MERĦBA FIL-PAĠNA TAS-CNI
KAMPANJA ĦELSIEN NAZZJONALI
Kienet, għadha u tibqa' favur il-ħaddiema Maltin
u kontra s-sħubija ta' Malta fl-Unjoni Ewropea
JEKK TIRRISPETTA L-KOSTITUZZJONI TA' PAJJIŻEK GĦID LID-DEPUTAT PARLAMENTARI TIEGĦEK JIRRISPETTA L-FEHMIET TIEGĦEK U MA JIVVOTAX FAVUR IL-KOSTITUZZJONI TA' L-UNJONI EWROPEA LI TKASBAR IL-KOSTITUZZJONI TA' MALTA
Mill-Kampanja Ħelsien Nazzjonali CNI
GĦID LID-DEPUTAT PARLAMENTARI TIEGĦEK LI TRID LI MALTA TIKSEB LURA L-INDIPENDENZA U L-ĦELSIEN!
Fis-seba’ snin 2007 – 2013 il-Maltin u l-Għawdxin se jkunu ħallsu lill-Unjoni Ewropea €360,000,000
Il-Kostituzzjoni ta’ l-UE ma tgħoddx għalina
JEKK m'aħniex sodisfatti bil-kundizzjonijiet tal-ftehim li sar ma' l-Unjoni Ewropea, lanqas li nistgħu nagħmlu biex nuru n-nuqqas ta' sodisfazzjon u l-oppożizzjoni tagħna huwa li ma nivvotawx favur il-Kostituzzjoni ġdida ta' l-Unjoni, ħalli l-Unjoni tifhem kemm hija kwistjoni ta' ħajja jew mewt għall-poplu tagħna li l-ftehim dizastruż li sar, jinbidel.
Kull min intlaqat jew se jintlaqat ħażin bil-ftehim li sar, u kull min kien u għadu kontrih, ma jaċċettax li r-rappreżentanti parlamentari li għalihom ivvota, kemm dawk tal-Parlament Malti, kif ukoll dawk tal-Parlament Ewropew, jivvutaw favur Kostituzzjoni ġdida li se tagħti aktar setgħat lill-Unjoni Ewropea, li bihom l-Unjoni tkun tista' ’l quddiem tagħmel regolamenti agħar minn dawk li hemm illum skond il-ftehim li sar is-sena l-oħra.
M'hemmx dubju li l-Kostituzzjoni ġdida ta' l-Unjoni tagħti
lill-Unjoni setgħat lill-Unjoni Ewropea, li bihom l-Unjoni tkun tista' ’l
quddiem tagħmel regolamenti agħar minn dawk li hemm illum skond
il-ftehim li sar is-sena l-oħra.
M'hemmx dubju li l-Kostituzzjoni ġdida ta' l-Unjoni tagħti lill-Unjoni
setgħat aktar milli għandha llum biex tagħmel regolamenti f'oqsma
aktar milli tista' llum, anki jekk Malta tkun kontra tagħhom għax
ikunu se jagħmlu aktar ħsara milli ġid lill-poplu tagħna.
Kostituzzjoni ħażina
MINFLOK tnaqqsu s-setgħat ta' l-Unjoni Ewropea u ngħataw lura lill-istati membri, bil-Kostituzzjoni ġdida żdiedu s-setgħat lill-Unjoni u dawn ittieħdu mill-gvernijiet ta' l-istati membri ta' l-Unjoni.
Dan ma sarx biex jintlaħqu aħjar l-għanijiet tal-paċi u tas-solidarjetà bejn il-pajjiżi membri, iżda sar biex l-Unjoni tikseb aktar saħħa u b'hekk tnaqqas is-saħħa ta' l-istati membri.
Minflok ma l-poplu tal-pajjiżi membri ngħataw aktar saħħa
biex jiddeċiedu ħwejjiġhom, ittieħdet aktar saħħa
mingħand il-popli ħalli l-Unjoni kisbet hija aktar saħħa
biex hija tiddeċiedi x-xorti tal-popli kollha tal-pajjiżi membri.
Biex tikber is-supremazija ta' l-Unjoni fuq l-istati membri, il-Kostituzzjoni
ġdida tgħid ċar u tond li hija aqwa minn kull kostituzzjoni ta'
kull stat membru.
U biex ikun ċar li l-istati membri huma suġġetti għas-super
stat ta' l-Unjoni, jingħad fil-Kostituzzjoni li kull liġi li l-Unjoni
għandha s-setgħa li tagħmel, tegħleb kull liġi li
l-parlamenti nazzjonali għandhom setgħa li jagħmlu.
Il-Kostituzzjoni ġdida ta' l-Unjoni se titressaq quddiem il-Parlament
Ewropew f'Diċembru li ġej ħalli l-Parlament japprovaha.
Huwa importanti għall-Membri Parlamentari Maltin fil-Parlament
Ewropew li juru li ma jaqblux magħha.
Wara l-Kostituzzjoni trid titressaq għall-approvazzjoni (ratifika)
tal-Parlament Malti.
Hemm huwa importanti li l-membri li mhux lesti jmorru kontra l-ġurament ta' fedeltà u lealtà lejn il-Kostituzzjoni ta' Malta, li ma jivvotawx favuriha ħalli jsostnu l-Kostituzzjoni tagħna.
It-Torri ta' Babel u l-UE
MEMBRI ta' l-Akkademja tal-Malti huma ddispjaċuti li l-Unjoni Ewropea sabet skuża biex ma taqlibx id-dokumenti kollha tagħha għall-Malti qabel ir-referendum
Ġurament ta' lealta` li jieħdu l-Membri Parlamentari kollha
Jiena ................................................ solennement naħlef / niddikjara li nkun tassew fidili u leali lejn il-Poplu u r- Repubblika ta’ Malta u l-Kostituzzjoni tagħha. (Hekk Alla jgħini).
Ġurament għall-qadi xieraq tal-kariga ta’ Prim Ministru jew Ministru ieħor jew Segretarju Parlamentari.
Jiena ................................................ solennement naħlef / niddikjara li naqdi fedelment u skond il-kuxjenza d-dmirijiet tiegħi bħala (Prim Ministru/Ministru/Segretarju Parlamentari) skond il-Kostituzzjoni u l-liġijiet ta’ Malta, mingħajr biża’ jew favur. ( Hekk Alla jgħini).
Ġurament għall-qadi xieraq tal-kariga ta’ President.
Jiena ..............................................., solennement naħlef / niddikjara li naqdi fedelment il-kariga ta’ President (li naqdi fedelment il-funzjonijiet tal-President) ta’ Malta, u li, skond l-aħjar ħila tiegħi nikkonserva, inħares u niddefendi l-Kostituzzjoni ta’ Malta. (Hekk Alla jgħini).
Sezzjoni 6 tal-Kostituzzjoni ta' Malta
6. Bla ħsara għad-disposizzjonijiet tas-subartikoli (7) u (9) ta’ l-artikolu 47 u ta’ l-artikolu 66 ta’ din il-Kostituzzjoni, jekk xi liġi oħra tkun inkonsistenti ma’ din il-Kostituzzjoni, din il-Kostituzzjoni għandha tipprevali u l-liġi l-oħra għandha, safejn tkun inkonsistenti, tkun bla effett.
Artiklu I-6 tal-Kostituzzjoni ta' l-Unjoni Ewropea
Dritt ta' l-Unjoni
Il-Kostituzzjoni u l-liġijiet adottati mill-istituzzjonijiet ta’ l-Unjoni fl-eżerċizzju tal-kompetenzi konferiti lilha għandhom jipprevalu fuq id-dritt ta’ l-Istati Membri.
Tista' tafda lil min jikser il-ĠURAMENT tiegħu/tagħha?
IRRIDU L'INDIPENDENZA MILL-UNJONI EWROPEA
Il-Ħamis, 7 ta' Ottubru, 2004.
e-mail: cnimalta at yahoo.co.uk
Inroddulek ħajr li żort il-paġna tagħna
Appoġġ fil-ġlieda għall-Indipendenza u l-Ħelsien
Trid tgħin biex niksbu mill-ġdid l-Indipendenza u l-Ħelsien?
Jekk iva, għin lis-CNI fil-ħidma tagħha biex il-maġġoranza tal-poplu tkun trid li neħilsu mill-ħakma ta' l-Unjoni Ewropea.
Issieħeb fis-CNI billi tibgħat Lm2 flimkien ma' din il-formola liċ-
Chairman CNI,
Dr Karmenu Mifsud Bonnici B.A. LL.D.
81, Triq Ġuże Pace,
Ħamrun.
Isem .......................................................
Indirizz ...................................................
ID Numru ...............................................
Inroddulek ħajr ta’ l-għajnuna tiegħek
Malta ħielsa u newtrali fl-aħħar tirbaħ