MERĦBA FIL-PAĠNA TAS-CNI

KAMPANJA ĦELSIEN NAZZJONALI

Kienet, għadha u tibqa' favur il-ħaddiema Maltin

u kontra s-sħubija ta' Malta fl-Unjoni Ewropea

NAĦILFU LI NEĦILSU LIL MALTA MILL-JASAR, IL-KOLONJALIŻMU U L-ĦAKMA DITTATORJALI ILLEGALI TA' L-UNJONI EWROPEA

GĦID LID-DEPUTAT PARLAMENTARI TIEGĦEK LI TRID LI MALTA TIKSEB LURA L-INDIPENDENZA U L-ĦELSIEN!

It-Tarzna għandha tibqa’ tal-Maltin

IS-CNIjisgħobbiha tara li l-politiċi kollha jgħidu li jaqblu mal-privatizzazzjoni, la darba l-Unjoni Ewropea trid il-privatizzazzjoni. 

Sirna pappagalli li nirrepetu dak li tgħid l-Unjoni Ewropea, u m’aħniex iżjed kapaċi naraw x’jaqbel għal pajjiżna u ma naċċettawx dawk il-ħwejjeġ li m’humiex ta’ ġid għall-poplu tagħna.

Wara l-għajta tal-privatizzazzjoni tat-Tarzna, hemm il-bejgħ tagħha lill-barranin. 

Mhux se tkun f’idejn is-settur privat Malti, iżda se ssir tal-barrani. 

Aktar minn privatizzazzjoni, se jkollna “diżnazzjonalizzazzjoni” tat-Tarzna, għax dik li llum hija ta’ pajjiżna, għada mhux se tibqa’ hekk għax se tgħaddi għand il-barranin.

Il-politiċi Maltin jafu b’dan, u huma kuntenti li dan l-għajb nazzjonali jseħħ. 

Aħna tas-CNI ma naqblux ma’ dan. Nemmnu li t-Tarzna ta’ Malta għandha tibqa’ tal-Maltin u mhux issir tal-barranin.

Lill-barranin irriduhom jgħinuna mmexxu, mhux imexxuna. 

Wara li nitgħallmu mmexxu daqshom, nirringrazzjawhom u nħallsuhom, u nkomplu mmexxu aħna. 

Hekk biss jista’ jseħħ l-iżvilupp sostenibbli ta’ pajjiżna – li aħna biż-żmien insiru kapaċi mmexxu ħwejjiġna u mhux niddependu mill-barrani. 

Jekk nibqgħu niddependu mill-barranin, nissograw li meta l-barranin jaqblilhom imorru band’oħra, jitilquna bħalma għamlu ħafna sidien barranin li ħadu l-fabbriki tagħhom minn pajjiżna għal pajjiżi oħrajn fejn setgħu jaqilgħu aktar qligħ.

La darba l-Gvern irid jobdi lill-Unjoni Ewropea u ma jibqax sid tat-Tarzna, is-CNI ssostni li t-Tarzna għandhom jeħduha f’idejhom il-ħaddiema li jridu jibqgħu jaħdmu fiha, u l-Gvern jibda jitħallas ċens u kera tagħha. 

Il-ħaddiema li ma jridux jieħdu l-offerta tal-Gvern u jirtiraw mix-xogħol tat-Tarzna, jagħmlu tajjeb li jingħaqdu f’koperattiva ħalli jkomplu jaħdmu fit-Tarzna u jieħdu huma l-frott tal-ħidma tagħhom.

Is-CNI tifhem li l-Koperattiva tal-Ħaddiema tat-Tarzna jaqblilha ssieħeb magħha sieħeb strateġiku ta’ esperjenza maniġerjali fil-qasam tat-tiswija u l-bini tal-vapuri u tal-jottijiet u li jkun jista’ jkkontribwixxi kemm tmexxija professjonali, kif ukoll potenzjal vast ta’ ‘marketing’. 

It-tmexxija teknika tax-xogħol tat-Tarzna tista’ tibqa’ f’idejn il-maniġers tekniċi Maltin, li huma kapaċi biżżejjed fis-snajja’ rispettivi tagħhom.

Is-sieħeb strateġiku għandu jkollu sehem minoritarju fis-sħubija bejnu u l-Koperattiva tal-Ħaddiema tat-Tarzna, iżda xorta waħda jkollu f’idejh it-tmexxija professjonali ta’ din is-sħubija.

Il-Gvern, la ma jridx jbqa’ s-sid tat-Tarzna u lanqas imexxiha, ma għandux joġġezzjona li jgħaddi t-Tarzna lil sħubija bejn il-Koperattiva tal-Ħaddiema tat-Tarzna u s-sieħeb strateġiku.

Il-Gvern mhux se jitħalla mill-Unjoni Ewropea jagħti aktar għajnuna lit-Tarzna wara l-aħħar ta’ din is-sena.

Jekk jgħaddi t-Tarzna lil sħubija tal-ħaddiema u s-sieħeb strateġiku, il-Gvern jobdi lill-Unjoni u ma jibqax joħroġ sussidji.

B’hekk it-Tarzna tkun ipprivatizzata, iżda mhux “diżnazzjonalizzata” għax tibqa’ tal-Maltin u l-ħaddiema li ma jridux jirtiraw volontarjament mix-xogħol u jieħdu s-somma offruta mill-Gvern, jibqgħu jaħdmu u jaqilgħu ħobżhom mit-Tarzna, filwaqt li jikkontribwixxu għall-ġid ekonomiku u soċjali tal-pajjiż.

L-Erbgħa, 13 ta’ Awwissu, 2008

IRRIDU L'INDIPENDENZA MILL-UNJONI EWROPEA

e-mail: cnimalta at yahoo.co.uk 

Inroddulek ħajr li żort il-paġna tagħna

Appoġġ fil-ġlieda għall-Indipendenza u l-Ħelsien

Trid tgħin biex niksbu mill-ġdid l-Indipendenza u l-Ħelsien? 

Jekk iva, għin lis-CNI fil-ħidma tagħha biex il-maġġoranza tal-poplu tkun trid li neħilsu mill-ħakma ta' l-Unjoni Ewropea.

Issieħeb fis-CNI billi tibgħat €5 flimkien ma' din il-formola lis-

Segretarju Finanzjarju  CNI,

60A, Triq id-Dejqa,

Valletta

Isem .......................................................

Indirizz ...................................................

ID Numru ...............................................

Inroddulek ħajr ta’ l-għajnuna tiegħek

Malta ħielsa u newtrali fl-aħħar tirbaħ