MERĦBA FIL-PAĠNA TAS-CNI
KAMPANJA ĦELSIEN NAZZJONALI
Kienet, għadha u tibqa' favur il-ħaddiema Maltin
u kontra s-sħubija ta' Malta fl-Unjoni Ewropea
Fis-seba’ snin 2007 – 2013 il-Maltin u l-Għawdxin se jkunu ħallsu lill-Unjoni Ewropea €420,000,000
Nazzjonaliżmu mhux razziżmu, iżda
patrijottiżmu!
Il-politika taż-żewġ partiti rigward dak li għandu
x’jaqsam ma’ l-immigrazzjoni illegali qiegħda tidher li hi kważi
l-istess.
L-unika
kompetizzjoni li hemm bejniethom hi dik ta’ min se jidher li għandu
l-akbar “ħniena” lejn l-immigranti illegali.
U
l-“ħniena” lejn pajjiżna u lejn il-ħarsien ta’ l-identità
nazzjonali tagħna tidher li qiegħda titwarrab fil-ġenb.
Jidher
ċar li ż-żewġ partiti qegħdin jibżgħu li jekk
ipoġġu l-ewwel l-interess ta’ pajjiżna u tal-poplu Malti, jiġu
mgħajrin “razzisti” mill-edituri u opinjonisti tal-ġurnali
bl-Ingliż!
Artiklu
interessanti ħafna fuq dan is-suġġett inkiteb mill-Avukat Anna
Mallia fil-ġurnal “Malta Today” ta’ nhar il-Ħadd, 4 ta’ Ġunju
bit-titlu “Nazzjonalisti m’humiex razzisti”.
Il-kelma
“Nazzjonalisti” ma kinitx qiegħda tirreferi għall-partitarji
tal-Partit Nazzjonalista, iżda għal dawk il-Maltin li jemmnu “fil-ħarsien
ta’ l-identità nazzjonali u t-tħaris tas-sigurtà nazzjonali” ta’
Malta.
Nemmnu
li jkun ta’ interess għall-qarrejja ta’ din il-paġna li nġibu
għall-attenzjoni tagħhom xi siltiet mill-artiklu ta’ Anna Mallia għax
jaqblu ma’ dak li temmen is-CNI
Fost
punti oħrajn Anna Mallia kitbet hekk:
1.
“Il-partiti politiċi u dawk kollha li qegħdin idaħħlu
rashom fir-ramel, jgħidulna li għandna noqgħodu attenti ħalli
ma nħallux lir-razzisti, “faxxisti” jew “estremisti” milli jieħdu
r-riedni f’idejhom. Kif jista’ jkun li l-kuxjenza tħallihom kwieti. Li
nafu żgur hu li għandna sezzjoni mis-soċjetà tagħna li mhix
kuntenta bil-mod kif is-sigurtà nazzjonali u l-identità nazzjonali qiegħda
tiġi mħarsa. Il-partiti politiċi ta’ pajjiżna m’huma jieħdu
ebda azzjoni dwar dan”.
2.
“Qegħdin iħallu barranin jiġu jaħdmu f’Malta bla ma
jistaqsuhom xi kwalifiki għandhom li jiżguraw li x-xogħol li jagħmlu
f’Malta jkun qabel mal-permess tax-xogħol li ngħataw”.
3.
“Qegħdin iħallu żwieġ ta’ konvenjenza bla ma jistaqsu għall-prova
li l-barrani huwa verament ħieles biex jiżżewweġ u joqogħdu
biss fuq dikjarazzjoni li jagħmlu dawn il-barranin”.
4.
“Kull barrani li jiżżewweġ xi mara Maltija, minkejja li jkun
isawwatha u li minkejja l-ammont ta’ għajnuna soċjali li nagħtuh
mit-taxxi tagħna, u minkejja d-diversi drabi li jkun weħel il-ħabs,
xorta nagħtuh iċ-ċittadinanza Maltija”.
5. Rigward l-esperjenza li għaddiet minnha l-Avukat Anna Mallia fl-Italja
meta l-Maltin kollha twaqqfu u ġew interrogati qabel tħallew jgħaddu
mill-ajruport, Anna Mallia kitbet hekk: “Ċertament l-Italja ma tistax tiġi
akkuzata b’razziżmu meta tieħu azzjoni biex tħares is-sigurtà
nazzjonali tagħha. Tista’ tiġi akkużata li qiegħda tikser
il-liġi ta’ l-Unjoni Ewropea dwar il-moviment ħieles tal-persuni, iżda
fl-istess ħin għandha tiġi mfaħħra għall-fatt li
tpoġġi s-sigurtà nazzjonali tagħha qabel l-Unjoni Ewropea”.
6. “Ħobbni u obgħodni, iżda l-opinjoni ġenerali f‘Malta
hi li mhux qed isir biżżejjed biex titħares l-identità
nazzjonali. In-nazzjonaliżmu qed jikber f’Malta u qed isib appoġġ
mill-isferi kollha tas-soċjetà Maltija. Kemm minn Nazzjonalisti kif ukoll
minn Laburisti. U ħafna nies fit-toroq qed jappoġġjaw dawn
l-organizzazzjonijiet tal-Lemin jew il-Lemin Estrem”.
7.
“Dawk li jħallsu t-taxxi m’humiex razzisti. Huma mdejqin jaraw it-taxxi
tagħhom minfuqin fuq nies li ma jkunu qegħdin jikkontribwixxu xejn għall-ekonomija
ta’ pajjiżna. Huma mdejjqin li jkollhom joqogħdu fil-kju għal
ħin twil fiċ-Ċentru ta’ l-Emerġenza f’San Luqa u jaraw
dawn l-immigranti illegali jitqabbżu l-kju u jinqdew aħjar. Ma
jippretendux li dawn il-mistednin mhux mixtieqa jiġu ttrattati aħjar
minna. Aktar ma ntambru fuq ‘ir-razziżmu’ aktar se tikber il-firda
bejnietna”.
8.“Li
tkun Nazzjonalist ma jfissirx li tkun razzist. Kwalunkwe dizzjunarju jgħidlek
li tkun Nazzjonalist ifisser li tkun patrijottiku. Iż-żewġ
partiti politiċi huma responsabbli għat-tixrid ta’ dawn
il-fazzjonijiet lemini.
“Issa
hija r-responsabbiltà tagħhom li jiżgurawna li dawn ma jikbrux aktar,
mhux billi jiddaħħlu pieni aktar ħorox, iżda billi s-sigurtà
nazzjonli u l-identità nazzjonli jerġgħu jitpoġġew fuq
quddiem ta’ l-aġenda nazzjonali tagħna”.
L-unika
punt li ma naqblux ma’ dak li kitbet Anna Mallia hu dak li qisu dawk li huma
“nazzjonlisti” (jiġifieri jpoġġu l-interess ta’ Malta qabel
kollox) huma Leminin.
Anzi
naħsbu l-kontra.
Aktar
hemm Xellugin li jemmnu li l-interess ta’ pajjiżna għandu jiġi
l-ewwel.
Il-bqija
m’hemmx aktar xi nżidu ma’ li kitbet tant tajjeb Anna Mallia.
J’Alla
l-partiti politiċi jagħtu kas ta‘ dak li nkiteb jekk ma jridux li
jkollna sorpriżi kbar fl-Elezzjoni Ġenerali li jmiss.
Il-ħrafa
Ewropea tal-privatizzazzjoni
Wieħed
mill-kmandamenti li kull pajjiż li jissieħeb bħala membru fl-UE
jrid jibda jemmen fih hu l-privatizzazzjoni ta’ l-azjendi – speċjalment
dawk kummerċjali – li jkunu tal-poplu, jiġifieri tal-Gvern.
L-allat
ta’ l-UE jġibu l-iskuża komda li meta dawn l-azjendi jingħataw
f’idejn il-privat, dawn isiru iktar effiċjenti u b’hekk il-konsumatur
jinqeda aħjar u b’orħos għax ikun hemm il-kompetizzjoni ma’
azjendi privati oħrajn!
Kemm
dan mhu veru xejn rajnih u missejnih b’idejna stess meta l-“ġojjell”
ta’ bank li kellu l-poplu Malti, ingħata bir-ribass lill-HSBC.
Apparti
li flok ma ħoloq opportunitajiet ta‘ xogħol ġodda, dan kien
naqqas mijiet ta’ ħaddiema.
Is-servizzi
li kien jinghata l-poplu mill-Mid-Med Bank qabel, tnaqqsu ghax ingħalqu
diversi uffiċini f’xi rħula f’Malta u f’Għawdex.
Waqt
li l-prezz tas-servizzi li jingħataw ogħla u mhux niżel għall-klijenti
jew “konsumaturi” tal-bank!
L-investitur
privat, kif dejjem sħaqna aħna, m’għandu ebda obbligu soċjali
lejn il-poplu, li joffri servizzi li jkunu baxxi biżżejjed biex kulħadd
ikun jista’ jlaħħaq magħhom.
L-uniku
obbligu ta‘ min imexxi azjenda privata hu lejn is-sidien, ix-shareholders
tal-kumpanija u xejn iżjed.
U
l-għan ta’ dawn l-azjendi hu li l-profitti jkunu kemm jista’ jkun kbar,
u kull sena jiżdiedu!
Għalhekk
ukoll qed naraw l-istorja tirrepeti ruħha fil-każ tas-Sea Malta, li
tkissret biex ix-xogħol utli li kienet tagħmel fl-interess ta’ pajjiżna,
ngħata lill-kumpanija privata Taljana, il-‘Malta Motorways of the Sea’
tal-biljunarju Grimaldi.
L-istess
ġara f’dan il-każ.
It-tariffi
u s-servizzi, minflok tjiebu biex l-esportaturi f’pajjiżna jikkompetu aħjar,
għolew sewwa.
U
s-servizzi marru għall-agħar!
Tgħid
ta’ din il-ħsara li qiegħda ssir lil pajjiżna, għax għandna
Gvern li lest jobdi b’għajnejh magħluqin il-kmandamenti ta’ l-UE,
se tikkumpensana l-Unjoni Ewropea?
Jibżgħu
jqajmuha mill-mewt!
Il-President
tal-Kummissjoni Ewropea, Josè Manuel Barroso, ħabbar li għadu mhux iż-żmien
li jerġgħu jipprovaw iqajmu mill-mewt il-Kostituzzjoni ta’ l-Unjoni
Ewropea.
Fil-fatt
qegħdin jibżgħu jagħmlu dan għax jafu li jerġgħu
jaqilgħu damdima oħra.
Barroso
wasal biex iwaħħal fil-gvernijiet nazzjonali, li qegħdin iwaħħlu
fl-UE għall-problemi kbar li għandhom.
Imbagħad
f’Malta qegħdin naraw jiġri l-kontra.
Hawnhekk
kważi ħadd mill-politiċi u l-midja ma jwaħħal fl-UE għall-problemi
li għandna.
Hawn
jieħdu pjaċir iwaħħlu f’xulxin u lill-UE, li żgur taħti
għal diversi problemi li għandna – bħall-għoli fil-prezz
tal-mediċini – minħabba t-taxxa ta’ reġistrazzjoni imposta
– qegħdin iħalluha gallarija!!!
Il-Ġermanizi
jitilfu l-fiduċja
Skond
il-European Journal ta’ Mejju 2006, il-poplu Ġermanizż qiegħed
jitlef dejjem aktar il-fiduċja fl-UE.
Skond
stħarriġ ta’ l-opinjoni pubblika li sar mir-‘Readers Digest
European Trusted Brands, irriżulta li 39 fil-mija tal-poplu Ġermaniz
iridu li l-Unjoni Ewropea jkollha inqas influwenza fuq pajjiżhom milli għandha
issa.
Waqt
li kienu biss 20 fil-mija li jaħsbu li l-UE jkollha iżjed influwenza
fuq il-Ġermanja.
Sebgħa
u tmenin fil-mija jaħsbu li l-UE hija wisq burokratika.
Waqt
li 61 fil-mija qalu li m’għandhomx informazzjoni biżżejjed dwar
il-Kostituzzjoni ta’ l-UE.
Ħlas
għal ċerti gurnalisti
Hans
Peter Martin, li spiss jikxef stejjer imbarazzanti dwar l-UE, kixef storja oħra
fl-International Herald Tribune (5 ta’ April, 2006).
F’din
l-istorja ntqal kif l-UE tħallas sussidji lil ċerti ġurnalisti
biex darba fix-xahar imorru Strasbourg biex jikkaverjaw is-sessjoni plenarja
tal-Parlament Ewropew.
Jagħtuhom
‘camera crews’ b’xejn u 100 Ewro kuljum għall-ikel u spejjeż oħrajn.
Il-Presidenza
Awstrijaka organizzat vjaġġ lussuż għal Vjenna għal 60
gurnalist magħżulin fi Frar.
Ingħataw
akkomodazzjoni fil-Hilton Hotel u kellhom ikla lussuża f’kastell barokk
bl-aqwa ikel u divertiment minn kantanti magħrufin ta’ l-opri!
X’ma
jkunux iffissati fuq l-Unjoni Ewropea ċerti ġurnalisti!
Taqbila
Il-privat m’għandu ebda obbligu soċjali,
lejn
is-sidien biss irid ikun leali.
Il-profitt
kull sena jkun irid iżid,
għax
dak li jippretendi minnu s-sid!
Is-Sibt, 10 ta’ Ġunju, 2006.
e-mail: cnimalta at yahoo.co.uk
IRRIDU L'INDIPENDENZA MILL-UNJONI EWROPEA
Inroddulek ħajr li żort il-paġna tagħna
Appoġġ fil-ġlieda għall-Indipendenza u l-Ħelsien
Trid tgħin biex niksbu mill-ġdid l-Indipendenza u l-Ħelsien?
Jekk iva, għin lis-CNI fil-ħidma tagħha biex il-maġġoranza tal-poplu tkun trid li neħilsu mill-ħakma ta' l-Unjoni Ewropea.
Issieħeb fis-CNI billi tibgħat €5 flimkien ma' din il-formola lis-
Segretarju Finanzjarju CNI,
60A, Triq id-Dejqa,
Valletta
Isem .......................................................
Indirizz ...................................................
ID Numru ...............................................
Inroddulek ħajr ta’ l-għajnuna tiegħek
Malta ħielsa u newtrali fl-aħħar tirbaħ