MERHBA FIL

NAĦILFU LI NEĦILSU LIL MALTA MILL-JASAR, IL-KOLONJALIŻMU U L-ĦAKMA DITTATORJALI ILLEGALI TA' L-UNJONI EWROPEA

GĦID LID-DEPUTAT PARLAMENTARI TIEGĦEK LI TRID LI MALTA TIKSEB LURA L-INDIPENDENZA U L-ĦELSIEN!

L-Unjoni Ewropea ordnat li mis-sena 2010 il-Maltin u l-Għawdxin iħallsuha

€182,192 kuljum misruqa minn ħalq uliedek

Il-ħrafa tat-855 miljun Ewro għal Malta

Min jiftaħar li l-poplu Malti se jdaħħal mill-Unjoni Ewropea 855 miljun Ewro f’perjodu ta’ seba’ snin, ma jkunx qed jgħid il-verità, saħaq iċ-Ċermen tas-CNI fil-konferenza ta’ l-aħbarijiet li saret nhar it-Tnejn, 1 ta’ Ottubru, fl-uffiċċju tas-CNI, il-Belt.

* 358 miljun Ewro fl-istess perjodu ta’ seba’ snin, f’forma ta’ kontribuzzjonijiet li Malta tagħti lill-Unjoni, kull sena.

Għalhekk l-ammont li l-poplu Malti se jibqagħlu mill-fondi ta’ l-UE, huwa ta’

Fil-Konferenza, il-kelliemi qal ukoll li skond rapport maħruġ mill-Kummissjoni Ewropea fl-aħħar ta’ Settembru li għadda, Malta nefqet biss 69 fil-mija tal-fond ta’ l-UE allokati lilha għas-snin 2004-2006.

Jekk din ir-rata ta’ nfiq tal-fondi tibqa’ fil-każ ta’ dawk allokati għas-snin 2007-2013, l-ammont li pajjiżna se jiggwadanja mill-UE, ikun biss ta’ 240 miljun ewro f’seba’ snin, wara li jinqata’ l-ammont ta’ 358 miljun Ewro li se jitħallsu lill-Unjoni.

Iċ-Ċermen tas-CNI staqsa jekk dawn il-fondi ta’ l-UE hux qegħdin jaslu għand il-kotra tal-poplu, jew parti kbira minnhom tispiċċa għand il-ftit biss?

L-immigranti

Dwar l-immigrazzjoni f’pajjiżna, huwa fakkar li l-liġi Maltija tipprovdi li l-barranin li jkun f’pajjiżna bla permess, jintbagħtu lura f’pajjiżhom.

* Bis-sħubija fl-UE, eluf ta’ ċittadini mill-pajjiżi ta’ l-Unjoni ġew u ħadu x-xogħol tal-Maltin.

* U minħabba li eluf ta’ immigranti llegali baqgħu f’pajjiżna bl-għajnuna tal-Forzi Armati li suppost għandhom jilqgħuhom milli jinżlu fl-art ta’ Malta, il-liġi Maltija mhix qiegħda tkun applikata.

Minflok, l-immigranti illegali qegħdin jinżammu milli joħorġu minn pajjiżna, meta l-akbar għajnuna li tista’ tingħatalhom, hija li l-għaqdiet volontarji li jgħinuhom, jitħallew jipprovdulhom trasport ’safe’ ħalli jmorru fejn jixtiequ jmorru fl-Ewropa.

Iċ-Ċermen tas-CNI fakkar li l-Gvern stqarr li kull immigrant illegali jqumlu

Kieku kull immigrant kellu jingħata Lm2000 biex iħalli Malta, il-Gvern jiffranka aktar min-nofs ta’ dik is-somma li qed jonfoq għall-immigranti illegali.

L-Ewro u t-Trattat ta’ Riforma

Il-kelliemi kkundanna l-mijiet ta’ l-eluf li qegħdin jintefqu għalxejn fi propaganda dwar id-dħul ta’ l-Ewro, meta kulma huwa meħtieġ hu, li l-poplu jitgħallem ir-rata tal-konverżjoni tal-lira Maltija għall-munita ta’ l-Ewro.

Il-’converters’ elettroniċi li qegħdin jitqassmu, jagħmlu dan ix-xogħol għan-nies.

Għalhekk il-kampanja ta’ propaganda hija maħsuba biss biex tinfluwenza l-poplu favur is-sħubija fl-Unjoni Ewropea.

Il-kelliemi tas-CNI kkundanna wkoll il-ħasil ta’ l-imħuħ (brain-washing) li qed isir lit-tfal ta’ l-iskejjel primarji u studenti żgħażagħ li daħħluhom suġġett ġdid dwar l-Ewro fil-kurrikulu.

Dan mhux biss se jtellef mill-ħin għal suġġetti oħra, iżda se jkun eżerċizzju ta’ propaganda dwar l-UE, u anki misinformazzjoni, għaliex mhux se jiġu mfissra l-iżvantaġġi ta’ l-Ewro, flimkien mal-vantaġġi.

Dwar it-Trattat ta’ Riforma li għandu jkun finalizzat fil-laqgħa għolja tal-mexxejja tal-pajjiżi ta’ l-Unjoni fit-18 u d-19 ta’ Ottubru, mingħajr ma l-poplu jingħata tagħrif dwaru, iċ-Ċermen tas-CNI qal li dan se jagħmel għajb kbir lill-Unjoni, li tibża’ tressqu għall-approvazzjoni tal-poplu f’referendum, għaliex taf li ma jgħaddix.

It-Trattat il-ġdid agħar mill-Kostituzzjoni

Jens Peter Bonde, il-membru Daniż tal-Parlament Ewropew, qal li d-deċiżjoni tal-Gvern Olandiż li ma jagħmilx referendum dwar it-Trattat ġdid ta’ Riforma ta’ l-Unjoni Ewropea, tfisser li l-maġġoranza tal-membri tal-Parlament Olandiż sejrin imorru kontra r-rieda tal-maġġoranza ta’ l-Olandiżi, li kienu

* 62 fil-mija li vvutaw kontra t-Trattat tal-Kostituzzjoni ta’ l-Unjoni, fir-referendum ta' l-2005.

Bonde kkummenta li huwa aġir ħażin li jista’ jdawwar votanti kontra s-sistema tad-demokrazija parlamentari.

Jidher li anki l-Olandiż Frits Bolkestein, li qabel kien membru tal-Kummissjoni Ewropea, qal li l-poplu għandu jingħata l-opportunità li jivvota f’referendum dwar it-Trattat il-ġdid.

Ta’ l-istess fehma huwa Max Van Den Berg, li qabel kien il-mexxej tal-membri Soċjalisti Olandiżi fil-Parlament Ewropew.

Kemm Bolkestein, kif ukoll Van Den Berg huma favur it-Trattat il-ġdid li qiegħed jirrevedi t-Trattat ta’ l-2005 tal-Kostituzzjoni, iżda t-tnejn jemmnu li l-poplu għandu dritt jiġi mitlub jgħid jaqbilx miegħu jew le.

Huma jifhmu li l-Unjoni Ewropea jeħtieġilha l-appoġġ tal-poplu, u li hija tista’ biss tikseb dan l-appoġġ jekk tikkonsulta lill-poplu u tisma’ x’jgħid f'referendum.

Jens Peter Bonde jsostni li l-Gvern Olandiż ma jistax jitwemmen meta jgħid li t-Trattat il-ġdid ta’ Riforma m’għandux l-elementi ta’ Kostituzzjoni.

Anki l-eks-President ta’ Franza, Valery Giscard d’Estaing, li kien mexxa l-Konvenzjoni li fasslet il-Kostituzzjoni ta’ l-2005, qal li l-elementi Kostituzzjonali li t-Trattat ta’ l-2005 kellu, jinsabu moħbija fit-Trattat il-ġdid u mogħtija dehra oħra.

Bonde juri kif it-Trattat il-ġdid fih elementi tal-Kostituzzjoni ta' l-2005.

L-ewwel element huwa li r-regoli li l-Unjoni tagħmel, jiġu fuq il-liġijiet tal-pajjiżi membri.

Dan il-prinċipju huwa moħbi f''footnote' fit-Trattat il-ġdid.

It-tieni element Kostituzzjonali huwa li t-Trattat jagħmel lill-Unjoni Ewropea bħala stat legali bis-setgħa li jinnegozja ma’ stati oħrajn dwar kulma għandha x’taqsam l-Unjoni.

Fit-tielet lok, Bonde jinsisti li m'hemm ebda differenza fis-sustanza bejn l-obbligi legali li kien hemm fil-Kostituzzjoni tal-2005 u dawk li hemm fit-Trattat ta' Riforma.

Bonde jkompli juri li t-Trattat il-ġdid jagħmilha possibbli għall-mexxejja tal-pajjiżi ta' l-Unjoni li

* jagħtuha s-setgħa tagħmel taxxi fuq iċ-ċittadini tal-pajjiżi membri,

* mingħajr ma l-Unjoni titlob l-approvazzjoni tagħhom.

Bit-Trattat il-ġdid il-Kummissjoni Ewropea xorta waħda se żżomm il-monopolju li hija tipproponi liġijiet ġodda, filwaqt li mhux il-pajjiżi membri kollha jkollhom dejjem membru fil-Kummissjoni.

* 3000 ‘working groups’ sigrieti ta’ ‘civil servants’ li l-Kummissjoni Ewropea għandha, u

* l-liġijiet jiġu approvati fil-madwar 300 'working groups' sigrieti li l-Kunsill tal-Ministri ta' l-Unjoni għandu.

Il-membri parlamentari jistgħu jipproponu biss emendi għal-liġijiet ta’ l-Unjoni.

Skond it-Trattat ta’ Riforma l-Kummissjoni Ewropea tista’ tirtira abbozz ta’ liġi minnha proposta, jew taċċetta emendi għaliha, jekk ħamsa fil-mija tal-parlamenti tal-pajjiżi membri joġġezzjonaw għall-abbozz, jew jagħmlu emendi għalih.

Bonde jsostni li kemm il-Kostituzzjoni ta’ l-2005 u t-Trattat il-ġdid jagħtu

Il-President Sarkozy ta' Franza kien talab li jkun hemm trattat iqsar u eħfef biex inqara.

Id-differenza ewlenija bejn il-Kostituzzjoni ta’ l-2005 u t-Trattat ta’ Riforma hija li dan ta’ l-aħħar huwa wisq aktar diffiċli biex taqrah.

Jens Peter Bonde hu tal-fehma li għandu jkun hemm referendum dwar it-Trattat il-ġdid f’kull pajjiż membru ta’ l-Unjoni.

L-Unjoni iżda ma tridx dan għax tibża’ li l-poplu jivvota kontra t-Trattat il-ġdid.

Aktar tagħrif dwar l-Unjoni Ewropea

FRODI

Skond il-magazin Ġermaniż Der Spiegel, fl-Unjoni Ewropea madwar miljun Ewro kuljum jittieħdu bi frodi.

* 70 minnhom huma uffiċjali tal-Kummissjoni Ewropea.

Il-membru Ingliż tal-Parlament Ewropew, Daniel Hannan, qal li l-Kummissarji Ewropej kollha kienu jispiċċaw il-ħabs minħabba l-ammont ta’ frodi li hemm, li kieku l-Kummissjoni kienet kumpanija kummerċjali.

Skond il-Kummissjoni stess, fis-sena li għaddiet,

* 1,155 biljun Ewro ntilfu f’irregolaritajiet li saru, xi wħud minnhom mingħajr ħsieb ħażin.

PARTNERSHIP

Il-Kummissarju ta' l-Affarijiet barranin ta’ l-Unjoni Ewropea, l-Awstrijaka Benito Ferrero-Waldner, qalet li tittama li l-Unjoni tagħmel ftehim ta’ ‘partnership’ ma’ l-Ukrajna, il-Moldova u l-Eġittu, li jirregolaw l-immigranti minn dawn il-pajjiżi.

Il-Kummissarju qalet ukoll li ma sarx progress fin-negozjati dwar ftehim ta’ ‘partnership’ bejn l-Unjoni u r-Russja.

Il-President Franċiż Nicolas Sarkozy qal li jemmen li ftehim ta’ ‘partnership’ privileġġjat bejn l-Unjoni Ewropea u t-Turkija jkun aħjar għal dan il-pajjiż, minn ftehim ta’ sħubija sħiħa.

Lil Malta l-Unjoni kienet qaltilha li ftehim ta’ ‘partnership’ magħha ma kinux jeżistu.

IRRIDU L'INDIPENDENZA MILL-UNJONI EWROPEA

Jekk iva, għin lis-CNI fil-ħidma tagħha biex il-maġġoranza tal-poplu tkun trid li neħilsu mill-ħakma ta' l-Unjoni Ewropea.