MERĦBA FIL-PAĠNA TAS-CNI
KAMPANJA ĦELSIEN NAZZJONALI
Kienet, għadha u tibqa' favur il-ħaddiema Maltin
u kontra s-sħubija ta' Malta fl-Unjoni Ewropea
GĦID LID-DEPUTAT PARLAMENTARI TIEGĦEK LI TRID LI MALTA TIKSEB LURA L-INDIPENDENZA U L-ĦELSIEN!
Fis-seba’ snin 2007 – 2013 il-Maltin u l-Għawdxin se jħallsu lill-Unjoni Ewropea €420,000,000
Il-gażiba
ta’ l-Unjoni Ewropea dwar il-Palestina
L-Unjoni Ewropea tinsab f’gażiba kbira dwar il-Palestina.
L-Unjoni nsistiet li jsiru elezzjonijiet demokratiċi fil-Palestina, u bagħtet rappreżentanti tagħha biex jossorveljaw li l-elezzjonijiet ikun regolari.
L-elezzjonijiet saru regolari u taw
ir-riżultat tar-rieda tal-maġġoranza tal-poplu Palestinjan fl-għażla
tal-Ħamas flok il-Fataħ li mexxa l-Awtorità Palestinjana sal-lum.
Il-Ħamas ma jagħrafx l-Istat ta’ Iżrael u jrid li jeħles
lill-Palestina mill-okkupazzjoni Iżraelita.
Irid li l-Palestinjani li tkeċċew
minn arthom u minn djarhom, imorru lura u jingħataw lura arthom u djarhom
li llum huma f’idejn l-Iżraeliti.
Il-gażiba ta’ l-Unjoni Ewropea hija din.
Il-Ħamas illum jirrappreżentaw demokratikament ir-rieda tal-maġġoranza tal-poplu Palestinjan.
Jekk l-Unjoni ma taċċettax
lill-Ħamas, l-Unjoni tkun qiegħda teħodha kontra r-rieda tal-maġġoranza
tal-Palestinjani kif imfissra liberament fl-elezzjonijiet demokratiċi li għadhom
kif saru.
Id-dritt
tas-‘self determination’
Jekk l-Unjoni tibqa’ ma tagħrafx lill-Ħamas, l-Unjoni tkun qiegħda
tiċħad il-prinċipju tad-dritt ta‘ poplu li jagħżel
huwa kif jitmexxa, magħruf bħala d-dritt tas-‘self determination’
tal-popli.
Ma tistax l-Unjoni ssostni l-prinċipju tas-‘self-determination’ ta’ popli meta hija taqbel ma’ l-għażla li l-popli jagħmlu u tirrofta li tagħraf l-għażla tal-popli meta l-Unjoni ma tkunx taqbel ma’ l-għażla li l-popli jagħmlu.
L-Unjoni Ewropea m’għandhiex dritt fl-istess li tinsisti għall-elezzjonijiet demokratiċi u tiċħad ir-riżultat tagħhom meta dan ma jogħġobhiex.
Hija fid-dmir li tirrispetta r-rieda
tal-maġġoranza mfissra demokratikament.
Iżda l-Unjoni lesta tagħmel dan fil-każ tar-rebħa tal-Ħamas
fil-Palestina?
Jekk ma tagħmilx dan, il-poplu
Palestinjan ikollu dritt jixli lill-Unjoni li hija kontrih u li mhux minnu li
l-Unjoni temmen fl-elezzjonijiet demokratiċi.
Tridu
jittradixxi l-elettorat
Biex tagħraf lill-Ħamas, l-Unjoni Ewropea trid li l-Ħamas imur
kontra r-rieda tal-maġġoranza li vvotatlu u jagħraf lill-Istat
ta’ Iżrael, jieqaf milli jiġġieled ħalli jeħles
lill-Palestina mill-okkupazzjoni Iżraelita u jċedi l-armi li għandu.
Il-Ħamas ma jridx jittradixxi
lill-maġġoranza tal-Palestinjani li vvotaw għat-twemmin u
l-programm tiegħu.
Jekk il-Ħamas ma jagħmilx kif tridu l-Unjoni Ewropea, din qiegħda
thedded li twaqqaf l-għajnuna finanzjarja li tagħti lill-Palestinjani.
Mingħajr għajnuna finanzjarja
minn barra, il-Ħamas ma jkunx jista’ jmexxi lill-Poplu Palestinjan.
Sal-lum l-Unjoni Ewropea ma kinitx tħares lejn il-Ħamas bħala
moviment li qed jiġġieled għall-ħelsien tal-Palestina mill-ħakma
Iżraelita u għad-dritt tal-Palestinjani li jingħataw lura arthom
u djarhom misruqin lilhom.
Kienet tqisu bħala moviment terroristiku, għax l-armi li juża fil-ġlieda għall-ħelsien, huma l-ispluzzjonijiet ta’ bombi li jagħmel fl-ibliet ta’ Iżrael li fihom jinqerdu nies ċivili.
Min-naħa tieghu l-Ħamas isostni li jekk il-ħafna mwiet tal-Palestinajani mill-Iżraeliti mhux terrorizmu, lanqas ma jista’ jitqies bħala terroriżmu l-qtil ta’ Iżraeliti mill-Palestinjani.
Iżda l-Unjoni Ewropea ma tqisx li
l-Iżraeliti jagħmlu atti terroristiċi meta jeqirdu
lill-Palestinjani, fil-waqt li tqis li l-Palestinjani jagħmlu atti
terroristiċi meta joqtlu lill-Iżraeliti.
Għajnuna
mill-Iran u s-Sawdi Għarabja
L-Unjoni Ewropea taf li jekk hija twaqqaf l-għajnuna finanzjarja
lill-Palestinjani minħabba r-rebħa elettorali tal-Ħamas, il-poplu
Palestinjan idur kontra l-Unjoni.
Taf ukoll li l-Ħamas jkollu jaqa’
għall-għajnuna finanzjarja mill-Iran u mis-Sawdi Għarabja li
t-tnejn għandhom il-mezzi finanzjarji biex jagħmlu tajjeb dak li
l-Palestinjani jitilfu mill-Unjoni Ewropea.
L-Unjoni Ewropea taf ukoll li mhux biss il-poplu Palestinjan ikun kontriha, iżda
wkoll jissoktaw jiħraxu kontriha l-popli Għarab li jifhmu li huma
l-pajjiżi Ewropej li jaħtu għall-inkwiet kollu tal-Palestina, minħabba
t-twaqqif ta’ l-Istat ta’ Iżrael bl-għajnuna tal-gvernijiet
Ewropej u bl-inkoraġġiment li taw lil-Lhud biex imorru mill-pajjiżi
Ewropej joqogħdu f’Iżrael.
Il-Ħamas qed jistaqsi lill-Unjoni Ewropea għax l-Unjoni ma tgħidx
lil Iżrael jagħraf minnufih it-twaqqif ta’ l-Istat tal-Palestina?
Għaliex l-Unjoni ma ssostnix ma’ l-Iżraeliti li jtemmu minnufih l-okkupazzjoni ta’ l-art Palestinjana li l-Ġnus Magħquda ilhom is-snin li ddeċidew li tingħata lura lill-Palestinjani?
U għaliex l-Unjoni ma ġġiegħelx
ukoll lil Iżrael inaqqas l-armi qerrieda li għandu u jneħħi
l-armi nukleari li għandu maħżunin?
‘Nuclear
free zone’
Dawn il-fatturi kollha u ħafna oħrajn ma jħallux lill-Unjoni
Ewropea tfassal politika barranija ġusta dwar il-Palestina u dwar ir-reġjun
tal-Lvant Nofsani.
Kellna eżempju tal-politika mħawwda
ta‘ l-Unjoni l-ġimgħa l-oħra meta saret riżoluzjoni dwar
il-programm nukleari ta’ l-Iran.
Fir-riżoluzjoni kien intqal li r-reġjun għandu jkun ħieles
mill-armi nukleari.
Iżda billi Iżrael għandu
l-armi nukleari, kien oġġezzjona għal dan il-kliem u kellu jitneħħa.
Żewġ pajjiżi ta’ l-Unjoni għandhom l-armi nukleari:
l-Ingilterra u Franza.
Ftit ġranet ilu, il-President Chirac stqarr li Franza tkun lesta tuża l-armi nukleari jekk ikollha bżonn.
F’pajjiżi oħrajn ta’ l-Unjoni hemm in-nukleari tan-NATO.
Għalhekk l-Unjoni ma tistax teħodha
kontra n-nukleari. Malta, fl-Unjoni hija mċappsa b’dan il-ħmieġ.
Is-Sibt, 11 ta’ Frar, 2006.
IRRIDU L'INDIPENDENZA MILL-UNJONI EWROPEA
e-mail: cnimalta at yahoo.co.uk
Inroddulek ħajr li żort il-paġna tagħna
Appoġġ fil-ġlieda għall-Indipendenza u l-Ħelsien
Trid tgħin biex niksbu mill-ġdid l-Indipendenza u l-Ħelsien?
Jekk iva, għin lis-CNI fil-ħidma tagħha biex il-maġġoranza tal-poplu tkun trid li neħilsu mill-ħakma ta' l-Unjoni Ewropea.
Issieħeb fis-CNI billi tibgħat €5 flimkien ma' din il-formola lis-
Segretarju Finanzjarju CNI,
60A, Triq id-Dejqa,
Valletta
Isem .......................................................
Indirizz ...................................................
ID Numru ...............................................
Inroddulek ħajr ta’ l-għajnuna tiegħek
Malta ħielsa u newtrali fl-aħħar tirbaħ