MERHBA FIL

NAĦILFU LI NEĦILSU LIL MALTA MILL-JASAR, IL-KOLONJALIŻMU U L-ĦAKMA DITTATORJALI ILLEGALI TA' L-UNJONI EWROPEA

GĦID LID-DEPUTAT PARLAMENTARI TIEGĦEK LI TRID LI MALTA TIKSEB LURA

L-INDIPENDENZA U L-ĦELSIEN!

L-Unjoni Ewropea ordnat li mis-sena 2010 il-Maltin u l-Għawdxin iħallsuha

€182,192 kuljum misruqa minn ħalq uliedek

minn Karmenu Mifsud Bonnici KAMPANJA ĦELSIEN NAZZJONALI

Korruzzjoni, frodi u serq fl-UE

L-Unjoni Ewropea hi ddominata b’każi ta’ frodi u serq tal-fondi tagħha.

Il-każ fir-raħal ta’ San Lawrenz f’Għawdex, fejn l-UE kienet se tiġi ffrodata €1,000 fuq kull dar li kienet tinstalla apparat li jiffranka l-konsum tal-elettriku, mhux xi każ iżolat.

Rapport maħruġ dan l-aħħar mill-Uffiċċju tal-UE Kontra l-Frodi (OLAF), isemmi għadd ta’ każi ta’ frodi u serq tal-fondi tal-UE.

F’każ minnhom, il-European Regional Development Fund tal-UE tat għajnuna ta’ €2 miljun biex titwaqqaf fabbrika li kellha timpjega ’l fuq minn 100 ħaddiem, u fiha s-sidien kellhom jinvestu €3.4 miljun.

Is-sidien ħadmu skema li biha nefħu l-prezz tal-impjant b’mod li huma ma investew xejn.

Impjegaw ftit ħaddiema u wara ftit taż-żmien, iddikjaraw falliment u għalqu l-fabbrika.

Instab li s-sidien kienu ffalsifikaw il-prezzijiet tal-impjant, u parti mill-fondi mogħtija lilhom spiċċaw iddepożitawhom f’banek ‘off-shore’.

Issa l-UE qiegħda tipprova bil-Qorti tiġbor lura l-għotja ta’ €2 miljun.

Il-ġimgħa l-oħra nkixef li l-UE qiegħda tinvestiga l-proċess li ntuża f’Malta fl-għoti tal-kuntratt tal-power station ġdida f’Dellimara, fejn waqt il-proċess tal-għażla tal-offerti, inbidlu regolamenti li jippermetti li l-kuntratt jingħata lill-kumpanija li ngħata.

Ir-rapport tal-OLAF isemmi każ ta’ manipulazzjoni fil-proċeduri ta’ sejħa għall-offerti u ta’ korruzzjoni fi proġett li jiswa €10 miljun.

Mill-investigazzjonijiet li saru, irriżulta li kien hemm kollużjoni bejn wieħed mill-uffiċjali tekniċi li kien qiegħed jaħdem fuq is-sejħa għall-offerti u l-kumpanija li lilha ngħata l-kuntratt.

L-uffiċjal tekniku kien ta tagħrif kunfidenzjali u preferenzjali lill-kumpanija biex din tkun tista’ tagħmel l-orħos offerta, u huwa ngħata bi ħlas kummissjoni ta’ 5% fuq il-valur tal-proġett, jiġifieri kummissjoni ta’ nofs miljun ewro.

L-UE waħħlet multa ta’ miljun ewro u eskludiet lill-kumpanija milli tingħata kuntratti oħrajn.

F’każ ieħor li jissemma fir-Rapport tal-OLAF, il-European Regional Development Fund u l-European Social Fund tal-UE kellhom jagħtu għajnuniet ta’ €14-il miljun lil kumpanija kbira li tipprovdi servizzi u tagħmel materjal għall-kostruzzjoni tal-bini.

Instab li l-kumpanija kienet talbet fondi għal servizzi li ma kinitx tat, talbet għajnuna aktar milli qamu flus is-servizzi li tat, u għajnuna għax-xiri ta’ makkinarju ġdid meta xtratu ‘second hand’.

Kazi ta' frodi

Ir-Rapport tal-OLAF isemmi każi oħrajn ta’ frodi mogħtijin mill-iSpecial Accession Programm for Agricultural and Rural Development (SAPARD) tal-UE għax-xiri ta’ impjant tal-ipproċessar tal-ikel, bħal-laħam, fejn ġew iddikjarati prezzijiet ħafna ogħla minn dawk li verament tħallsu.

Instab li din kienet sistema mifruxa li ntużat f’ħafna okkażjonijiet u kinet tinvolvi miljuni ta’ ewro.

Każ ieħor li jissemma fir-Rapport tal-OLAF kien ta’ organizzazzjoni mhux governattiva (NGO) li ngħatat fondi mill-Kummissjoni Ewropea għal proġett ta’ taħriġ għall-esperti.

Mill-investigazzjoni li saret, irriżulta li mill-attivitajiet li l-NGO qalet li għamlet ftit kienu fil-fatt saru, u l-ftit li saru ma sarux skont l-obbligi tal-għotja tal-għajnuna, filwaqt li r-rendikont mogħti mill-NGO kellu tagħrif ħażin u saħansitra ġew iffalsifikati anke firem.

F’każ ieħor, Membru tal-parlament Ewropew inqabad li f’sena fforda lill-UE madwar €50,000 billi ddikjara li ħallashom lill-assistenta tiegħu, mentri kien ħallasha madwar €8,000 u l-bqija ħadhom hu.

Il-membru ammetta l-frodi u ntbagħat sejntejn ħabs.

F’każ ieħor, uffiċjal tal-Kummissjoni Ewropea għamel talba biex jogħla fil-grad, u biex isostni t-talba tiegħu ppreżenta dokumenti li kien iffalsifika.

Meta kien interrogat, l-uffiċjal ammetta li ffalsifika d-dokumenti, u l-Kummissjoni Ewopea niżżlitu fil-grad tal-impieg, mingħajr ma jista’ jogħla fil-grad qatt.

Irregolaritajiet

Ir-Rapport tal-OLAF jikxef għadd ta’ irregolaritajiet gravi fil-ħidma ta’ Aġenzija mwaqqfa mill-UE.

Instab li kien hemm taħlita sħiħa bejn ix-xogħol tal-aġenzija u x-xogħol privat tal-uffiċjali tagħha.

Ma kienx hemm kontroll fuq l-użu tal-‘credit cards’ tal-aġenzija, u l-uffiċjali tagħha kienu abbużivament jitfgħu l-kera ta’ djarhom fuq l-aġenzija u jużaw il-karozzi tagħha għal skopijiet privati tagħhom.

Instab ukoll li ma ngħatawx raġunijiet għal xi ħlasijiet li l-aġenzija għamlet, u l-mowbajls tal-aġenzija kienu qegħdin jintużaw għal skopijiet privati tal-uffiċjali.

Dan kollu kien qed iseħħ bi ksur tar-regolamenti ffinazjanti mill-UE kontra l-prinċipji ta’ tmexxija serja.

Fir-rapport tal-OLAF insibu provi ta’ kif isir serq kbir tal-fondi tal-UE.

L-Unjoni tagħti ‘export refunds’ lil min jesporta mill-UE lejn pajjiżi barra l-UE prodotti agrikoli li l-UE għandha żejda u l-prezzijiet tagħhom fis-suq internazzjonali huma orħos minn dawk ta’ l-UE.

L-UE tħallas id-differenza fil-prezzijiet bħala ‘refund’ lill-esportatur biex ikun jista’ jikkompeti fis-suq internazzjonali.

Instab mill-OLAF li madwar 3,400 tunellata zokkor li ġew esportati mill-UE lejn ir-Russja u li fuqhom l-UE kellha tħallas madwar €2.7 miljun ‘refunds’, mir-Russja ntbagħtu lejn il-Kroazja li ma kinitx intitolata li tingħata ‘refund’.

Eżempju ieħor ta’ kif isir qerq fl-UE, ingħata fir-Rapport tal-OLAF.

L-UE kellha tagħmel limitu fuq l-ammont ta’ ħwejjeġ tessili importati miċ-Ċina, minħabba l-kwantità kbira tagħhom u l-ħsara lill-industrija tal-ħwejjeġ fil-pajjiżi tal-UE.

Iżda l-istess kwantitajiet ta’ ħwejjeġ tessili bdew jiġi importati mill-Bangladesh.

Meta l-UE investigat, sabet li fil-Bangladesh m’hemmx fabbriki biżżejjed li kienu kapaċi jesportaw dawk il-kwantitajiet ta’ ħwejjeġ, u li ħafna miċ-ċertifikati dwar fejn inħadmu l-ħwejjeġ, kienu foloz.

Abbużi bħal dawn kienu jsiru dwar prodotti oħrajn, u meta dawn l-abbużi twaqqfu, l-UE ġabret madwar €30 miljun f’dazji tad-dwana.

Każ ieħor irrapportat mill-OLAF, li wkoll iċ-Ċina kellha x’taqsam miegħu, kien dak ta’ ‘hand pallet trucks’.

L-UE imponiet dazji (‘anti-dumping duties’) fuq ‘hand pallet trucks’ li l-prezz tagħhom kien jinżamm baxx artifiċjalment.

L-UE sabet li biex jeħles mid-dazju, l-esportatur Ċiniż beda jibgħat l-‘parts’ tal-‘hand pallet trucks’ lill-kumpaniji fit-Tajlandja, u hemm kienu jibnu t-trakkijiet u jesportawhom lejn l-UE bla ma jħallsu dazju għax ma jgħidux minn fejn kienu oriġinaw il-parts.

Iżda l-UE xorta waħda kellha tiġbor dazju fuqhom għax hi kienet tqis li ġejjin miċ-Ċina.

Dawn il-każi ta’ korruzzjoni u ta’ frodi u serq tal-fondi tal-UE huma biss ftit mill-ħafna mijiet li jseħħu kull sena.

L-istruttur tal-istituzzjonijet tal-UE, u s-sistemi tal-ħlas tal-fondi tal-UE jagħtu lok għal korruzzjoni mifruxa u għall-frodi u serq fuq skala kbira ta’ mijiet ta’ miljuni ta’ ewro fis-sena.

Dawn il-mijiet ta’ miljuni ġejjin mit-taxxi li jħallsu il-popli tal-pajjiżi tal-UE.

Ma għandniex niskantaw jekk insibu li f’pajjiżna qegħdin iseħħu abbużi bħal dawk imsemmijin fir-Rapport tal-OLAF, għax il-mard morali tal-UE ma jistax ma jinfirexx ukoll f’pajjiżna.

L-Unjoni Ewropea tagħmel gwerra kontra l-ħaddiema

minn Charles Micallef, Kampanja Helsien Nazzjonali

L-Unjoni Ewropea saret biċċa għodda f’idejn il-forzi kapitalisti Ewropew miġbudin bl-ispaga mill-kapitalisti Amerikani.

L-ewwel is-sinjuri u l-kbarat tal-banek u tal-istituzzjonijiet finanzjarji abbużaw kemm felħu mill-flejjes fdati għandhom mill-poplu, u stagħnew minn fuqhom.

U issa bil-wiċċ tost kollu qegħdin jinsistu li l-klassi tal-ħaddiema timla l-ħofra tad-djun tal-pajjiżi u tagħmel tajjeb għad-difiċit tal-gvernijiet, biex huma jkomplu jgawdu u jistagħnew.

L-Unjoni Ewropea qiegħda tagħmel kollox bil-maqlub ta’ x’għandha tagħmel.

Jixraq li tibda tissejjaħ “Ewropa Maqluba”, għax minflok tipproteġi lill-ħaddiema li bix-xogħol ta’ kuljum tagħhom joħolqu l-ġid, qiegħda tipproteġi lill-kapitalisti u tgħinhom ikattru ġidhom.

L-Unjoni Ewropea qiegħda tisħaq biex jitrażżnu l-liġijiet soċjali industrijali li jħarsu d-drittijiet u l-interessi tal-ħaddiema u biex jirrenja l-prinċipju ta’ “hire and fire” minflok tas-sigurtà fl-impjiegi.

Daqshekk l-UE tistma lill-ħaddiem fl-ekonomija liberali u sfrenata kapitalista tagħha, tużaħ u imbgħad tarmiħ bħal-lumija magħsura.

Lill-ħaddiem l-ewwel joqogħdu jġennuhom biex jiddejnu biex ikollhom id-dar tagħhom, jixtru dgħajsa, jixtru karozza, isiefru xi safra u jagħmlu kapriċċi.

Imbgħad meta l-pagi ma jaħħqux mad-djun u l-ħaddiema jkunu nqabdu fin-nases, isejjħulom b’kelma ġdida “gamers” u mhux aktar konsumaturi.

Issa l-UE qiegħda titterrorizza lill-ħaddiema bil-kobor tad-djun tal-pajjiżi u tad-defiċits tal-gvernijiet.

L-UE qiegħda tħaddem politika ġdida tal-ekonomija moderna tas-suq ħieles tal-ekonomisti Amerikani, kontra l-politika ta’ Keynes favur aktar xogħol.

Mhux magħruf fejn se jwassal dan l-inkwiet soċjali, iżda jidher ċar li fl-UE ġejja taqliba soċjali kbira.

Fl-imgħoddi, dawn il-ħwejjeġ taw lok għal rewwixti u tqanqil popolari kbir.

Il-qagħda soċjali fl-UE qiegħda sejra għall-agħar bil-preżenza ta’ miljuni ta’ klandestini, li qegħdin jitħaddmu b’pagi u kundizzjonijiet tax-xogħol agħar minn dawk tal-ħaddiema lokali.

Dan huwa fattur li qiegħed ikabbar il-qgħad fost il-ħaddiema Ewropej (inkluż il-ħaddiema Maltin) u qiegħed ikompli jbaxxilhom il-pagi u l-kundizzjonijiet tax-xogħol.

Imma għal dawn iż-żgħażagħ l-aqwa li qegħdin fuq il-kompjuters u ma jafux jaraw l-isfruttament kapitalista.

Il-ħaddiema żgħażagħ ma tantx jistgħu jistennew mingħand l-UE ħarsien tad-drittijiet tagħhom meta fl-ebda laqgħa ma tissemma l-ħtieġa li jintefqu l-miljuni biex jinħoloq ix-xogħol, meta qatt ma jiġi deċiż li togħla l-paga minima u jitnaqqsu s-sigħat tax-xogħol.

Minflok prosperità l-UE issa toffrilhom biss awsterità u tnaqqis fil-beneffiċċji soċjali.

Fittex li tiffirma l-petizzjoni popolari lill-Parlament Malti biex jgħaddi miżuri li jrażżnu l-immigrazzjoni illegali f’pajjiżna.

IRRIDU L'INDIPENDENZA MILL-UNJONI EWROPEA

Jekk iva, għin lis-CNI fil-ħidma tagħha biex il-maġġoranza tal-poplu tkun trid li neħilsu mill-ħakma ta' l-Unjoni Ewropea.