MERĦBA FIL-PAĠNA TAS-CNI
KAMPANJA ĦELSIEN NAZZJONALI
Kienet, għadha u tibqa' favur il-ħaddiema Maltin
u kontra s-sħubija ta' Malta fl-Unjoni Ewropea
GĦID LID-DEPUTAT PARLAMENTARI TIEGĦEK LI TRID LI MALTA TIKSEB LURA L-INDIPENDENZA U L-ĦELSIEN!
Fis-seba’ snin 2007 – 2013 il-Maltin u l-Għawdxin se jkunu ħallsu lill-Unjoni Ewropea €420,000,000
Taxxa
ambjentali jew diskriminatorja?
Il-Membru
Parlamentari Ewropew Laburista, Joseph Muscat, fl-artiklu tiegħu f’
l-orizzont tas-26 ta’ April kiteb favur il-pjan tal-Kummissjoni Ewropea, li
fuq perjodu tas-snin titneħħa t-taxxa ta’ reġistrazzjoni meta
persuna tixtri karozza ġdida.
Joseph Muscat kiteb ukoll li biex stati-membri ma jitilfux id-dħul ta’
flus li kienu jdaħħlu minn din it-taxxa, il-Kummissjoni Ewropea qiegħda
tipproponi li tiddaħħal “Taxxa Ambjentali”.
F’hiex
se tkun tikkonsisti din it-taxxa ambjentali, Joseph Muscat ma spjegax, ħalli
l-qarrejja jsiru jafu verament jekk din it-taxxa ġdida – f’każ li
l-istati membri kollha jaqblu magħha – tkunx fl-interess tagħhom
personalment jew le.
Joseph Muscat kiteb biss li din it-“Taxxa Ambjentali” tkun fl-interess
tal-konsumatur, la tkun se titneħħa t-taxxa tar-reġistrazzjoni.
Tajjeb li wieħed jispjega kollox.
“Konsumatur” huwa kull wieħed u waħda minna.
Kemm dawk l-għonjin ħafna, kemm dwak li jaqilgħuha u jiekluha u kemm dwak li m’għandhomx għaxja ta’ lejla.
Għaldaqstant
mhux bilfors li dak li jaqbel għal wieħed ikun jaqbel ghal ieħor.
Jekk niftakar tajjeb, din it-taxxa ambjentali li tista’ tissostitwixxi t-taxxa
ta’ reġistrazzjoni tal-karozzi, huwa maħsub li tkun fuq kemm iddaħħan
il-karozza.
Kif ukoll fuq kemm tuża l-karozza!
Jekk
hu hekk, se jiġu vvantaġġjati bil-kbir dawk is-sinjuruni kbar li
normalment ibiddlu l-karozza kull sentejn jew tliet snin biex dejjem ikollhom
l-aħħar mudell, u qatt ma jkollhom problemi serji fil-karozza.
Meta karozza tkun ilha fit-triq, sentejn jew tliet snin biss, din ma ddaħħanx.
Allura
jista’ jkun – anzi suppost hekk tkun – li jew ma tħallas xejn minħabba
d-duħħan jew tħallas l-inqas “taxxa ambjentali” possibbli.
Iżda dawk “il-konsumaturi” li jistgħu biss jixtru karozza ġdida
kull għaxar snin jew 15-il sena, jew jistgħu biss jixtru karozza diġà
wżata, dawn żgur ikollhom iħallsu “taxxa ambjentali” ferm
aktar għolja – għax il-karozza tkun iddaħħan ferm aktar.
U nistaqsu wkoll, veru li hemm il-ħsieb li tidħol “taxxa
ambjentali” anki fuq kemm wieħed juża l-karozza?
Jekk huwa veru, anki din tkun tiddiskrimina.
Għax
waqt li s-sinjuri xorta jistgħu jibqgħu jużaw il-karozzi tagħhom
kemm jidhrilhom – għax jifilħu jħallsu u l-ħlas ma
jaffettwa bl-ebda mod il-livell ta’ għajxien tagħhom – il-povru
ħaddiem u pensjonant ikollu bilfors juża l-karozza bir-”ration”,
ferm aktar milli diġà qiegħed jagħmel illum!
Għalhekk tajjeb li Joseph Muscat jispjega eżatt id-dettalji ta’ din
it-“taxxa ambjentali”.
Għax
jista’ jiġri li din tkun aktar diskriminatorja milli ambjentali.
Il-multi
li se neħlu minħabba l-Ewro!
Aħna diġà tkellimna dwar il-multa ta’ madwar għaxar miljun fis-sena meta tiddaħħal il-munita Ewro f’pajjiżna.
Dan minħabba l-ammont ferm kbir ta’ liri Maltin li għandna fiċ-ċirkolazzjoni f’pajjiżna – Lm520 miljun.
U
dan meta skond ir-regoli ta’ l-Unjoni Ewropea suppost li għandna Lm144
miljun.
`Dawn id-dettalji ħadnihom minn artiklu stupend li kiteb il-korrispondent
Joe Sammut fil-ħarġa ta’ l-orizzont ta’ l-10 ta’ April.
Wara
li mbagħad tkellmu wkoll il-Kap ta’ l-Oppożizzjoni dwar din
il-materja, kemm il-Ministru tal-Finanzi u l-Bank Ċentrali ta’ Malta
ħarġu stqarrija li fis-sustanza ma giddbu xejn minn dak li nkiteb u
ntqal mill-awditur u ‘accountant’ Joe Sammut u minn Dr Alfred Sant.
Kull m’għamlu hu li qalu li bil-mod kif inħadmu, jekk Malta se
tintlaqat u kemm se titlaqat “huwa kompless ħafna” u għalhekk wieħed
ma jistax jgħid minn issa!
Iżda l-Gvernatur tal-Bank Ċentrali qal lil uħud mill-uffiċjali
għoljin tal-Bank li x’aktarx meta tidħol l-Ewro il-Bank kien se jagħmel
telf u mhux profitt.
Biex issa jipprovaw jgħattu x-xemx bl-għarbiel, ħareġ il-ġurnal
The Times tas-27 ta’ April fejn Ivan Camilleri minn Brussels ikkwota
“sorsi” mill-Bank Ċentrali Ewropew li qalu hekk:-
“Għalhekk huwa mpossibbli li wieħed jgħid preċiżament
jekk Malta hiex se tkun agħar mil-lum f’termini assoluti fl-aħħar
mill-aħħar.
U
jekk jiġri hekk, b’kemm (se tkun ħażin)”.
Dawn is-“sorsi” tal-Bank Ċentrali Ewropew qishom qiegħdin jgħidulna
“ma tistgħux tgħidu minn issa li jekk taqbżu minn fuq il-bejt għal
isfel, inthomx se tweġġghu.
Tkunu
tafu korrejtux jew le – u kemm korrejtu – wara li taqbżu.”
Allura mhux loġiku li aħjar bqajna kif aħna biex ma nissugrawx li
bil-waqgħa nkorru gravi?!
L-HSBC
jinvesti flus li suppost tagħna!
Il-Ministru Austin Gatt u l-mexxejja ta’ l-HSBC ħabbru investiment ta’ 7 miljun Ewro (Lm 3 miljun) f’“Call Centre Globali” f’Malta.
Dan
l-investiment mistenni joħloq sa 350 impjieg ‘full-time’ u kemm ‘part
time’ ma ntqalx.
Jekk wieħed jiftakar ftit kif l-HSBC kienu xtraw il-Mid-Med għas-somma
ta’ Lm80 miljun, li esperti ekonomiċi u finanzjarji kienu ddiskrivew dik
is-somma bħala waħda redikola għax il-Mid-Med Bank kien jiswa
ferm aktar minn hekk - madwar id-doppju, allura s-somma ta’ Lm 3 miljun li se
jinvestu hija persentaġġ żgħir mill-miljuni kbar li ffrankaw
meta xtraw il-Mid-med Bank!
U meta jitqies li meta bdew joperaw f’Malta ħelsu minn mijiet mill-ħaddiema
li kienu jaħdmu mal-Mid-Med Bank allura t-350 impjieg lanqas huma biżżejjed
biex jagħmlu tajjeb għall-impjiegi li naqqsu meta ħadu l-Mid-Med
Bank f’idejhom.
U l-impjiegi mal-Mid-Med Bank kienu kważi kollha ‘full time’ u dawn li se jinħolqu issa żgur li se jkun hemm ħafna minnhom ‘part time’.
Għax
hekk jaħdem l-HSBC biex dejjem ikabbar il-profitti tiegħu u li jispiċċaw
fil-parti kbira tagħhom barra minn Malta.
Din hija storja oħra b’riżultat tal-politika ta’ l-UE dwar
il-privatizzazzjoni!
Is-Sibt, 6 ta’ Mejju, 2006.
e-mail: cnimalta at yahoo.co.uk
IRRIDU L'INDIPENDENZA MILL-UNJONI EWROPEA
Inroddulek ħajr li żort il-paġna tagħna
Appoġġ fil-ġlieda għall-Indipendenza u l-Ħelsien
Trid tgħin biex niksbu mill-ġdid l-Indipendenza u l-Ħelsien?
Jekk iva, għin lis-CNI fil-ħidma tagħha biex il-maġġoranza tal-poplu tkun trid li neħilsu mill-ħakma ta' l-Unjoni Ewropea.
Issieħeb fis-CNI billi tibgħat €5 flimkien ma' din il-formola lis-
Segretarju Finanzjarju CNI,
60A, Triq id-Dejqa,
Valletta
Isem .......................................................
Indirizz ...................................................
ID Numru ...............................................
Inroddulek ħajr ta’ l-għajnuna tiegħek
Malta ħielsa u newtrali fl-aħħar tirbaħ