MERĦBA FIL-PAĠNA TAS-CNI

KAMPANJA ĦELSIEN NAZZJONALI

Kienet, għadha u tibqa' favur il-ħaddiema Maltin

u kontra s-sħubija ta' Malta fl-Unjoni Ewropea

NAĦILFU LI NEĦILSU LIL MALTA MILL-JASAR, IL-KOLONJALIŻMU U L-ĦAKMA DITTATORJALI ILLEGALI TA' L-UNJONI EWROPEA

Min daħħalna fil-basla taż-Żona Schengen,

* għamel gwaj kbir lil pajjiżna,

* għax it-tneħħija tal-kontroll tal-passaporti

* u tad-Dwana fuq il-barranin

* u l-prodotti li jiġu mill-pajjiżi tal-Unjoni Ewropea

* u tax-Schengen,

* dgħajjef ħafna l-ħarsien

* u s-sigurtà tal-poplu tagħna mill-kriminalità,

* il-kutrabandu

* u l-importazzjoni illegali.

Il-vantaġġi tat-tneħħija tal-bżonn tal-passaporti u tal-kontroll tad-Dwana huma żgħar ħafna meta jitqiesu mal-iżvantaġġi għall-ħarsien u s-sigurtà li l-poplu tagħna ġarrab.

Huwa għajb għall-politiċi li ħbew lill-poplu r-riskji serji tas-sħubija fiż-Żona Schengen, billi minflok, intilfu f’orġja ta’ ftaħir fieragħ dwar it-tneħħija tal-inkonvenjenzi żgħar tal-kontroll tal-passaport u tad-Dwana.

Min jistma l-ħarsien u s-sigurtà tal-poplu aktar mill-kisba tal-voti popolari, ma jistax ma jistqarrx li mhux fl-aħjar interessi tal-poplu tagħna li Malta tkun imsieħba fiż-Żona Schengen.

Huwa ttamat li jerġgħu jitfaċċaw politiċi patrijottiċi li jkollhom id-dehen u l-kuraġġ li jissagrifikaw il-popolarità għall-interessi nazzjonali billi jgħidu l-verità lill-poplu, mhux jitmawh il-propaganda.

Żgur ħadd mill-politiċi li jiftaħru bix-Schengen

* ma fisser lill-poplu li bis-sħubija fix-Schengen

* tlifna d-dritt li ngħidu min jista’,

* u min ma jistax jidħol f’pajjiżna.

Għax jekk wieħed mill-pajjiżi imseħbin ma jkunx irid iħalli persuna tidħol fil-pajjiż, aħna ma nkunux nistgħu ndaħħluha f’pajjiżna.

B’dan il-mod ħaddieħor għandu dritt ma jħallix jiġi Malta lil min jidhirlu hu, allavolja aħna ma jkollniex raġuni biex ma nħalluhx jiġi.

Bis-sħubija fix-Schengen, ċedejna parti mis-sovranità, li m’għadux ħieles dwar il-kontroll tad-dħul tal-barranin.

Daħħluna fix-Schengen

* wara li daħħluna fl-UE,

* għalkemm mhux bilfors kellna nagħmlu dan,

* għax hemm pajjiżi membri tal-UE

* li ma ssieħbux fix-Schengen,

* bħal mhuma l-Ingilterra,

* l-Irlanda,

* ir-Rumanija

* u l-Bulgarija.

Parti oħra mis-sovranità ta’ pajjiżna ċedejniha wkoll

* meta bis-sħubija fl-UE tlifna d-dritt

* li ma nħallux jibqgħu f’pajjiżna immigranti illegali,

* li l-UE ġġegħelna ma nħalluhomx jibqgħu sejrin

* lejn il-pajjiżi l-oħrajn tal-UE.

B’hekk spiċċajna li mhux aħna nikkmandaw

* min ma jidħolx f’pajjiżna

* u min ma jibqax joqgħod hawn,

* u dwar dan ikollna naċċettaw

* dak li jridu minna l-pajjiżi tax-Schengen u tal-UE.

M’għadniex la indipendenti u lanqas ħielsa.

Kemm pajjiżna m’għadux sovran u ħieles jiddeċiedi x’jaqbel u x’ma jaqbilx għall-poplu tagħna, narawh mill-kwistjoni li nqalgħet mal-ħbieb ġirien tagħna l-Libjani li, wara li għadd minn nieshom ma ngħatawx il-visa biex jidħlu f’pajjiż taż-Żona Schengen, waqqfu liċ-ċittadini kollha tax-Schengen, inklużi l-Maltin, milli jidħlu fil-Libja.

Lil-Libjani li pajjiż ieħor ma ħarġilhomx visa,

* ma nistgħux inħalluhom jiġu Malta

* minkejja li aħna m’għandna ebda oġġezzjoni għalihom

* u m’għandniex għax inbarruhom.

Dan ifisser li pajjiż ieħor ta’ Schengen qiegħed jiddeċiedi għalina.
 

Tajna l-muftieħ tal-bieb tagħna lill-barranin, biex żgur nuru li rajna mhux aktar f’idejna.

Hekk ġabuna dawk fostna li dejjem stmaw aktar lill-barranin milli jirrispettaw lill-ħuthom Maltin.

Din il-kwistjoni bejn il-pajjiżi tax-Schengen u l-Libja

* turi li sirna poplu mitruħ

* li m’għandniex is-saħħa nħarsu l-interessi nazzjonali tagħna

* u rridu lil tal-UE biex jaqbżu għalina

* anki mal-ġirien ħbieb tagħna.

Infatti l-ministri Maltin qegħdin jitolbu lill-UE biex tara kif jintlaħaq ftehim bejn il-pajjiżi tax-Schengen u l-Libja, minflok li nittrattaw direttament aħna mal-Libjani.

Ħadd aktar minna m’għandu x’jitlef li ċ-ċittadini tiegħu ma jistgħux imorru l-Libja.

Għadd kbir ta’ Maltin għandhom xogħol fil-Libja,

* jew jagħmlu negozju hemm,

* u l-AirMalta u kumpaniji oħrajn Maltin

* se jġarrbu telf minħabba t-tnaqqis fit-trasport tal-passiġġieri

* u fil-kummerċ bejn iż-żewġ pajjiżi.

Huwa fl-interess nazzjonali li nfittxu noħorġu minn din il-basla li s-sħubija fix-Schengen daħħlitna fiha.

Il-Gvern Malti stqarr li hu abbuż li l-ftehim ta’ Schengen jintuża għal raġunijiet politiċi biex ma jinħarġux visi.

B’dankollu minkejja li nistqarru li sar abbuż,                     

* m’għandniex il-kuraġġ nieħdu l-passi meħtieġa             

* biex ma nbatux il-konsegwenzi ta’ abbuż ta’ ħaddieħor.

Jekk il-pajjiżi tax-Schengen

* mhumiex lesti jġiegħlu lill-pajjiż li abbuża,

* ibiddel id-deċiżjoni abbużiva tiegħu,

* Malta jmissha taħsel idejha mill-ftehim ta’ Schengen

* u toħroġ miż-Żona Schengen.

B’hekk nerġgħu nkunu ħielsa li nħarsu l-interessi nazzjonali tagħna, kif jixraq lill-poplu tagħna.

Minkejja li l-Gvernijiet ta’ Malta,

* l-Italja,

* Spanja

* u l-Portugall

* ikkundannaw il-fatt li pajjiż juża l-ftehim ta’ Schengen

* mhux għal skop ta’ sigurtà,

* iżda għal skop politiku,

* l-UE tat l-appoġġ tagħha li dak il-pajjiż li abbuża mix-Schengen.

Għalhekk, Malta la hi msieħba fl-UE, qiegħda titqies li hi wkoll tat l-appoġġ tagħha għan-nuqqas tal-għoti ta’ visa lil-Libjani.

Dan il-fatt qiegħed iħarbat ir-relazzjonijiet ta’ ħbiberija ta’ pajjiżna mal-Libja, u jista’ jwassal għal konsegwenzi ħafna agħar.

Għaliex jekk it-tilwmia titwal u tiħrax,

* se nsibu ruħna fl-inkwiet mal-ġirien tagħna

* li jkun dovut għas-sħubija tagħna fl-UE

* u fiż-Żona Schengen.

Dan ma jkunx fl-interess tal-poplu,                     

* u min tassew ifittex il-ġid tal-poplu,                 

* għandu d-dmir li jieħu l-passi kollha meħtieġa

* ħalli dan l-inkwiet nevitawh.                             

Biex neħilsu mill-inkwiet                                   

* li s-sħubija fl-UE                                            

* u fix-Schengen                                                 

* qiegħda ġġib lill-poplu tagħna,                      

* għandna niksbu lura d-dritt                           

* li bħala nazzjon niddeċiedu liberament aħna,

* mhux il-maġġoranza tal-pajjiżi tal-UE           

* jew taż-Żona Schengen,                                  

* x’jaqbel għalina                                              

* u x’relazzjonijiet ikollna mal-ġirien tagħna.  

Hekk inkunu nistgħu minnufih inneħħu l-ħtieġa tal-ħruġ ta’ visa għall-Maltin li jridu jmorru l-Libja u għal-Libjani li jridu jiġu Malta.

Dan l-aħħar fl-aħbarijiet fuq il-BBC World, il-Kanċellier Ġermaniża Angela Merkel ġiet ikkwotata li qalet li jekk wieħed mill-istati membri tal-UE (referenza ċara għall-Greċja) kien jonqos li jħallas (‘defaults’) pagamenti ta’ djun li jkollu, dan il-fatt jista’ jfisser it-tmiem tal-ERM (li huwa l-mekkaniżmu li jirregola r-rata tal-kambju tal-ewro), li huwa l-bażi li fuqu teżisti l-munita ewro bħala l-munita tal-istati membri fiż-Żona Ewro.

Din l-aħbar fakkritni x’kien qal il-Professur Paul de Grauwe fil-ġurnal Belġjan “De Morgan” xi żmien ilu.

Prof. De Grauwe stqarr li jekk mhux se jkun hemm “għaqda politika”, f’tul ta’ żmien, l-ewro ma tistax tibqa’ teżisti.

Huwa kompla jgħid“issa li ħadd ma jidher li jrid għaqda politika, wieħed jibda jitħasseb kemm l-għaqda monetarja kienet idea tajba.

Nazzarda nipprevedi li, f’tul ta’ żmien, l-għaqda monetarja tikkollassa (‘will collapse’).

Mhux is-sena d-dieħla, iżda fi żmien ta’ 10 jew 20 sena.”

Il-Professur de Grauwe kien u forsi għadu konsulent ekonomiku tal-President tal-Kummissjoni Ewropea, Josè Manuel Baroso.

Ta’ min ifakkar li kliem bħal ta’ de Grauwe kien intqal qabel mill-Kap Ekonomista tal-Bank Ċentrali Ġermaniż, il-Bundesbank, Ottmar Issing, meta qal “m’hemm ebda eżempju fl-istorja ta’ għaqda monetarja li baqgħet teżisti li ma kinitx marbuta ma’ stat wieħed.”

Romano Prodi stess kien stqarr “issa rridu niffaċċjaw ix-xogħol diffiċli li nimxu lejn ekonomija waħda u entità politika waħda.”
 

Meta wieħed jikkonsidra x’qed jiġri fil-Greċja,

* fejn instab li l-Gvern Grieg Konservattiv ta’ Karamalis

* kien ħeba bil-kbir il-qagħda finanzjarja ħażina tal-Greċja lill-UE

* u kixef dan il-ħabi l-gvern Soċjalista ta’ George Papandreou,

* kif ukoll il-qagħda ekonomika ħażina kemm ta’ Spanja u tal-Portugall

* u min jaf kemm għad nisimgħu b’ħabi minn gvernijiet oħrajn,

* fosthom anki dwar il-Gvern Malti,

* faċilment jista’ jseħħ dak li bassar il-Professur de Grauwe,

* li l-ewro tisfaxxa fis-snin li ġejjin.

U għalhekk nidħak meta nisma’ min jgħid,

* bħal ma ġieli qal il-Prim Ministru Gonzi,

* li kieku ma kellniex l-ewro                      

* konna nfallu f’din il-kriżi ekonomika      

* u finanzjarja li laqtet id-dinja.                  

Anzi qiegħed jidher li ċerti pajjiżi qegħdin ifallu,

* preċiżament għax għandhom l-ewro               

* u b’hekk ma jistgħu jagħmlu xejn,                  

* bħal li jiżvalutaw il-munita,                              

* biex jirranġaw il-qagħda finanzjarja                

* u ekonomika tagħhom,                                    

* għax bl-ewro dan ma jistgħux jagħmluh.         

Il-Ħamis, 4 ta’ Marzu, 2010

e-mail: cnimalta at yahoo.co.uk 

Inroddulek ħajr li żort il-paġna tagħna

Appoġġ fil-ġlieda għall-Indipendenza u l-Ħelsien

Trid tgħin biex niksbu mill-ġdid l-Indipendenza u l-Ħelsien? 

Jekk iva, għin lis-CNI fil-ħidma tagħha biex il-maġġoranza tal-poplu tkun trid li neħilsu mill-ħakma ta' l-Unjoni Ewropea.

Issieħeb fis-CNI billi tibgħat €5 flimkien ma' din il-formola lis-

Segretarju Finanzjarju  CNI,

60A, Triq id-Dejqa,

Valletta

Isem .......................................................

Indirizz ...................................................

ID Numru ...............................................

Inroddulek ħajr ta’ l-għajnuna tiegħek

Malta ħielsa u newtrali fl-aħħar tirbaħ