’ pajjiż żgħir
allura problemi żgħar u dan huwa inaċċettabbli”.
Kemm lid-Deputat Laburista Josè Herrera kif ukoll lill-Ministru Frendo
nirringrazzjawhom għall-mod kif tkellmu dwar din il-problema li qiegħda
tifni lill-poplu tagħna.
Però
forsi l-aktar kliem bla kantunieri ta’ xejn qalu l-kantant famuż Bob
Geldof waqt “kolazzjon” organizzat mill-HSBC u l-Vodafone.
Fost il-punti li qajjem fid-diskors tiegħu dwar il-problema ta’
l-immigrazzjoni illegali, Bob Geldof qal:
“Mhux
ġust li Malta jew Lampedusa jġorru t-toqol tal-problema. Inthom qegħdin
fil-ponta ta’ quddiem (t’isfel) ta’ l-Ewropa.
U għalhekk għandkom tkunu mgħejjunin... għandkom
popolazzjoni ta’ 350,000 ruħ.
X’jiġri
meta jkun hawn (f’Malta) 30,000 minnhom (immigranti illegali) - li m’huma
xejn, iżda għalikom ikunu 10 fil-mija tal-popolazzjoni tagħkom?
In-nies
jibdew isiru razzisti – il-biża’ li l-barrani jieħu x-xogħol
tagħkom - għalhekk din il-materja trid tiġi ffaċċjata”.
Bob Geldof qal ukoll li Malta ma tistax tieħu “l-mewġ
ta’ immigranti illegali li qegħdin jaslu fuq xtutha regolarment... u
l-Ewropa mhux qiegħda toħodhom hi, tgħid x’tgħid”!
Semma kif l-UE mhiex tieħu din il-problema b‘mod serju.
Ezempju
ta’ dan semma kif iz-żewġ miljun Ewro (Lm900,000) li vvotaw biex tiġġieled
din il-problema ta’ l-immigrazzjoni illegali “kienet ċajta”!!!
Qal
ħafna aktar affarijiet oħrajn iżda spazju m’għandniex.
Il-Gidba dwar il-prezz tal-proprjeta'
Huwa fatt innegabbli li l-isplużjoni fil-prezz tal-bini f’Malta seħħet
l-aktar minħabba s-sħubija fl-Unjoni Ewropea.
Waħda mir-raġunijiet hija li ċittadini barranin ta’
pajjiżi membri fl-UE, mad-dħul ta’ Malta fl-UE, dawn ingħataw
id-dritt li jistgħu jixtru post fejn joqogħdu u d-dritt li jibqgħu
jgħixu f’pajjiżna, tista’ tgħid bla kundizzjonijiet ta’
xejn.
Dan wassal għal numru dejjem jikber li barranin ċittadini ta’
l-UE, li jagħżlu li jiġu jgħixu f’pajjiżna.
Kemm minħabba l-klima tajba u ferm aktar ħanina fix-xitwa minn
dik ta’ pajjjiżi nordiċi, kif ukoll minħabba l-lingwa
Ingliża li jitkellmu tajjeb il-maġġoranza kbira
tal-Maltin.
Waqt li qabel dħalna fl-UE kien hemm restrizzjonijiet biex barrani
seta’ jixtri post fejn joqgħod u jiġi jgħix b’mod permanenti
f’Malta, per eżempju, ried ikollu dħul ta’ flus minn barra pajjiżna
ta’ l-inqas Lm10,000 fis-sena u kapital barra minn Malta ta’ l-inqas
Lm15,000.
Illum biżżejjed li jkollu pensjoni barranija għax jingħata
d-dritt jgħix ġo pajjiżna bla problema ta’ xejn!
Dan l-aħħar il-Gvern Malti ħabbar li l-Kabinett iddeċieda
li jżid il-persentaġġ ta’ art għall-iżvilupp tal-bini
b’2.4 fil-mija.
Waħda mir-raġunijiet li ta l-Prim Ministru kienet li b’hekk
jitbaxxew il-prezzijiet tal-porprjeta’, ħalli l-koppji żgħazagħ
Maltin u familji, jibdew ilaħħqu aħjar mal-prezz tal-proprjeta’
li jkollhom bżonn jixtru.
Li qal il-Prim Ministru hija biss illużjoni,. Jew aħjar, tattika
politika biex wieħed “jgħatti
x-xemx bl-għarbiel”.
Ħalli
nsemmu biss żewġ raġunijiet:
1.
Kieku veru jitbaxxew għall-ewwel il-prezzijiet tal-bini, minbarra l-Maltin
aktar barranin jitħajru jiġu jixtru proprjeta’ f’pajjiżna.
Kemm biex jgħixu huma u kemm bħala investiment. U b’hekk il-prezz
tal-proprjeta’ jerġa’ jirranka ‘l fuq1
2.
Waħda mir-raġunijiet prinċipali li qiegħda żżomm
il-prezz tal-proprjeta’ m’għola s-smewwiet hija l-istess policy
tal-gvern meta jibgħat perit tiegħu biex jistma kemm tiswa
l-proprjeta’ li tkun inbiegħet xhur wara li jkun sar il-kuntratt tal-bejgħ!
Jekk
il-eprit tal-Gvern jistma li l-prezz reali tal-proprjeta’ huwa aktar għoli
mill-prezz tal-bejgħ, kif jidher fil-kuntratt, kemm il-bejjiegħ u kemm
ix-xerrej ikollhom iħallsu l-bolla fuq id-differenza tal-prezz, kif ukoll
multi għoljin!
Il-periti
li jibgħat il-Gvern qegħdin jibbażaw l-istimi tagħhom fuq
il-prezz għoli tas-suq.
Jiġifieri,
fuq l-istess prezz spekulattiv li l-Prim Ministru qiegħed jgħid li
jrid li jonqos!
Kif
jista’ jonqos il-prezz jekk l-istes Gvern iwaħħal multi kbar u
ħlas ta’ bolla aktar lil min ibiegh bi prezz inqas minn dak tas-suq!?
Dan ifrisser li llum, jekk żviluppatur b’kuxjenza soċjali at’ veru, jiddeċiedi li jibni u jbigħ bi prezzijiet raġonevoli u aktar baxxi minn dawk tas-suq biex b’xi mod itaffi t-tbatijiet finanzjarji li qegħdin iħabbtu wiċċhom magħhom uliedna u ulied uliedna, l-istess Prim Ministru ma jħalliħx jagħmel dan għax iwaħħlu multi kbar u bolla aktar fuq id-differenza fil-prezz li bih ibigħ dan l-iżviluppatur kuxjenzjuż u l-prezz spekulattiv tas-suq.
Il-Prim
Ministru jaf x’għandu jagħmel biex jitbaxxa l-prezz tal-bini.
Per
eżempju, li bini ma jistax jitħalla ġebel u saqaf jew magħluq
għal aktar minn ċertu żmien, sakemm ma jkunx hemm xi kawża
jew problema legali, għax inkela s-sid jibda jħallas multa għolja
għal kull sena li jibqa’ f’dak l-istat u li din il-multa tibqa’ tiżdied.
Ċerti
li hemm miżuri oħrajn legali li jista’ jieħu l-Gvern.
Iżda
li tkompli teqred il-ftit art bla bini li għad fadlilna, żgur mhix
is-soluzzjoni!
Taqbiliet
Gonzi
qal li jrid ibaxxi l-prezz tal-proprjeta’,
Ħadd
pero’ ma ħadu bis-serjeta’,
Għax
flok ma l-Prim se jnaqqas l-ispekulazzjoni,
Aktar
se jqarreb din l-art lejn id-distruzzjoni!
Kif
jista’ jinżel il-prezz meta l-Gvern jibgħat
perit,
Li
kull sena l-prezz tal-bini qiegħed iżid,
Meta
jistma l-prezz fuq dak li jgħid is-suq?
Mhux
għalhekk il-prezzijiet djjem telgħin ‘il fuq?
Għal
din il-problema waħda hija s-soluzzjoni,
Biex
issir ma jridx joqgħod jaħseb fl-elezzjoni,
Għax
faċli li tiġiħ it-tentazzjoni,
Li
jibqa’ ċass u ma jieħu ebda azzjoni.
Is-soluzzjoni
jsibha fl-eluf ta’ bini magħluq,
U
mhux fil-prezz tal-bini skond is-suq!
U
billi Malta terġa’ tieħu lura s-saħħa,
Li
tiddeċiedi hi, bil-ħelsien sħiħ tagħha!
Malta kienet u għandha tibqa’ tal-Maltin.
Is-Sibt, 15 ta’ Lulju, 2006
e-mail: cnimalta at yahoo.co.uk
IRRIDU L'INDIPENDENZA MILL-UNJONI EWROPEA
Inroddulek ħajr li żort il-paġna tagħna
Appoġġ fil-ġlieda għall-Indipendenza u l-Ħelsien
Trid tgħin biex niksbu mill-ġdid l-Indipendenza u l-Ħelsien?
Jekk iva, għin lis-CNI fil-ħidma tagħha biex il-maġġoranza tal-poplu tkun trid li neħilsu mill-ħakma ta' l-Unjoni Ewropea.
Issieħeb fis-CNI billi tibgħat €5 flimkien ma' din il-formola lis-
Segretarju Finanzjarju CNI,
60A, Triq id-Dejqa,
Valletta
Isem .......................................................
Indirizz ...................................................
ID Numru ...............................................
Inroddulek ħajr ta’ l-għajnuna tiegħek
Malta ħielsa u newtrali fl-aħħar tirbaħ