MERHBA FIL

NAĦILFU LI NEĦILSU LIL MALTA MILL-JASAR, IL-KOLONJALIŻMU U L-ĦAKMA DITTATORJALI ILLEGALI TA' L-UNJONI EWROPEA

GĦID LID-DEPUTAT PARLAMENTARI TIEGĦEK LI TRID LI MALTA TIKSEB LURA L-INDIPENDENZA U L-ĦELSIEN!

L-Unjoni Ewropea ordnat li mis-sena 2010 il-Maltin u l-Għawdxin iħallsuha

€182,192 kuljum misruqa minn ħalq uliedek

L-Unjoni Ewropea ma tridx li t-Tarzna tingħata għajnuna finanzjarja wara Diċembru tas-sena d-dieħla.

Pajjiżna jagħmel żball kbir jekk joqgħod għal li trid l-Unjoni dwar it-Tarzna.

Għax it-Tarzna għandha titqies li hija l-aqwa skola tas-snajja' li pajjiżna jista' qatt ikollu, u t-taħriġ tekniku prattiku li ż-żgħażagħ jistgħu jiksbu fit-Tarzna, qatt ma jistgħu jeħduh fil-Kulleġġ tat-Teknoloġija u fil-Fakultà tax-Xjenzi fl-Università, jew imkien ieħor.

Ikun ta' siwi ħafna jekk inħejju ż-żgħażagħ tagħna fis-snajja' u fit-teknoloġija b'taħriġ prattiku fil-ħwienet tax-xogħol tat-Tarzna, flimkien mat-tagħlim li jingħataw fil-Kulleġġ tat-Teknoloġija u fl-Università.

Jekk nagħmlu dan, inkunu nistgħu nagħtu għajnuna finanzjarja lit-Tarzna talli tkun qiegħda tħarrġilna l-imgħallmin tas-snajja' ta' għada u t-tekniċi li pajjiżna jeħtieġ fis-snin li ġejjin.

L-Unjoni Ewropea ma jkollhiex raġun toġġezzjona għall-għoti ta' fondi pubbliċi lit-Tarzna li tkun il-‘workshop’ tal-Kulleġġ tat-Teknoloġija u ta' l-Università.

Hekk kif lill-Kulleġġ u l-Università jingħataw fondi pubbliċi għat-tagħlim teoretiku fis-snajja', fix-xjenzi u fit-teknoloġija, it-Tarzna tkun tista' tingħata fondi pubbliċi għal dak it-taħriġ prattiku meħtieġ biex jikkumplimenta t-tagħlim teoretiku mogħti fil-Kulleġġ u fl-Università.

Ikun aħjar għal pajjiżna jekk il-miljuni li għandna nonfqu biex nibnu u nfornu b'impjant modern il-‘workshops’ fil-Kulleġġ tat-Teknoloġija, nonfquhom billi nfornu b'impjant modern il-‘workshops’ fit-Tarzna għat-taħriġ prattiku taż-żgħażagħ tagħna fis-snajja' u fit-teknoloġija, barra li jservu għat-tiswija u l-bini tal-vapuri.

Lill-Unjoni Ewropea għandna nfehmuha li pajjiżna jitfaqqar mhux bl-għoti tal-fondi lit-Tarzna, iżda bl-għeluq tat-Tarzna jekk ma nagħtuhiex għajnuna.

Ngħidulha lill-Unjoni li l-għajnuna mogħtija lit-Tarzna li tħarreġġ liż-żgħażagħ tagħna fis-snajja' u fit-teknoloġija, hija investiment li jirrendi lill-pajjiż, bħal ma huwa investiment l-infiq li nagħmlu fl-iskejjel, fil-kulleġġi u fl-Università.

B'dan il-mod, fl-Estimi ta' kull sena tad-Dipartiment ta' l-Edukazzjoni, fil-voti ta' l-infiq kapitali u ta' l-ispejjeż rikorrenti ta' l-iskejjel, kulleġġi u l-Università, inkunu nistgħu ninkludu l-infiq ta' natura kapitali għall-immodernizzar tat-Tarzna u l-ħlas ta' parti mill-ispejjeż rikorrenti tat-Tarzna, li titqies bħala 'workshop' tal-Kulleġġ tat-Teknoloġija u ta' l-Università.

Ma' l-Unjoni Ewropea għandna nsostnu li pajjiżna għandu bżonn nies tas-sengħa u nies tekniċi, u mhux biss impjegati f'uffiċini u fil-ħwienet.

Nuruha lill-Unjoni li m'aħniex lesti nikkuntentaw li jerġa' jkollna mijiet ta' ħaddiema tas-sengħa li jiġu sparpaljati f'xogħol mhux tas-sengħa f'uffiċini governattivi u parastatali biex ma jiġux qegħda, iżda xorta waħda jitħallsu minn fondi pubbliċi, basta ma jibqgħux jitħallsu mit-Tarzna bis-saħħa tas-sussidju mogħti lilha.

In-nies tas-sengħa u n-nies tekniċi għandhom jitqiesu li jagħtu "servizz essenzjali" għall-iżvilupp u l-progress tan-nazzjon.

Mingħajr l-Unjoni Ewropea, Malta tgħaddi.

L-Unjoni Ewropea tgħollilna l-ħajja

Waħda mill-agħar konsegwenzi tas-sħubija fl-Unjoni Ewropea hija l-għoli tal-ħajja.

Għax il-politika li biha l-Unjoni ġġiegħel li l-pajjiżi membri jdaħħlu t-taxxa tal-VAT fuq il-prodotti u s-servizzi, iżżid il-prezzijiet u għalhekk tgħolli l-ħajja.

Il-ħajja f'pajjiżna ma kinitx tkun għolja daqs li hija llum, kieku ma daħħalniex it-taxxa tal-VAT li riedet l-Unjoni Ewropea.

Għalhekk li kieku m'aħniex imseħbin fl-Unjoni, ma kienx ikollna l-għoli tal-ħajja li qed jifni l-familji llum.

Biex wieħed jifhem kemm it-taxxa ordnata mill-Unjoni tal-VAT għolliet il-ħajja, wieħed kull ma għandu jagħmel hu li jara kemm qegħdin jinġabru miljuni mill-VAT.

kienu jkunu orħos b'191 miljun liri.

Meta neħħewlna l-‘import levies’, qalulna li l-prezzijiet se jonqsu.

Mill-‘import levies’ il-Gvern ma kienx idaħħal kwart tal-miljuni li jdaħħal mill-VAT

li tirrappreżenta d-differenza bejn l-ammont miġbur mill-VAT u l-ammont li kien jidħol mil-‘levies’

(Lm191 miljun minn Lm48 miljun).

Iżda l-UE mhix kuntenta li għollietilna l-ħajja

li fil-produzzjoni tagħhom jintuża l-fjuwil.

Il-propagandisti ta' l-UE jaħbu dan kollu mill-poplu għax jekk il-poplu jkun jaf kif il-politika ta' l-Unjoni qiegħda tgħollilu l-ħajja, jirvella kontra l-Unjoni u kontra l-politika skandaluża tagħha, li aħna jkollna nsegwu sakemm nibqgħu msieħba fl-Unjoni.

Anki l-Ewro se jkompli jgħollilna l-ħajja.

Prova ta' dan insibuha fiż-żieda li l-Gvern ta għall-għoli tal-ħajja fl-aħħar baġit.

nofs lira għaż-żieda fl-għoli tal-ħajja ta' din is-sena, u lira għaż-żieda fl-għoli tal-ħajja tas-sena d-dieħla.

Jiġifieri l-Gvern stess ammetta li ż-żieda fl-għoli tal-ħajja se tkun id-doppju ta' dik li kienet f'din is-sena.

L-Unjoni Ewropea tgħin l-immigrazzjoni illegali

IL-PROBLEMA ta' l-immigrazzjoni illegali qiegħda taggrava ruħha f'pajjiżna, u l-akbar tort ta' dan huwa ta' l-Unjoni Ewropea, u wara, ta' dawk fostna li aċċettaw li nimxu skond il-politika u r-regoli ta' l-Unjoni fil-qasam ta' l-immigrazzjoni.

Fl-ewwel lok għandna nifhmu li l-interessi ta' l-Unjoni rigward l-immigrazzjoni huma għal kollox opposti għal dawk ta' Malta.

L-Unjoni għandha ħtieġa kbira ta' l-immigranti biex dawn jagħmlu tajjeb għat-tnaqqis fil-popolazzjoni ta' ħafna mill-pajjiżi ta' l-Unjoni.

Għall-kuntrarju, pajjiżna mhux biss m'għandux bżonn immigranti, iżda ma jiflaħx jieħu immigranti minħabba d-daqs tal-popolazzjoni li għandna u li dejjem tikber kull sena.

L-Unjoni Ewropea ma tridx twaqqaf id-dħul ta' l-immigranti għax jiswew għat-tkabbir ta' l-ekonomija tagħha.

Sakemm il-pajjiżi ta' l-Unjoni jaslu fi ftehim komuni għalihom kif jirregolaw l-immigrazzjoni, il-politika ta' l-Unjoni se tibqa' tħalli għaddejja l-immigrazzjoni illegali billi jqisuha attività irregolari, mhux attività illegali.

L-Unjoni Ewropea qiegħda tagħti fondi lill-pajjiżi membri, inkluża Malta, biex jieħdu ħsieb l-immigranti illegali u biex jirregolarizzaw il-ħajja tagħhom fil-pajjiżi ta' l-Unjoni.

Għalhekk l-Unjoni mhux qiegħda tuża l-fondi ħalli twaqqaf l-immigrazzjoni illegali, iżda qiegħda tużahom ħalli l-immigranti jkollhom għixien aktar diċenti fejn jinżammu, u ħalli wara ftit ta' żmien, ma jibqgħux maqfulin f'ċentri ta' detenzjoni magħluqa, u ħalli jinżammu f'oħrajn miftuħa, u wara ftit ta' żmien, ħalli jingħataw ix-xogħol u l-benefiċċji soċjali kollha, sakemm ma jitqisux aktar immigranti, u jitqiesu barranin jgħixu regolari fil-pajjiżi ta' l-Unjoni.

Din hija l-politika li l-Unjoni Ewropea tridna li nwettqu f'pajjiżna, mentri mhux fl-interess tal-poplu tagħna li Malta ssegwi din il-politika ta' l-Unjoni.

L-interessi tal-poplu tagħna huma li għandu jkollna tolleranza żero għall-immigrazzjoni illegali, u mhux it-tolleranza wiesgħa ta' l-Unjoni Ewropea.

Dan huwa l-punt fondamentali ta' differenza bejn il-politika ta' l-Unjoni u l-politika li għandha tkun ta' Malta dwar l-immigrazzjoni.

Jekk ma nifhmux din id-differenza, inkomplu nagħmlu l-iżbalji li nippermettu l-immigranti illegali jibqgħu f'pajjiżna u nkomplu nippermettu li jiżdiedu sena wara l-oħra.

Il-ġimgħa l-oħra smajna l-ftaħir li qegħdin jinbnew faċilitajiet ġodda għall-immigranti illegali f'Ħal Far għand l-Armata u f'Ta' Kandja għand il-Pulizija, u li nistennew 1,700 immigrant is-sena d-dieħla.

B'dan qegħdin nogħġbu lill-Unjoni Ewropea, iżda qegħdin nittradixxu lill-poplu Malti billi qegħdin inkabbrulu l-problemi li għandu llum, u niżgurawlu problemi soċjali akbar fil-ġejjieni.

Aktar tagħrif dwar l-UE

Difiża

Dan l-aħħar l-Unjoni Ewropea ddeċidiet li għas-sena 2008 żżid l-ispiża fil-qasam tad-difiża b'10 miljun Ewro għall-ammont ta' 32 miljun Ewro.

Fis-sena li qegħdin fiha l-ispiża hija ta' 22 miljun Ewro.

Fl-Unjoni hemm pajjiżi membri li ma jħallsux sehemhom mill-ispiża tad-difiża ta' l-Unjoni.

Iżda Malta mhix waħda minnhom, u għalkemm il-Kostituzzjoni Maltija ma tippermettix li l-pajjiż jieħu sehem f'alleanzi militari, Malta qiegħda tieħu sehem fil-ħlas ta' l-ispiża tad-difiża ta' l-Unjoni.

Fabbriki

L-Unjoni Ewropea qiegħda tipproponi li taddotta politika li tkompli tħott l-impriżi tal-manifattura fil-pajjiżi ta' l-Unjoni u tgħin biex jitwaqqfu f'pajjiżi barra l-Unjoni fejn il-kundizzjonijiet tax-xogħol tal-ħaddiema huma ħżiena u l-pagi baxxi ħafna.

Skond il-politika li l-Unjoni qiegħda tipproponi, fabbriki miftuħin f'pajjiżi barra l-Unjoni minn kumpaniji Ewropej reġistrati f'pajjiżi ta' l-Unjoni, jitqiesu l-istess bħall-fabbriki Ewropej fl-Unjoni.

Il-prodotti maħdumin f'dawn il-fabbriki f'pajjiżi barra l-Unjoni, jitqiesu li huma prodotti maħdumin fl-Unjoni u jidħlu fl-Unjoni mingħajr ebda tariffi u mingħajr limiti ta' kwoti.

B'din il-politika, kumpaniji Ewropej ikomplu jnaqqsu l-postijiet ta' xogħol f'fabbriki fl-Unjoni, u minflok jiftħu fabbriki barra l-Unjoni.

Ħaddiema barranin

Dan l-aħħar intqal fil-Parlament Malti li f'din is-sena nħarġu madwar 8,000 permess għal barranin biex jaħdmu f'Malta.

Inħarġu permessi saħansitra għal 'cleaners' barranin.

Sa ftit ta' żmien ilu l-propagandisti ta' l-Unjoni Ewropea kienu jikkritikaw lil dawk li qabel ir-Referendum ta' l-2003 kienu jsostnu li bis-sħubija fl-Unjoni, pajjiżna se jinfetaħ għal eluf ta' barranin li jiġu jieħdu x-xogħol tal-Maltin.

Iż-żmien ta raġun lil min kien iwissi b'din it-theddida, u llum il-propagandisti ta' l-Unjoni waqgħu fil-muta dwar l-ammont ta' ħaddiema barranin li ġejjin f'pajjiżna minħabba s-sħubija tagħna fl-Unjoni.

Lussemburgu

Minkejja ċ-ċokon tiegħu, huwa għandu l-ogħla livell ta' l-għixien fl-Unjoni.

Minkejja l-ġid li għandu, huwa jirċievi mill-Unjoni kull sena fondi kbar ħafna, bil-bosta ħafna aktar minn dawk mogħtijin lil Malta li għandha livell ta' l-għixien lanqas in-nofs dak ta' Lussemburgu.

Osservaturi ħafna darbi kkritikaw lill-Unjoni li titratta ħażin ma' Malta meta jqabblu kif tittratta mal-Lussemburgu.

IRRIDU L'INDIPENDENZA MILL-UNJONI EWROPEA

Jekk iva, għin lis-CNI fil-ħidma tagħha biex il-maġġoranza tal-poplu tkun trid li neħilsu mill-ħakma ta' l-Unjoni Ewropea.