MERHBA FIL

NAĦILFU LI NEĦILSU LIL MALTA MILL-JASAR, IL-KOLONJALIŻMU U L-ĦAKMA DITTATORJALI ILLEGALI TA' L-UNJONI EWROPEA

GĦID LID-DEPUTAT PARLAMENTARI TIEGĦEK LI TRID LI MALTA TIKSEB LURA L-INDIPENDENZA U L-ĦELSIEN!

L-Unjoni Ewropea ordnat li mis-sena 2010 il-Maltin u l-Għawdxin iħallsuha

€182,192 kuljum misruqa minn ħalq uliedek

Tridna naċċettaw aktar immigranti illegali

Mhux biss mill-pajjiżi membri l-oħrajn – pajjiżi ferm akbar minna – tista’ tgħid li ħadd minnhom ma jgħinna nsolvu l-problema kbira li għandu pajjiżna bl-immigrazzjoni illegali, anzi qegħdin naraw anke kitba f’magażin internazzjonali rinomat – The Economist – tgħidilna biex ma noqogħux ingergru għax, skond dan il-magażin, aħna l-Maltin qegħdin ngħaġġbuha ż-żejjed din il-problema.

The Economist jgħid li din il-problema mhix gravi daqs kemm nagħmluha aħna.

Li ma qalx hu li waqt li l-pajjiżi kbar ta’ l-Unjoni Ewropea jgħidu li għandhom bżonn mal-20 miljun immigrant tas-sena 2020 biex l-ekonomiji ta’ dawk il-pajjiżi jibqgħu jikbru, Malta – din in-nitfa ta’ blata mgħobbija sa ruħ ommha b’aktar minn 400,000 ruħ – m’għandhiex nuqqas ta’ nies biex isostnu l-ekonomija tagħna.

Bil-maqlub, li qed jiġrilna hu li minħabba s-sħubija (kelma falza għall-aħħar!) qegħdin nitilfu ċerti kategoriji ta’ nies li pajjiżna għandu bżonnhom.

Minbarra li s-sħubija għamlet li pajjiżna kalamita għall-immigranti illegali li jkunu jridu jaslu f’xi pajjiż ta’ l-Unjoni Ewropea.

Dan l-aħħar ukoll sar kunċert f’Malta minn tliet kantanti ta’ fama mondjali.

L-iskop ta’ dan il-kunċert kien biex iħeġġu lill-Maltin jaċċettaw b’idejhom miftuħin l-immigranti illegali.

Tafu x’kien jonqoshom jgħidulna, li hekk kif tintlemaħ xi dgħajsa mgħobbija bl-immigranti illegali, nibagħtu banda biex tilqagħhom bil-marċi u l-brijju hekk kif dawn jinżlu l-art!

Wieħed mit-tliet kantanti, Claudio Baglioni, sa wasal biex qal li mhux talli m’għandniex nagħlqu l-bibien lill-immigranti illegali, iżda saħansitra “niftħulhom it-twieqi” u nintegraw magħhom!

Skond korrispondent li jikteb f’ġurnal bl-Ingliż ta’ kuljum – Anthony Licari – il-Prim Ministru ġie kkwotat li qal li n-numru ta’ l-immigranti illegali diġà wasal daqs nofs in-numru ta’ twelidiet f’pajjiżna f’sena.

Ta’ min wieħed jagħmilha ċara wkoll lil dawk li jiktbu jew jgħidu li huma l-partiti tal-lemin li qed jinsistu għal politika radikali biex jixxejjen il-periklu kbir li l-poplu Malti qiegħed jitfaċċja, li m’humiex korretti.

Hemm ferm aktar “xellugin” li jridu politika li ħares lill-poplu Malti u lil pajjiżna mill-gwaj soċjali kbir li l-immigrazzjoni illegali u bla rażan bil-fors se jkollha fuq pajjiżna fis-snin li ġejjin.

Din hija problema nazzjonali li tolqot lil kulħadd, kemm dawk tal-lemin, kif ukoll dawk tax-xellug.

Ta’ min jgħid ukoll li la darba l-Unjoni Ewropea mhix qiegħda toffrilna soluzzjoni għal din il-problema, is-soluzzjoni rridu nsibuha aħna fl-interess tagħna.

Din tista’ tkun li nħallu l-immigranti illegali jitilqu kif iridu u biex iridu għall-pajjiżi Ewropej fejn jixtiequ jmorru.

Inkwiet ta’ l-Unjoni Ewropea lill-Knisja Kattolika

Għall-Membru Parlamentari Taljan Maurizio Ronconi, hija l-mażunerija li hemm fl-Unjoni Ewropea, responsabbli għall-inkwiet li l-Unjoni qiegħda toħloq lill-Knisja Kattolika

dwar il-ħlas tat-taxxi.

Dan l-aħħar sar magħruf li Nellie Kroes, il-Kummissarju Ewropew responsabbli mill-kompetizzjon kummerċjali, qiegħda tikkunsidra tagħmilx investigazzjoni dwar l-eżenzjonijiet mill-ħlas tat-taxxi mogħtija lill-Knisja Kattolika fit-tliet pajjiżi msemmijin.

Il-Knisja Kattolika fl-Italja għandha ħafna

li jitmexxew qishom impriżi kummerċjali, għalkemm x’uħud minnhom ma jitmexxewx għall-profitt.

Skond il-ġurnal Taljan La Stampa, f’Ruma biss il-Knisja Kattolika għandha

* 250 skola.

L-Unjoni Ewropea talbet lill-Gvern Taljan jagħtiha tagħrif dwar l-eżenzjonijiet mill-ħlas tat-taxxi li l-impriżi tal-Knisja Kattolika jgawdu skond il-liġi.

L-Unjoni qiegħda tagħmel dan għax tissuspetta li l-eżenzjonijiet mill-ħlas tat-taxxi huma forma ta’ għajnuna ta’ l-Istat lill-impriżi kummerċjali u jfixxklu l-kompetizzjoni ġusta.

Dan il-pass ta’ l-Unjoni Ewropea qanqal kritika kbira fl-Italja.

Skond il-ġurnal Taljan Il Corriere della Sera, il-Ministru tal-Ġustizzja Taljan Clemente Mastella, waqt li qal li l-Unjoni Ewropea talbet tagħrif biss, żied li fl-Italja, l-eżenzjoni mill-ħlas tat-taxxa fuq l-immobbli, m’hijiex għall-enti reliġjużi biss, iżda għall-immobbli kollha li m’humiex użati għal skop ta’ profitt.

Il-membru parlamentari Taljan Rocco Buttiglione, qal li l-Unjoni Ewropea għandha tkun aktar prudenti u m’għandhiex tagħti raġun lil min jissuspetta li għandha xejra anti-nisranija li wasslet għat-telfa li l-Unjoni ġarrbet fir-referendi ta’

* dwar il-Kostituzzjoni Ewropea.

Ta’ min ifakkar li l-Parlament Ewropew ma kienx aċċetta li Buttiglione jsir Kummissarju Ewropew minħabba t-twemmin nisrani tiegħu dwar iż-żwieġ.

Il-President tar-reġjun tal-Lombardija, Roberto Formigoni, saħaq li l-Unjoni Ewropea qiegħda turi li m’għandhiex ħjiel tajjeb taċ-ċirkostanzi fl-Italja, u qiegħda temmen l-ideat foloz li hemm dwar ir-relazzjonijiet bejn l-Istat u l-Knisja fl-Italja.

Il-membru parlamentari Taljan Maurizio Gasparri qal li mhix ħaġa tollerabbli li l-Unjoni tindaħal b’dan il-mod fil-ħwejjeġ interni ta’ l-Italja.

Iżda s-Senatur Taljan tal-Grupp tal-Ħodor, Natale Ripamonti, awgura li l-Italja tkun bħal pajjiżi oħrajn ta’ l-Unjoni u tagħraf twarrab il-privileġġi li l-liġijiet fiskali jagħtu lill-enti eklesjastiċi.

Għandna naħsbu li l-membru tal-Parlament Taljan, tal-Grupp tal-Ħodor, il-Malti Arnold Cassola, hu ta’ l-istess fehma ta’ sieħbu Natale Ripamonti?

Id-dittatura u l-UE

Adolf Hitler, forsi kontra kif ħafna jaħsbu, kien kiseb il-poter b’mod hekk imsejjaħ “demokratiku”.

Għax għamel dan permezz tal-vot “demokratiku” tal-poplu.

Wieħed irid jistaqsi, iżda, jekk tikseb il-vot tal-maġġoranza tal-poplu wara li dak il-poplu jkun issuġġettat għal bombardament ta’ propaganda ma taqta’ xejn, tant li jkun imġiegħel jemmen ħwejjeġ li fir-realtà ma jkunux se jitwettqu, dak il-vot għandu jitqies bħala “vot demokratiku” jew le?

Wieħed jista’ jgħid li l-mod kif il-fundaturi u l-mexxejja ta’ l-Unjoni Ewropea ħadu l-poter f’idejhom, mhux ta’ poplu wieħed iżda llum ta’ 27 pajjiż, huwa agħar minn kif Hitler ħa l-poter f’idejh tal-Ġermanja.

Kienu biss il-politiċi li taw lill-Unjoni l-poteri li għandha.

Il-fundaturi ta’ l-UE u dawk li ġew warajhom, kienu makakki aktar min-nażisti u l-faxxisti ta’ qabel l-aħħar gwerra dinjija.

Waqt li Hitler u Mussolini wżaw is-saħħa militari u pulizjeska tagħhom biex fl-aħħar kellhom poter assolut fuq il-popli tagħhom, il-mexxejja ta’ l-UE dejjem ħbew kull pass li għamlu biex jiksbu poter dejjem aktar fuq il-popli tagħhom, taħt xi “raġuni”, jew skuża ekonomika.

Il-vot tal-poplu Ewropej il-mexxejja ta’ l-UE, dejjem qisuh bħala theddida għall-għan aħħari tagħhom, li dejjem kien li jibnu super stat Ewropew immexxi mhux minn parlamenti sovrani tal-pajjiżi membri, iżda minn poter ċentralizzat fi Brussels, permezz ta’ Kunsill Ewropew u Kummissjoni Ewropea mhux eletta.

Fil-ġimgħat li ġejjin se nerġgħu naraw kif l-UE se terġa’ timponi r-rieda tagħha fuq ir-rieda tal-popli Ewropej, billi tinqeda bil-politiċi jagħmlu trattat ġdid, it-Trattat li qegħdin isejħulu ta’ Riforma, li jagħti poteri ġodda lill-Unjoni.

Dan se jkun musmar ieħor fit-tebut li fih se tindifen il-ftit sovranità li kien għad fadlilhom il-popli Ewropej membri ta’ l-Unjoni Ewropea.

Wieħed jista’ jikkummenta li almenu Hitler u Mussolini, wara li ħatfu l-poter bil-vot tal-poplu, kixfu jdejhom dwar l-għanijiet tagħhom.

Il-politiċi ta’ l-UE għadhom iridu jaħbu jdejhom dwar l-għan aħħari tagħhom!

L-akbar prova ta’ kemm l-Unjoni Ewropea ma tgawdix l-appoġġ popolari tathilna meta qiegħda tinsisti li ma jsirux referendi tal-popli tal-pajjiżi membri dwar it-Trattat ġdid ta’ Riforma.

Taf li l-popli ma jaċċettawhx, iżda hija trid timponieh fuqhom

It-trattat ta’ riforma jeqred in-newtralità tagħna

Xi snin ilu l-propagandisti Maltin ta’ l-Unjoni Ewropea kienu qalulna li ma kien għad hemm xejn li jżomm lil pajjiżna li jħaddan il-politika barranija komuni ta’ l-Unjoni Ewropea, la darba ma kienx għad baqa’ skop (skond huma) għall-politika ta’ newtralità u non-allineament ta’ Malta, billi l-Unjoni Sovjetika ma baqgħetx teżisti.

Ma kellhom raġun qatt li jgħidu dan, iżda żgur m’għandhomx raġun illum meta fid-dinja hawn aktar minn żewġ blokki, kif kien hemm qabel meta pajjiżna, fl-aħħar tas-snin tmenin, ħaddan il-politika tan-newtralità u non-allineament.

Għax illum barra l-blokk tal-pajjiżi tal-punent, hawn fid-dinja

li fil-beraħ m’humiex mal-pajjiżi tal-punent, li jekk għad m’għandhomx il-bomba nukleari, għandhom il-bomba umana tas-suwiċidju u l-arma li tissejjaħ mill-punent “terroriżmu”, li kontrihom m’hawnx difiżi.

huwa llum aktar minn qabel fl-interess tas-sigurtà, li l-poplu tagħna jkun fil-fatt, u meqjus minn kulħadd,

Iżda pajjiżna ma jistax jitqies newtrali u mhux allinejat jekk ikun imsieħeb fl-Unjoni Ewropea, li għandha politika barranija komuni li mhix waħda ta’ newtralità u non-allineament.

Ir-Rappreżentant Għoli ta’ l-Unjoni għall-Affarijiet Barranin u Politika tar-Sigurtà li t-Trattat ġdid ta’ Riforma se joħloq, se jirrappreżenta lill-Unjoni kollha, Malta inkluża, u se jitkellem f’isem il-pajjiżi kollha ta’ l-Unjoni, anke f’isem Malta.

Għalhekk kif tista’ d-dinja tqis lil Malta b’mod differenti milli tqis l-Unjoni Ewropea li la hija newtrali u lanqas mhux allineata?

Huwa fl-interess ta’ Malta li l-Unjoni ma jkollhiex politika barranija komuni tagħha u li l-Unjoni ma jkollhiex Rappreżentant Għoli li jitkellem għan-nom ta’ Malta dwar l-affarijiet barranin.

Huwa permezz tat-Trattat ta’ Riforma li l-Unjoni se jkollha politika barranija komuni u Rappreżentant għall-Affarijiet Barranin.

Għalhekk huwa fl-interess tal-pajjiżi li dan it-Trattat ma jidħolx fis-seħħ.

Mhux fl-interess nazzjonali li dan it-Trattat ikun approvat mill-Parlament Malti għal ħafna raġunijiet, ewlenija fosthom hi dik li mhux se jagħmilha aktar possibbli li Malta titqies newtrali u mhux allineata, li hija l-akbar arma li pajjiżna għandu biex jaħdem attivament għall-paċi fost il-ġnus, u li hija l-aqwa tarka tal-ħarsien tas-sigurtà tal-poplu tagħna.

IRRIDU LURA L-LIBERTA`

Jekk iva, għin lis-CNI fil-ħidma tagħha biex il-maġġoranza tal-poplu tkun trid li neħilsu mill-ħakma ta' l-Unjoni Ewropea.