MERHBA FIL

NAĦILFU LI NEĦILSU LIL MALTA MILL-JASAR, IL-KOLONJALIŻMU U L-ĦAKMA DITTATORJALI ILLEGALI TA' L-UNJONI EWROPEA

GĦID LID-DEPUTAT PARLAMENTARI TIEGĦEK LI TRID LI MALTA TIKSEB LURA L-INDIPENDENZA U L-ĦELSIEN!

L-Unjoni Ewropea ordnat li mis-sena 2010 il-Maltin u l-Għawdxin iħallsuha

€182,192 kuljum misruqa minn ħalq uliedek

It-Trattat ta’ Riforma jiġi kkritikat bl-aħrax

L-istorja tat-Trattat ġdid ta’ Riforma ta’ l-Unjoni Ewropea hija waħda ta’ għajb kbir għall-istess blokk Ewropew.

Għax bih l-Unjoni qiegħda tinganna lill-popli tal-pajjiżi membri billi turihom li qiegħda tagħmel trattat differenti minn dak li l-Franċiżi u l-Olandiżi vvotaw kontrih, mentri fil-fatt dan għandu l-istess ħwejjeġ bħal ta’ qablu, minbarra li ma jissejjaħx Kostituzzjoni.

B’dan l-eżerċizzju ta’ ingann l-UE trid tevita li l-popli ma jaċċettawx it-Trattat il-ġdid, billi ma jsirux referenda popolari dwaru u minflok, jirratifikawh il-politiċi fil-Parlamenti.

L-UE qiegħda b’hekk turi li mhix żgura mill-appoġġ tal-popli f’dak li qiegħda tagħmel, iżda xorta waħda trid tbella’ lill-popli dak li ma jogħġobhomx.

Ma setgħetx l-UE tagħti lilha nfisha ċertifikat akbar tan-nuqqas ta’ demokrazija fi ħdanha.

B’din il-kritika ħarxa ċ-Ċermen tas-CNI, Dr Karmenu Mifsud Bonnici, fetaħ il-konferenza stampa li ngħatat minna nhar it-Tnejn, 6 ta’ Awissu, dwar it-Trattat il-ġdid ta’ Riforma ta’ l-UE, li l-Gvernijiet tal-pajjiżi membri qegħdin issa jiddiskutu, skond ma l-mexxejja tal-pajjiżi kienu ftehmu fil-laqgħa għolja li saret f’Berlin f’Ġunju li għadda.

Il-pjan ta’ l-Unjoni hu li aktar tard din is-sena l-mexxejja tal-pajjiżi msieħbin jiffirmaw it-Trattat il-ġdid li għandu jimla l-vojt li nħoloq bil-“LE” li l-Franċiżi u l-Olandiżi qalu sentejn ilu għat-Trattat tal-Kostituzzjoni ta’ l-Unjoni Ewropea.

Il-mexxejja tas-27 pajjiż ta’ l-UE kienu ffirmaw dak it-trattat tal-Kostituzzjoni f’ċerimonja solenni b’ħafna daqq ta’ trombi f’Ruma, fid-29 ta’ Ottubru 2004.

Dak l-iffirmar sar għalxejn, kif l-istess għalxejn il-Parlament Malti f’Lulju ta’ l-2005, wara li l-Franċiżi u l-Olandiżi qalu “LE” għat-Trattat tal-Kostituzzjoni, b’kapriċċ vvota unanimament favur ir-ratifika tat-Trattat.

Il-popli injorati

Fil-konferenza stampa tas-CNI intqal li l-UE, wara d-daqqa ta’ ħarta li qalgħet mill-Franċiżi u l-Olandiżi, nediet perjodu ta’ riflessjoni u diskussjonijiet ħalli ssir taf kif il-popli tal-pajjiżi membri jaħsbuha dwarha.

L-għadd kbir ta’ laqgħat ta’ diskussjoni li saru, ukoll saru għalxejn, għax fit-Trattat il-ġdid li l-Unjoni ħejjiet, ma fih xejn minn dak li ntqal fil-laqgħat ta’ diskussjonijiet.

Minflok tat kas x’qalu l-popli tal-pajjiżi membri, l-UE għamlet trattat ġdid li bih qiegħda temenda t-Trattat tagħha ta’ Ruma u t-Trattat l-ieħor ta’ Maastricht billi tinfilsa fihom, kelma b’kelma, dak kollu ta’ sustanza li kien fit-Trattat tal-Kostituzzjoni. Mingħajr ma tissemma mkien il-kelma Kostituzzjoni, xorta waħda t-Trattat il-ġdid, li qed jissejjaħ Trattat ta’ Riforma, fih dak kollu li popli ta’ Franza u ta’ l-Olanda oġġezzjonaw għalih.

Oġġezzjonijiet

Għalhekk l-oġġezzjonijiet ġustifikati u f’waqthom li saru kontra t-Trattat tal-Kostituzzjoni ta’ l-2004, huma l-istess b’saħħithom u flokhom kontra t-Trattat il-ġdid ta’ Riforma.

Anzi, f’xi bnadi, it-Trattat ta’ Riforma hu agħar mit-Trattat tal-Kostituzzjoni.

Intqal fil-konferenza stampa li s-CNI għandha oġġezzjoni fundamentali għat-Trattat ta’ Riforma li jkompli jżid l-oqsma li fihom l-Unjoni Ewropea tieħu deċiżjonijiet bis-sistema tal-maġġoranza u mhux bil-kunsens tal-pajjiżi membri kollha.

Għax deċiżjoni meħuda b’maġġoranza tfisser li l-pajjiż li vvota kontra għax iqis li d-deċiżjoni mhix fl-interess nazzjonali, xorta waħda jkollu jwettaqha kontra l-interess nazzjonali u kontra r-rieda tal-maġġoranza tal-poplu tal-pajjiż li l-Gvern tal-pajjiż jirrappreżenta.

Jekk il-Gvern Malti jopponi direttiva li l-Unjoni tagħti bis-saħħa tas-sistema tal-maġġoranza, xorta waħda l-Gvern ikollu jressaqha fil-Parlament Malti u jġiegħel il-maġġoranza tal-membri jivvotaw favoriha, minkejja li huma ma jkunux jaqblu magħha.

B’dan il-mod l-Unjoni Ewropea tfarrak id-demokrazija parlamentari ta’ pajjiżna.

Kompetizzjoni bi xkiel

Punt importanti li tqanqal fil-konferenza stampa tas-CNI kien dwar it-tibdil li Franza saħqet li jsir dwar il-politika tas-suq intern ta’ l-Unjoni.

Fejn l-Unjoni kienet tistqarr fost l-għanijiet tagħha li hi għandha toffri suq intern fejn il-kompetizzjoni hija libera u mhux imxekkla, fit-Trattat il-ġdid ta’ Riforma nqatgħu barra l-kliem “fejn il-kompetizzjoni hija libera u mhux imxekkla”.

Għas-CNI din il-bidla dwar kif l-Unjoni tħares lejn is-suq intern fejn mhux bilfors il-kompetizzjoni għandha tkun libera u ma tkunx imxekkla, tippreżenta opportunità għall-pajjiżna fir-rigward tat-Tarzna.

Bl-iskuża li t-Tarzna ta’ Malta ma tagħmilx kompetizzjoni mhux xierqa lit-tarzni l-oħrajn tal-pajjiżi ta’ l-Unjoni, din ta’ l-aħħar rabtet lill-Gvern Malti li

Dawk ir-restrizzjonijiet bażwru lit-Tarzna u se jeqirduha.

La skond it-Trattat ta’ Riforma l-għanijiet ta’ l-UE jippermettu li l-kompetizzjoni ma tkunx libera u tkun imxekkla, pajjiżna

Jekk l-Unjoni ma tkunx trid taċċetta li jinbidel il-ftehim tat-Tarzna għax din hija kumpanija kummerċjali, allura l-Gvern għandu jeħles mill-irbit tal-ftehim dwar it-Tarzna, billi ma jħallix aktar it-Tarzna taħt kumpanija kummerċjali u ssir dipartiment ieħor tal-Gvern.

Id-dipartimenti tal-Gvern ma jitmexxewx skond is-sistema tal-kompetizzjoni libera u mhux imxekkla fl-ebda pajjiż ta’ l-UE.

U b’hekk tista’ titmexxa t-Tarzna ta’ Malta li tkun direttament f’idejn il-Gvern.

Is-CNI temmen li l-interess nazzjonali jesiġi li t-Tarzna, li hija l-Università tas-Snajja’ f’pajjiżna, tissaħħaħ mhux tinqered.

Nafu li l-ġurnali bl-Ingiż ta’ pajjiżna dejjem jilgħaqu lill-Unjoni Ewropea, iżda laqatna Editorjal ta’ wieħed mill-ġurnali bl-Ingliż ta’ nhar il-Ħadd li għadda, għax tgħidx kemm ħareġ ilsienu ‘l barra biex jilgħaq lill-UE.

Dan l-Editorjali isserva bl-iskuża li l-mexxejja Laburisti għandhom jagħmlu apoloġija lill-votanti għal kemm opponew is-sħubija ta’ Malta fl-Unjoni.

Skond l-Editorjal, illum kulħadd – ħlief dawk il-Laburisti ffissati – jaqbel li l-Partit Laburista (u allura anki s-CNI), kienu żbaljati meta opponew is-sħubija fl-Unjoni.

Mid-dehra l-Editorjal ta’ dan il-ġurnal bl-Ingliż tal-Ħadd li għadda ma jafx bir-riżultat ta’ l-istħarriġ li sar mill-UE stess f’April li għadda fejn jirriżulta li 51 fil-mija biss jaqblu mas-sħubija ta’ Malta fl-Unjoni.

Possibbli li d-49 fil-mija l-oħrajn huma kollha ‘grassroots’ tal-Partit Laburista?

Ma konniex sorpriżi li 66 fil-mija qalu li jaħsbu li Malta bbenifikat bis-sħubija, meta dawn kuljum fuq il-midja kollha jaqraw u jisimgħu bumbardament sħiħ ta’ propaganda ta’ l-UE rigward is-suppost miljuni ta’ Ewros ġejjin lejn pajjiżna, bla ħadd ħliefna s-CNI, mhux qed jagħti

Jistgħu jispjegawlna kif mela, minkejja li 66 fil-mija jaħsbu li Malta bbenifikat bis-sħubija, huma biss 51 fil-mija li jaqblu magħha?

L-Editorjal li semmejna ftaħar bid-dħul ta’ l-Ewro bħala “l-ewwel riżultat kbir tas-sħubija”.

Aħna ngħidulu li fid-dħul ta’ l-Ewro, la l-poplu Malti u lanqas il-Gvern Malti ma kellu l-ebda għażla.

Imma b’kumbinazzjoni, fl-istess ħarġa tal-ġurnal bl-Ingliż tal-Ħadd li għadda, kien hemm artiklu stupend ta’ Dr Philip M. Beattie, lecturer fl-Universita`, dwar l-Ewro.

Dr Beattie wera kemm il-vantaġġi kif ukoll l-iżvantaġġi li l-Ewro jista’ jkollha fuq l-ekonomija ta’ pajjiżna.

Minbarra li bl-Ewro l-popu Malti jitlef kull kontroll fuq l-immaniġġjar ta’ l-ekonomija Maltija, aktar minn hekk se nitilfu parti mportanti ħafna mill-identita` tagħna bħala poplu sovran u indipendenti.

Din is-sovranita` u l-identita` li tagħtik il-munita tiegħek, anki waħedha, hi ħaġa imprezzabbli li ma titkejjilx bil-flus.

L-Editorjal waqa’ fl-istess livell ta’ xi David Casa meta qal li ma ġejniex “invaduti mill-Isqallin” u “lanqas ġew nies jieħdu x-xogħol tal-ħaddiema Maltin”.

Jaf jew ma jafx kemm il-elf barrani, ċittadini ta’ l-UE, ġew Malta minn mindu pajjiżna sar kolonja ta’ l-Unjoni?

Jaf jew ma jafx kemm mijiet ta’ ħaddiema mill-pajjiżi ta’ l-UE qegħdin jaħdmu fit-Tarzna flok il-ħaddiema Maltin li ntbagħtu barra bil-pensjoni?

Possibbli mhux qed jara ħaddiema barranin mill-UE jaħdmu f’lukandi, restoranti, fil-kostruzzjoni, bajjada, jpoġġu l-madum, eċċ, eċċ?

Aħna nistaqsu lill-ġurnal bl-Ingliż tal-Ħadd li għadda, jekk jaħsibhiex bħalna li bid-dħul fl-UE, Malta saret ukoll kalamita għall-immigranti illegali li jitilqu mill-kosta Afrikana, għax Malta hija l-eqreb art ta’ l-UE?

Ma jemminx, bħal ma nemmnu aħna, li f’din il-problema l-UE u l-maġġoranza l-kbira tal-pajjiżi membri, qegħdin jgħadduna biż-żmien?

Ħelsien u indipendenti

* eluf ta’ żgħażagħ tagħna jew qatgħu qalbhom li jiżżewġu u jrabbu familja,

* jew issallbu għal għomorhom minħabba ż-żieda astronomika fil-prezz tal-bini,

li b’hekk ma stajniex inkomplu nikkontrollaw min seta` jiġi mill-UE jixtri proprjeta` u joqgħod u jaħdem b’mod permanenti f’pajjiżna?

Il-ġurnal li semmejna tal-Ħadd li għadda ma tgħallimx, wara li fl-ewwel paġna tiegħu ħabbar kif Malta “Tilfet ammont kbar ta’ fondi ta’ l-UE” minħabba dewmien min-naħa tal-Gvern Malti, li l-fondi li jissemmew, m’hemmx garanzija li se jaslu kollha, għax dawn huma marbutin b’ħafna kundizzjonijiet?

Bħal ma spiċċa l-artiklu Dr Beattie, aħna wkoll nistqarru li nemmnu f’Ewropa ta’ pajjiżi sovrani u li lesti li nibqgħu nitħabtu biex Malta terġa’ ssir pajjiż ħieles u indipendenti.

IRRIDU LURA L-LIBERTA`

Jekk iva, għin lis-CNI fil-ħidma tagħha biex il-maġġoranza tal-poplu tkun trid li neħilsu mill-ħakma ta' l-Unjoni Ewropea.

Editorjal Lagħqi

Żvantaġġi ta’ l-Ewro