MERĦBA FIL-PAĠNA TAS-CNI
KAMPANJA ĦELSIEN NAZZJONALI
Kienet, għadha u tibqa' favur il-ħaddiema Maltin
u kontra s-sħubija ta' Malta fl-Unjoni Ewropea
minn Kampanja Ħelsien Nazzjonali CNI
GĦID LID-DEPUTAT PARLAMENTARI TIEGĦEK LI TRID LI MALTA TIKSEB LURA L-INDIPENDENZA U L-ĦELSIEN!
Fis-seba’ snin 2007 – 2013 il-Maltin u l-Għawdxin se jkunu ħallsu lill-Unjoni Ewropea €360,000,000
Mewġ kontra l-Kostituzzjoni ġdida ta’ l-Unjoni Ewropea
Fit-Trade Union Congress ta’ l-Ingilterra, li jirrappreżenta sitt miljun ħaddiem, ma aċċettawx li jivvotaw dwar il-Kostituzzjoni ġdida ta’ l-Unjoni Ewropea.
Beżgħu
li l-maġġoranza tkun kontriha, u għalhekk qalu li ma jkunx
f’waqtu (“inappropriate”) li tittieħed deċiżjoni formali
qabel ma jkun hemm aktar diskussjoni dwarha.
Il-Prim Ministru Ingliż ma rnexxilux li t-TUC joħorġu favur
il-Kostituzzjoni ta’ l-Unjoni.
Fil-Kungress,
wieħed mill-ħafna kelliema kontra l-Kostituzzjoni ġdida ta’ l-UE
kien Bob Crow, is-Segretarju Ġenerali tar-Rail, Maritime and Transport
Union, li qal li l-Kostituzzjoni tistituzzjonalizza l-privatizzazzjoni u l-politika
ekonomika neo-liberali, li tant għenu biex inqerdu ħafna industriji
fl-Ingilterra.
Anke fil-Partit Laburista Ingliż qam ferment kontra l-Kostituzzjoni ġdida
ta’ l-UE.
Twaqqaf
‘think tank’ taħt iċ-Ċhairman Ian Davidson, membru
parlamentari Laburista, u hemm ukoll ħames membri parlamentari Laburisti oħrajn
fih u rappreżentant tal-Kumitat Ezekuttiv Nazzjonali tal-Partit Laburista.
Dawn għadhom kif ippubblikaw dokument dwar “Why the Left should reject
the constitution” (Għaliex ix-Xellug għandu jiċħad
il-Kostituzzjoni ġdida ta’ l-Unjoni Ewropea).
Fi
Franza, ex-Prim Ministru Soċjalista, Laurent Fabius, huwa kritiku ħafna
tal-Kostituzzjoni ġdida ta’ l-Unjoni.
Fl-Irlanda, il-partit tas-Sinn Feinn qiegħed jopponi bl-aħrax din
il-Kostituzzjoni ta’ l-Unjoni.
Anke fost is-Soċjal-Demokratiċi ta’ l-Isvezja hemm firda dwar
il-Kostituzzjoni ġdida ta’ l-Unjoni Ewropea.
Oppożizzjoni
kbira fl-Ingilterra
Għalkemm il-Gvern Ingliż huwa favur il-Kostituzzjoni ġdida ta’ l-UE, il-maġġoranza tal-poplu tidher kontra, u ħafna membri tal-Parlament jitkellmu apertament kontriha.
Il-Gvern
jinħass mbarazzat bil-mistoqsijiet li jsirulu dwarha, u jaħrab milli
jwieġeb għalihom.
Xahar ilu fil-House of Commons iddiskutew il-Kostituzzjoni l-ġdida ta’ l-Unjoni.
Tkellmu
kontriha ħafna membri parlamentari u x’uħud minnhom ilmentaw li l-Gvern
jibża’ jgħid il-verità kif inhi dwar il-Kostituzzjoni.
Il-membru parlamentari Angela Browning żvelat li l-Prim Ministru ma kienx
wieġeb il-mistoqsija li kienet għamlitlu fis-seduta tal-21 ta’
Ġunju ta’ din is-sena meta staqsietu jekk skond il-Kostituzzjoni ġdida
kienx meħtieġ il-kunsens tal-pajjiżi membri kollha biex l-Unjoni
tiddeċiedi kif tikkordina l-politika ekonomika tal-pajjiżi membri
kollha.
Angela Browning staqsiet ukoll lil Blair jekk skond il-Kostituzzjoni ġdida
ta’ l-UE l-politika kkordinata ekonomika ta’ l-Unjoni tiġix deċiża
b’maġġoranza kwalifikata.
Hija
rċeviet twegiba mingħand il-Ministru dwar l-Ewropa, Shane, li qalilha
tara x’tgħid it-tielet parti tal-parti tal-Kostituzzjoni.
Meta Browning fliet it-tielet parti tal-Kostituzzjoni ta’ l-UE sabet li d-deċiżjoni dwar il-kordinament tal-politika ekonomika tal-pajjiżi membri kollha ta’ l-Unjoni tittieħed b’maġġoranza kwalifikata u għalhekk tista’ tittieħed mingħajr il-kunsens ta’ xi pajjiżi membri.
Biex tkun żgura minn dan, Browning għamlet mistoqsija parlamentari supplimentarja u staqsiet jekk dan kienx korrett.
It-tweġiba
li l-Ministru ta kienet li hija kienet diġà ingħatat tweġiba biżżejjed
sħiħa (“substantial reply”).
Il-Ministu ma kellux il-kuraġġ jammetti ċar u tond xi tgħid
il-Kostituzzjoni dwar in-nuqqas tal-kunsens ta’ xi pajjiż membru meta l-Unjoni
tiddeċiedi dwar kif tikkordina l-politika ekonomika tal-pajjiżi membri
kollha ta’ l-Unjoni.
Arranġament
alternattiv għall-Kostituzzjoni
Il-possibbiltà teżisti li l-Kostituzzjoni ġdida ta’ l-UE ma tkunx approvata minn xi pajjiż jew xi pajjiżi membri ta’ l-Unjoni.
U
għalhekk wieħed irid ikun imħejji għal din il-kontinġenza
billi jfassal arranġamenti alternattivi għall-Unjoni.
M’humiex neqsin dawk li qegħdin jiddiskutu alternattivi għall-Kostituzzjoni
ġdida li tfasslet.
Huma jisħqu li l-Unjoni għandha treġġa’ lura lill-gvernijiet nazzjonali ħafna mis-setgħat li hija ħatfet għaliha.
Il-Kostituzzjoni
ġdida tagħmel il-maqlub ta’ dan.
Fit-tieni lok, dawk li jsostnu li l-Kostituzzjoni ġdida hija ħażina,
jisħqu li ftehim ieħor bejn il-pajjiżi membri ta’ l-Unjoni
m’għadux jorbothom ilkoll bl-istess regolamenti li ma jgħoddux għal
x’uħud mill-pajjiżi li ċ-ċirkostanzi speċjali tagħhom
jitolbu li jkollhom regolamenti differenti.
Dan
ikun jaqbel ħafna għal pajjiżna minħabba d-differenzi kbar
li jifirduna mill-pajjiżi l-aktar industrijalizzati ta’ l-Unjoni Ewropea.
Ftehim alternattiv bejn il-pajjiżi membri ta’ l-Unjoni għandu wkoll
jaħseb kif titrażżan il-korruzzjoni u l-frodi enormi li bihom l-Unjoni
Ewropea hija mġiddma llum u li l-Kostituzzjoni ġdida ma tagħmel
xejn biex taħkem.
Poġġejna
ħażin ħafna
Il-frodi u l-korruzzjoni huma istituzzjonalizzati fl-Unjoni Ewropea.
Erbat
ijiem ilu l-awdituri ta’ l-Unjoni żvelaw li 2.3 biljun Euro għandhom
jitħallsu lura lill-Unjoni mill-pajjiżi membri li ngħataw dawn
il-fondi bħala għajnuna għall-biedja, iżda dawn il-fondi jew
insterqu jew intużaw għal ħwejjeġ oħra mhux għal
dawk l-għanijiet li għalihom l-Unjoni tathom.
Fost il-pajjiżi membri fejn seħħew dawn il-frodi u korruzzjoni,
l-Italja tinstab minn ta’ quddiem.
Mill-ammont ta’ għajnuna mogħtija mill-Unjoni lill-Italja għall-biedja
matul l-aħħar 30 sena u li ma marritx għall-għanijiet li għaliha
kienet ingħatat, l-Italja għad baqgħalha tħallas lura
lill-Unjoni s-somma ta’ 1.6 biljun Euro, skond ma jgħidu l-awdituri ta’
l-Unjoni Ewropea.
Ta’ min ifakkar li fost l-awdituri ta’ l-Unjoni llum insibu lill-Professur
Bonnici, ex-Ministru ta’ l-Affarijiet Ekonomiċi f’pajjiżna, li
kien jikteb ħafna kemm tfuħ u hija effiċjenti l-Unjoni Ewropea.
Illum huwa qiegħed jara b’għajnejh u jmiss b’idejh kemm bil-maqlub,
l-Unjoni tinten bil-korruzzjoni u l-frodi li hemm fiha u kemm hija mifnija
b’burokrazija enormi u ineffiċjenti.
Tassew
poġġejna mat-tajjeb meta sseħibna fl-Unjoni!
L-UE
kontra li l-qligħ jieħdu l-poplu
L-Unjoni Ewropea ġġiegħel lill-pajjiżi membri jipprivatizzaw l-impriżi tal-Gvern.
L-impriżi tal-Gvern huma tal-poplu kollu.
L-impriżi
privatizzati jittieħdu mingħand il-poplu kollu biex jingħataw
lill-ftit individwi jew kumpaniji.
L-ordni ta’ l-UE biex jipprivatizzaw l-impriżi tal-Gvern mhix ibbażata
li pajjiż ikollu aktar qligħ mill-impriżi privatizzati jew minħabba
telf li jkollhom l-impriżi governattivi.
Kieku kien hekk, l-Unjoni ma tordnax li anki l-banek kummerċjali jkunu
privatizzati.
L-Unjoni
trid li l-qligħ li jkun sejjer għand il-poplu kollu mill-banek li
jkunu tal-Gvern, wara l-privatizzazzjoni tagħhom, imur għand il-ftit
sidien li jieħdu l-banek f’idejhom.
Intqal minn Ministru Malti li jippretendiha ħafna, li mhux xogħol
il-Gvern li jmexxi negozji.
Dan
l-għaref lanqas jiddistingwi bejn min imexxi impriża u min jiehu l-qligħ
tagħha.
L-azzjonisti ta’ impriża privatizzata ma jmexxuhiex huma, iżda jdaħħlu l-qligħ tagħha.
Mela Gvern li huwa azzjonist ta’ bank kummerċjali m’għandux għalfejn imexxi l-bank hu.
It-tmexxija
ta’ bank kummerċjali tal-Gvern (jiġifieri tal-poplu), tista’ tingħata
f’idejn il-privat li jkollu l-ħila jmexxi l-bank u l-qligħ tal-bank
jibqa’ jieħdu l-poplu kollu permezz tal-Gvern.
Wara kollox x’inhuma l-‘Public-Private Partnerships’ li tant ftaħarna
bihom?
Biex
il-ġonna tal-Gvern tieħu ħsiebhom il-kumpanija privata, kapaċi
naslu, u biex il-banek kummerċjali tal-Gvern, tieħu ħsiebhom
kumpanija privata m’aħniex kapaċi naslu biex nifhmu?
M’għandhomx
mandat jivvotaw favur il-kostituzzjoni ta’ l-UE
Il-Membri tal-Parlament tagħna ħadu l-ġurament li jkunu fidili u leali lejn il-Kostituzzjoni ta’ Malta.
Il-Kostituzzjoni ta’ Malta tgħid li hi l-ogħla liġi f’pajjiżna.
Il-Kostituzzjoni
ta’ l-Unjoni Ewropea tgħid li fl-oqsma kollha li fihom hi għandha s-setgħat,
kemm il-Kostituzzjoni, kif ukoll il-liġijiet ta’ l-Unjoni, huma ogħla
mill-Kostituzzjoni u l-liġijiet ta’ kull pajjiż membru (jiġifieri
anke ta’ Malta).
Kull Malti li ma jridx jiċħad lil pajjiżna, għandu jibqa’
jgħożż il-Kostituzzjoni ta’ pajjiżna, u mhux jaċċetta
li hija ma tibqax l-ogħla liġi ta’ pajjiżna.
Min jivvota favur is-sħubija fl-Unjoni, qatt ma vvota favur
il-Kostituzzjoni ġdida ta’ l-Unjoni li ġiet miftehma f’Ġunju
li għadda, sena u tliet xhur wara li saret f’Malta l-votazzjoni favur is-sħubija.
Għalhekk
anke min is-sena l-oħra vvota favur is-sħubija fl-Unjoni, ma setax
vvota favur il-Kostituzzjoni ġdida li ma kinitx għadha teżisti.
Jekk ma tistax tieħu li dawk li s-sena l-oħra vvotaw favur is-sħubija
fl-Unjoni bħala li huma wkoll favur il-kostituzzjoni ġdida, u ma tista’
qatt tieħu li dawk li s-sena l-oħra ma vvotawx favur is-sħubija
fl-Unjoni li huma favur il-kostituzzjoni l-ġdida, kif jista’ membru
tal-Parlament Malti jippretendi li għandu mandat mingħand il-votanti
tiegħu biex jivvota favur il-kostituzzjoni ġdida ta’ l-Unjoni
Ewropea?
IRRIDU L'INDIPENDENZA MILL-UNJONI EWROPEA
L-Erbgħa, 13 ta’ Ottubru, 2004
e-mail: cnimalta at yahoo.co.uk
Inroddulek ħajr li żort il-paġna tagħna
Appoġġ fil-ġlieda għall-Indipendenza u l-Ħelsien
Trid tgħin biex niksbu mill-ġdid l-Indipendenza u l-Ħelsien?
Jekk iva, għin lis-CNI fil-ħidma tagħha biex il-maġġoranza tal-poplu tkun trid li neħilsu mill-ħakma ta' l-Unjoni Ewropea.
Issieħeb fis-CNI billi tibgħat Lm2 flimkien ma' din il-formola liċ-
Chairman
CNI,
Dr
Karmenu Mifsud Bonnici B.A. LL.D.
81,
Triq Ġuże Pace,
Ħamrun.
Isem .......................................................
Indirizz ...................................................
ID Numru ...............................................
Inroddulek ħajr ta’ l-għajnuna tiegħek
Malta ħielsa u newtrali fl-aħħar tirbaħ